1 Samuwɛli 26:8 - ALLALA KUMƐ

⁸ Abisayi ya a fɔ Dawuda ye ko, “Bi suyi rɔ, Alla ara i yoge don i bolo tun. A ma, n ni ala tanbɛ kɛ bi ka a layigi a rɔ iko kelen pe ka a gbangban dugi rɔ. Hali n ma a layigi iko fila.”

1 Samuwɛli 26:8 ပူးပေါင်းရင်းမြစ်များ

2 Samuwɛli 16:9

Sɛruwa Abisayi ya a fɔ Mansa Dawuda ye ko, “N tigi, nfenna i ye sɔnna wuli kɛ ye i mamɔɛnna? A ma, n ni ta a kunyɛ tɛgɛ a dagɛ rɔ!”

Yaburi 31:8

I ma sɔn, n yogenu ni n bira kɔnɔ i ya a ma, n nafɛrɛnɛ tara.

Yɛrɛmaya 40:15

Woletɔ anu tara anu sɔ anu dan na. Yohenan ya a fɔ ale Kɛdalaya ye ko, “A ma, n ni ta Sumanyila faga. Mɔgɔ-wo-mɔgɔ ti sui n ma. Ma kana sɔn, a ni i faga. Ni a ya i faga, wo si a ma, Yuda kɛ minnu na ara dɛn, wonu ta si nyɛnsɛn, ado anu si kasara.”

Nehami 1:9

Anu bi yanfɛ kirila Mari ma fu! A si wonu halaki. Mɔgɛ ti a kinyama fila Alla rasɛ tinɛ, a makolɔn ni to.

Romu 11:32

Alla ara mɔgɛ bɛɛ ma yɔɔn la kuma-birabɛlitayɛla ko la alako a ni ala kinikinɛ yira anu damasi la.

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Yasowa 21:44

Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Kɛlɛ-Kurugbɛnu 1:4

Mari ya sɛnbɛ di anu ma kɛlɛ rɔ. Anu ya Kenan kɛnu anubɛ Perasanu nɔ. Anu ya kei mɔgɔ waga tan (10,000) faga Bɛsɛki soe burɔ.

1 Samuwɛli 23:14

Dawuda tora a dogonna kɔnkɛnu tɛma Sifi wulɛ rɔ. Tuma-wo-tuma, Mansa Sɔli ye a nyinina. Kɔnɔ Alla ma sɔn Dawuda dila Mansa Sɔli ma.

1 Samuwɛli 24:4

Dawudala keminɛ wonu ya a fɔ a ye ko, “Mari ara fɛrɛ-bɛrɛbɛrɛ le di i ma kɛ la iko a ya a fɔ i ye nya min nun ko a si i yoge don i bolo. Ko-wo-ko diyara i ye gbɛ, i si wo sigi le a ma.” Dawuda tara dɔidɔi ka Mansa Sɔlila duruku-ba wo do tɛgɛ a la. Kɔnɔ Mansa Sɔli ma ko lɔn wo rɔ.

1 Samuwɛli 24:5

Dawuda sɛgira a kɔma ala mɔgɛnu bara. Wo kɔma, a yisi donta a tɔrɛ rɔ a ma bawo a ara Mansa Sɔlila duruki tɛgɛ a la.

1 Samuwɛli 26:23

Lanaya-mɔgɛ minnu si ko-latelennɛ kɛ, Mari si wonu barayi. Mari min ya i ma mansɛ la, wo ya i don n bolo bi kɔnɔ n ma ko-wo-ko ma i la.

1 Samuwɛli 26:7

Wulɔn suyi rɔ, Dawuda anubɛ Abisayi tara Mansa Sɔlila dagɛ rɔ. Anu ya Mansa Sɔli taran kinɔgɔla dagɛ tɛma den! Ala tanbɛ gbangbannɛ dugu rɔ a kunyɛ dafɛ. Abina anubɛ ala kɛlɛ-dannu fanan bi kinɔgɔla Mansa Sɔlila foolɛ rɔ.

1 Samuwɛli 26:9

Kɔnɔ Dawuda ya a fɔ a ye ko, “I kana ko-wo-ko ma a la bawo ni mɔgɔ-wo-mɔgɔ ya ko ma Marita mansa-yabɔnɛ la, ale Mari si wo tigi tɔrɔ.