1 Samuwɛli 26:6 - ALLALA KUMƐ

⁶ Dawuda ya ala keminɛ mɔgɔ fila manyinika, a ko, “Wole mɔgɔ filɛ kɛ yon si ta n fɛ Mansa Sɔlita dagɛ rɔ.” Kelan tɔgɛ le Ahimɛlɛki min bɔra Hɛtinu tɛma. Doi tɔgɛ le Abisayi. Wo na-kelen-nyɔgɛ tɔgɛ le Yohabu. Anu na tɔgɛ le Sɛruya. Abisayi ya a fɔ a ye ko, “Nde si ta i fɛ.”

1 Samuwɛli 26:6 ပူးပေါင်းရင်းမြစ်များ

Ko-Dabirɛnu 10:15

Hamala den Kenan wo ya den mɔgɔ fila sɔrɔn, ala den-kei-sarɛ Sadon anubɛ Hɛti.

Ko-Dabirɛnu 23:3

Iburayima ya a lasɔ ka bɔ ala musi furi dafɛ ka ta a fɔ dugurannu ye ko,

Ko-Dabirɛnu 26:34

Isiyakala dan Isɔ sɔrɔn ya san bi-nani bɔ tumɛ min, a ya Hɛtinuna dunmusu fila furu, Birila dunmusi min tɔgɛ Yuditi anubɛ Helonna dunmusi min tɔgɛ Basemati.

2 Samuwɛli 11:21

Kidiyɔnla den Abimɛlɛki fagara nya min, wo ma wo miri wo ma nun, ba? Wonu tanɛ Tebɛsi so-burɔ-mɔgɛnu kɛlɛ tinɛ tumɛ min, musi do ya kuri-belebele do labɔ san ma ka a labui Abimɛlɛki kunyɛ rɔ ka a faga. Nfenna wo ya wo gbɛrɛn tarɛ ma wo nya na?’ Ni mansɛ ya i manyinika kɛ nya na, i si a fɔ a ye ko ala kɛlɛ-den-kun-tigi min tɔgɛ Yuraya, wo ara faga.”

2 Samuwɛli 11:24

Anu yɛlɛta tarɛ kuma ka kalabɛn lakɛ ma ma, wo le ya a ma, mala kun-tigi donu fagara. Ila kɛlɛ-den Yuraya kunyɛ tora kɛlɛ rɔ le fanan.”

2 Samuwɛli 11:6

Mansa Dawuda ya kilayɛ lata Yohabu ma kɛlɛ-kɛ-tinɛ alako a ni Yuraya lana a ma. Yohabu ya Yuraya lana ale mansɛ ma.

2 Samuwɛli 12:9

Mari ko nfenna i wara ala kumɛ bɔ a gbɛ rɔ? A ko nfenna i wara ko-yogoma-su kɛ ma? I wara a ma, Amonnu bara Yuraya faga kɛlɛ rɔ. Wo kɔma fanan, i wara ala musi bi!

2 Samuwɛli 18:5

Yohabu wo, Abisayi wo, Itayi wo, a ya wonu masara. A ko, “Ka a tɛgɛ ndela ko ma, wo yandi, wo kana ko ma kemini-mɛsɛ wo la, nna den Abasalɔm, kɔni.” Kɛlɛ-dan min bɛɛsi ye nyɔ rɔ, wonu ya Mansa Dawuda yen kɛ fɔla anuna kun-tiginu ye.

2 Samuwɛli 2:13

Yohabu na tɔgɛ le Sɛruwa. Ale Yohabu anubɛ Dawudata keminɛ donu tara dala-kundi do dafɛ. Yohabunu sigira a tɔnkɔn doi rɔ, Abinanu sigira a tɔnkɔn doi fanan tɔ.

2 Samuwɛli 2:18

Sɛruwala den mɔgɔ sawɛ ye nyɔ nun. Wonu tɔgɛ le Yohabu anubɛ Abisayi anubɛ Asahɛli, ado Asahɛli wo ye a burila iko woyan.

2 Samuwɛli 23:18

Yohabu dɔgɔ Abisayi minnu na tɔgɛ Sɛruya, wo le ye kɛlɛ-kurugba bi-sawɛ kɛnu kun na. Abisayi wo le ya mɔgɔ kɛmɛ sawa faga ala tanbɛ la. Wo le ya a ma, ale tɔgɔ bɔra mɔgɔ bi-sawa kɛnu tɛma ka ma anuna kun-tigi la. Kɔnɔ ale ma tɔgɛ sɔrɔn iko mɔgɔ sawɛ kɛnu.

2 Samuwɛli 23:34

Ahasabayila den Ilifɛlɛti ka bɔ Meyaka soe burɔ, Ahitafɛlila den Ɛliyamu ka bɔ Kailo soe burɔ,

2 Samuwɛli 23:39

Yuraya ka bɔ Hitanuna nyamanɛ rɔ. Anu bɛɛ lakofunɛ, kɛlɛ-kurugba mɔgɔ bi-sawa ani wɔrɔnfila.

1 Mansɛnu 10:29

Anu ya kirindinu san a ye Iyipiti nyamanɛ rɔ. Wo kɔma, anu denu ya wonu mayira Hɛti mansɛnu anubɛ Siriya mansɛnu ma. Anu ya soeenu mayira wodi-gbɛ la minna gbiliyɛ anubɛ fui-fan pani-nya kelen ani a talɛ rakɛn. Anu ya kirindi wonu mayira wodi-gbɛ la minna gbiliyɛ anubɛ fui-fan pani-kunbɛ-nya wɔrɔ rakɛn de!

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

1 Samuwɛli 26:7

Wulɔn suyi rɔ, Dawuda anubɛ Abisayi tara Mansa Sɔlila dagɛ rɔ. Anu ya Mansa Sɔli taran kinɔgɔla dagɛ tɛma den! Ala tanbɛ gbangbannɛ dugu rɔ a kunyɛ dafɛ. Abina anubɛ ala kɛlɛ-dannu fanan bi kinɔgɔla Mansa Sɔlila foolɛ rɔ.