1 Samuwɛli 28:5 - ALLALA KUMƐ

⁵ Mansa Sɔli ya Filisitinuna kɛlɛ-dannu yen tumɛ min, a kilanta dɔgɔma-ma-de!

1 Samuwɛli 28:5 ပူးပေါင်းရင်းမြစ်များ

Yobu 15:21

Kuman-kan-makilannɛnu si to a rakilanna. Ale miri wati min ma ko a latankanɛ, kankan si bui a ma.

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yaburi 73:19

Anu si halaki tiriya! Anu na si to kumakɔɛ bolo.

Hɛnkilimaya-Kumɛnu 10:24

Mɔgɔ-telennɛ nyinita fenfen ma, fɔ a wa wo sɔrɔn kɔnɔ mɔgɔ-karagbɛlɛ kilanta fenfen na, wo le ye a birala.

Aiseya 7:2

A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.

Daniyɛli 5:6

a yakɔrɛ sisira, a mɔlɔkɔnta kilan bolo.

1 Samuwɛli 28:4

Filisitinuna kɛlɛ-dannu ya anu daga makɛ Sunam soe dafɛ. Mansa Sɔli ya ata kɛlɛ-dannu Isirɛla mɔgɛnu fanan kundɛn ka anu daga makɛ Kilabowa kɔnkɛ kɔrɔ.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.