1 Samuwɛli 25:36 - ALLALA KUMƐ

³⁶ Abigɛli tara ala kei Nebali wara. A ya a taran, ala kei ye ladiyɛ min kun na, wo manɛ de iko mansɛtɛ. A ara a min kɔlikɔli. A sewanɛ baan bolo woletɔ Abigɛli ma kuma-wo-kuma fɔ a ye ha wo wulun sɔgɔma.

1 Samuwɛli 25:36 ပူးပေါင်းရင်းမြစ်များ

2 Samuwɛli 13:23

San fila kɛ kɔma, Abasalɔm wuli ala saga-siyi matɛgɛla Beyali-Hesɔ soe burɔ min bi Ifɛrɛm nyamanɛ dafɛ. A ya mansɛla dan bɛɛsi kele ladiyɛ kɛ kuma.

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

1 Mansɛnu 20:16

Isirɛla kɛlɛ-dan wonu tara bui Siriyanu ma tele-latelen-wati. Wo ya a taran, Mansa Bɛnhedadi anubɛ a ta-nyɔgɔ-mansa bi-sawa ani mansa filɛ wonu bi anu kun tafin tinɛ anuna fani-bɔnnu na.

Yaburi 112:5

Mɔgɔ-sewanɛ le wo tigi la min si mɔgɛ dɔndɔ foninsereyɛ rɔ, ado a telennɛ ala yilayɛ rɔ.

Hɛnkilimaya-Kumɛnu 20:1

Baan-minyɛ si mɔgɛ ma yuwɛ anubɛ sɔnkɔtoe la. Min bi a nyɛrɛ donna wo ko-sufa rɔ, hɛnkilima ma wo tigi la.

Makawandili Kumɛnu 10:19

Dɔn-fan la ye danna alako mɔgɛ ni taran a diya. Minni-fan ye minna sewa-koe le la. Kɔnɔ ni wodi ma, fenfen ti sɔrɔn.

Aiseya 28:3

Mɔgɔ-ba-gbɛɛtoe wonuna wasinteyɛ si taran anu yogenu denu kin kɔrɔ.

Aiseya 5:11

Gbalo ye wo ma bawo wo ye surula wo yɛ lafinna gbɛɛ la, ado wo ye kila baan minna kɔlikɔli!

Yɛrɛmaya 51:57

A kun-tigi wo, a hɛnkilima wo, a mɔgɔ-ba wo, a kɛlɛ den wo, a si wo bɛɛ lamin. Anu ba kinɔgɔ, anu ti kunden tun! Mansɛ min tɔgɛ Mari Sɛnbɛ-Bɛɛ-Tigi, wo kan le kɛ la.

Hoseya 4:11

Mari ko, “Baan-feremɛ ye a mala, wole nta mɔgɛnu bi kuntanya-koenu mala.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Luka 14:12

Yisa ya a fɔ ladiya-tigi ye ko, “Ni i ye tele-kɔndɔn, ni wo ma, kimanɛ dila mɔgɛnu ma, i ta-nyɔgɔ wo, i na-kelen-nyɔgɔ wo, i kebila-nyɔgɔ wo, i sigi-nyɔgɔ min bananyanɛ wo, i kana wonu fenfen kele. Ni i ya wo ma, anu fanan si ile kele ka ila yili sara.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

1 Samuwɛli 25:19

A ya a fɔ wɔli-kɛlɛ wonu ye ko, “Wo sɔ n yarɔ. N bi nala.” Kɔnɔ a ma kuma-wo-kuma fɔ ala kei ye.

1 Samuwɛli 25:37

Baan bɔɛ a yɛ la sɔgɔma, koe min bɛɛsi tenbira, Abigɛli ya wonu takaran a ye. Wo lamɔɛn a bolo, a yisi tɛgɛra bao! A fɛrɛ mɔlɔkɔnta.