1 Samuwɛli 25:39 - ALLALA KUMƐ

³⁹ Dawuda ya a lamɔɛn tumɛ min ko Nebali ara faga, a ko, “Mari ni tanto! Nebali kɛ le ya n mɔɛn, ado i wara n tayili sara a la. Mari ara a ma, n ma ko-yogoma ma. Mari ara Nebali tɔrɔ ala wunduyogoyɛla ko la.” Dawuda ya a sara Abigɛli wara a furu-koe rɔ.

1 Samuwɛli 25:39 ပူးပေါင်းရင်းမြစ်များ

2 Samuwɛli 1:16

ado Dawuda ara a fɔ ale Amalɛki wo ye nun ko, “I nyɛrɛ le ya i nyɛrɛ faga bawo i ya a fɔ kuma rakaran tinɛ i ko, ile le nyɛrɛ-nyɛrɛ ya Marita mansa-yabɔnɛ wo faga.”

1 Mansɛnu 2:44

Mansɛ ya a fɔ Simayi ye tun ko, “Ile nyɛrɛ ya a lɔn i ya ko-yogomɛ min ma n fa la. Wola ko la Mari Alla si ila ko-yogomɛ wo sara i la.

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Ɛsita 9:25

Wo kɔma, Ɛsita tara mansɛ taran. A ya sereya do sɛbɛ. Heman ya gbɛrɛ min nasigi Yahudiyanu ye, anubɛ ala dannu birara wo le la ka anu dun mɔgɔ dun tinɛ wo la, a nyɛrɛ ya min nadan ala bɔn dafɛ.

Yaburi 7:16

Anu bi tɔrɔyɛ min saganna anu ta-nyɔgɛnu tɔgɔ rɔ, wo ye sigila anu nyɛrɛ le ma. Anuta karagbɛlɛyɛ wo ye yigila anu denu denu kun-kole ma.

Yaburi 9:5

I wara sibolo-gbɛrɛnu yiliki ka ko-yogoma-kɛlɛnu kasara ka anu tɔgɛ latunu yen!

Hɛnkilimaya-Kumɛnu 18:22

Ni kei min ya musi sɔrɔn, wo ara fen-nyima sɔrɔn. A ni a lɔn wo rɔ ko Mari ara ko-nyimɛ kɛ a ye.

Hɛnkilimaya-Kumɛnu 19:14

Mɔgɛ si bɔn anubɛ nɔnfuli sɔrɔn a na anubɛ a fa kɛɛ rɔ kɔnɔ musu-nyima-sɔrɔn, wo ye bɔla Mari le bolo.

Hɛnkilimaya-Kumɛnu 22:23

Mari le si anuna kɛlɛ kɛ anu ye ka wo niyi ragbɛrɛn.

Hɛnkilimaya-Kumɛnu 31:10

Ka musu-hakikɛ sɔrɔn, wo gbɛlɛ de! Kɔnɔ ni i bole bɛnta a la, a tenbira dugu-kɔrɔ-nɔnfuli la.

Hɛnkilimaya-Kumɛnu 31:30

Musi donu yakɔrɛla kinyɛ si mɔgɛ yanfa, ado a ti a laban. Kɔnɔ musi minnu bi kilanna Mari la, wonu si gbiliyɛ sɔrɔn.

Keninteya-Siginu 8:8

Ma dɔgɔ-musi ye nyɔ. A kin ma bɔ wɛ. Ni kemini-mɛsɛ do nara a mabira tinɛ, ma si nfen ma ma dɔgɛ ye?

Maika 7:9

Ma ara hakɛ kɛ Mari la. Fɔ ma ni ma munyu ata diminyɛ kɔrɔ wati-kundu-ni kɔrɔ. Wo wati wa ban, a si ma fɛka ka ma tayili sara ma yogenu na. A si ma labɔ pinpi rɔ ka ma kun nayere.

2 Kɔrɛnti 13:7

Ma ye Alla matarala ko wo kana ko-yogoma wo ko-yogoma kɛ. Ni male foora a la wo, ni ma ma foo a la wo, wo hɔnya sa male la. Alako tun wole kana foo a la, wo le gbili male ma.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

2 Timoti 4:18

Nba, Mari ti sɔn ko-yogoma wo ko-yogoma ni ma n na. A si n nadon Arinyɛni tɔ, ale ye mansayɛ la kan min. Gbiliyɛ ni di a ma habadan! Amina.

Kɛlɛ-Kurugbɛnu 5:2

Ma si baraka bira Mari ye ka a tanto bawo Isirɛla kun-tiginu sɔra yarɔ kɛlɛ rɔ, ado Isirɛla mɔgɛnu ya anu nyɛrɛ niyi fili kɛlɛ rɔ.

1 Samuwɛli 24:15

Kɔnɔ alamɛ Mari ya kiti tɛgɛ ma tɛma. Alamɛ Mari tora n fɛ ma tɛma kiti kɛ rɔ ka n tanka i masibɛ ma.”

1 Samuwɛli 25:26

Mari le dɔrɔn ya a ma, i ma i ya-lamunun i yogenu na ka anu damasi faga. N bara n keli Mari la ko i yogenu si tɔrɔyɛ sɔrɔn iko Nebali kɛ, ado mɔgɔ-wo-mɔgɔ ya a miri ko-yogomɛ ma i wara la, wo tigi si tɔrɔyɛ sɔrɔn iko n buin Nebali kɛ.

1 Samuwɛli 25:32

Dawuda ya a fɔ a ye ko, “N si baraka bira Isirɛlata Mari Alla ye bawo ale le wara i lana ka n taran yan bi.

1 Samuwɛli 25:34

Mari ara a ma, n ma ko-wo-ko ma wo la. Kɔnɔ ni i ma i latiriya nala n taranna yan nun, n bara n keli Isirɛlata Mari Alla-nimɛ rɔ nun ko yanni sina sɔgɔma, n si Nebali anubɛ ala bonna-keminɛ bɛɛsi faga.”

1 Samuwɛli 25:40

Ala wɔli-kɛlɛ donu tara Abigɛli wara Kamɛli soe burɔ ka a fɔ a ye ko, “Dawuda le ya n masɔ i wara ko ma ni na i bi alako i ni ta ma ala musi la.”

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.