1 Samuwɛli 25:33 - ALLALA KUMƐ

³³ I wara n nasɛgi mɔgɔ fagɛ anubɛ tayili-sara-kilɛ min ma bi, n si baraka bira Alla ye ita hɛnkili-nyimɛla ko la.

1 Samuwɛli 25:33 ပူးပေါင်းရင်းမြစ်များ

Yaburi 141:5

Ni telenbagɛ ya n gbesi, a ye n dɛnbɛn-koe le tɔ. Ni a ya n makuma, wo mani de iko a ara tuli le don n yakɔrɛ ma, ado n ti n ban a bolo. N bi madiyali kɛla ko-yogoma-kɛlɛnu denu kan ma.

Bɔ-Koe-Iyipiti 22:2

Kankan wo si wo nyɔgɔ labɔ. Ni fenfen sa ale kankan bolo, anu si ale mayira ka a ma kolo-fan wo sɔnkɛ la. Ni a ya min kankan, a ma ko ma wɛ wo la, ni a mara ninki le la, a si wo nyɔgɔn fila lasɛgi. Ni a mara sagɛ le la, a si wo nyɔgɔn fila lasɛgi. Ni a mara sofɛlɛ le la, a si wo nyɔgɔn fila lasɛgi. “Ni mɔgɛ do ya kankan do yen, a ye bɔn kerila suyi rɔ, ni a ya a gbesi a ni faga, anu ti mɔgɛ wo tɔrɔ kankan wo faga-koela ko la. Ni a ya a yen tele le tɔ, ni mɔgɛ wo ya a gbesi, a ni faga, a gbesilɛ wo si yilikiyi sɔrɔn mɔgɔ-faga-koe la.

Hɛnkilimaya-Kumɛnu 13:14

Hɛnkilimɛta karan mani de iko tenke-hakikɛ, ado karan wo si mɔgɛ dɛnbɛ ka a bɔ sayɛ da la.

Hɛnkilimaya-Kumɛnu 17:10

Makuma kelan si ko-nyinya hɛnkilimɛ ma ka tenbi bosɛ dan-nya kɛmɛ la kuntan ma.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.

Hɛnkilimaya-Kumɛnu 27:21

Iko tɛ si sɛnɛ anubɛ wodi-gbɛ-boe bɔ a kɛndɛ yala nya min, matɔgɔlɛ fanan si mɔgɛ kɔrɔbɔ wo nya na le.

Hɛnkilimaya-Kumɛnu 28:23

Mɔgɛ min bi ila fɛɛ yirala i la, wo ye i dɛnbɛn-koe le tɔ ka tenbi i matɔgɔlɛ la.

Hɛnkilimaya-Kumɛnu 9:9

Ni i ya hɛnkilimɛ labila, a si do sa ala hɛnkilimayɛ kuma. Ni i ya mɔgɔ-telennɛ karan, ala karan ma si to kofula.

1 Samuwɛli 24:19

Mɔgɔ yon si a yoge bira, a ni a boloka, a ma ko ma a la? I wara ko-nyimɛ min ma n ye bi, alamɛ Mari ya i sara wo la.

1 Samuwɛli 25:26

Mari le dɔrɔn ya a ma, i ma i ya-lamunun i yogenu na ka anu damasi faga. N bara n keli Mari la ko i yogenu si tɔrɔyɛ sɔrɔn iko Nebali kɛ, ado mɔgɔ-wo-mɔgɔ ya a miri ko-yogomɛ ma i wara la, wo tigi si tɔrɔyɛ sɔrɔn iko n buin Nebali kɛ.

1 Samuwɛli 25:31

Wonu ba ma tumɛ min, ile ti nimisa bawo i ma baga mɔgɔ ma ka a faga hali ka i tayili sara mɔgɔ la. Wo wati wa ke tumɛ min, i kana nyina n ko.”