1 Samuwɛli 25:28 - ALLALA KUMƐ

²⁸ N tigi, i yandi, ni n bara bila i la, i hakɛ to n ye. Mari si wobɛ i kegeyɛnu ma mansɛ la bawo i ye ata kɛlɛ kɛ le la. Fananta i ye i kɛndɛ la, i ti ko-yogoma ma.

1 Samuwɛli 25:28 ပူးပေါင်းရင်းမြစ်များ

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

2 Samuwɛli 7:16

Tɔn ti sigi mamani-koe la, ado mansayɛ ti bɔ a kegeyɛnu bolo muk! Mansayɛ kɛ dan sa!”

2 Samuwɛli 7:27

“Isirɛla mɔgɛnuta Mari Alla Sɛnbɛ-Bɛɛ-Tigi, ni i ya a yen nde, ila wɔli-kɛlɛ ye i madiyala kɛ nya na kaka, n yili latɛgɛni de bawo ile le wara a sa gbɛ ma n ye ko mansayɛ ti bɔ nna bɔn la.

1 Mansɛnu 15:3

Mansa Abaya fanan ya hakɛ kɛ iko a fa ya a ma nya min. A ma a telen Mari ye iko a benba Mansa Dawuda ya a ma nya min nun.

1 Mansɛnu 15:5

Mari ya kɛ ma le bawo Mansa Dawuda taranta a sako kɛla nun fɔ Yuraya Hɛti kɛ wara-koe dɔrɔn.

1 Mansɛnu 9:5

mansayɛ si to i bɔnsɔn rɔ Isirɛla mɔgɛnu kuma habadan iko n bara a fɔ i fa ye nya min nun.

1 Ko-Kɔrɔta-Karan 17:25

Nta Alla, ni i ya a yen, n bi i madiyala kɛ nya kaka, n yili latɛgɛnɛ de bawo ile le wara a sa gbɛ ma n ye ko mansayɛ ti bɔ nna bɔn la.

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

Yaburi 7:3

E, nta Mari Alla, ni n bara mɔgɛ do kensun wo, ni n bara n diyana-mɔgɛ don a yogenu bolo wo, ni n bara bui n yoge do ma wo, ado a ma ko ma n na, ni nde ara kɛ do-wo-do ma,

Yaburi 89:29

Fananta san-kole ye nyɔ, mansayɛ ti bɔ ala bɔn la. Tuma-wo-tuma, a kegeyɛ do si to mala mansɛ la.

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Luka 23:41

Anu bi male tɔrɔla mala ko-yogomɛla ko la kɔnɔ ale ma fenfen ma!”

Luka 23:47

Kɛlɛ-dannuna kun-tigi ya wo yen nkɛkuna, wo ya Alla tanto, a ko, “Mɔgɔ-latelennɛ le kei kɛ la serr!”

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.

1 Samuwɛli 17:47

Min sanɛ wo kuma, mɔgɛ kɛnu si a lɔn yan tɔ ko Mari mako sa faan anubɛ tanbɛ la ala mɔgɛnuna kisi-koe rɔ. Marita kɛlɛ le kɛ la, ado a si wo damasi don ma bolo.”

1 Samuwɛli 18:17

Mansa Sɔli ya a fɔ Dawuda ye ko, “Ni i ya i kerinteya ka Marita kɛlɛ kɛ n ye, n si nna dunmusu-sirɛ di i ma min tɔgɛ Mɛrabu.” (Sɔli ya kɛ ma bawo a ma di a ye ale ni Dawuda faga fɔ Filisitinu.)

1 Samuwɛli 2:35

Mari ko a si ata saraka-masɔlɛ yabɔ min latelennɛ a ye. Wo si to a sako kɛla iko a ye nyinina a ma nya min. A ko a si to wo bɔnsɔn siyayala. Wonu si to ata wɔli kɛla ata mansa-yabɔnɛta wati rɔ.

1 Samuwɛli 22:14

Saraka-Masɔla Ahimɛlɛki ya a fɔ a ye ko, “Dawuda telenta ka tenbi ila kun-tigi bɛɛ la, ado i biran-kei le ale la. I makandannɛnuna kun-tigi le ale la. Ila mɔgɛ bɛɛ ye a gbiliyala.”

1 Samuwɛli 24:11

N fa, i ma ila duruku-kundi yen n bolo yan. N si ke i fagala le nun kɔnɔ n ma wo ma. Fɔ n ya ila duruki min tɛgɛ a la. Kɛ si a yira i la ko n murutiyani ma i ma, hali ka ko-yogomɛ ma i la. I ye n manɛgɛnna n faga-koe la, hali n ma ko-yogoma ma i la.

1 Samuwɛli 24:17

A ya a fɔ Dawuda ye ko, “Ile latelenta nde ko. Ile ya ko-nyimɛ kɛ n ye kɔnɔ nde ya ko-yogomɛ le ma i la!

1 Samuwɛli 24:21

A ya a fɔ Dawuda ye tun ko, “I keli n ye Mari yakɔrɔ bi, ko i ti n tɔgɔ latunu ka n mamanɛnu nato.”

1 Samuwɛli 24:4

Dawudala keminɛ wonu ya a fɔ a ye ko, “Mari ara fɛrɛ-bɛrɛbɛrɛ le di i ma kɛ la iko a ya a fɔ i ye nya min nun ko a si i yoge don i bolo. Ko-wo-ko diyara i ye gbɛ, i si wo sigi le a ma.” Dawuda tara dɔidɔi ka Mansa Sɔlila duruku-ba wo do tɛgɛ a la. Kɔnɔ Mansa Sɔli ma ko lɔn wo rɔ.

1 Samuwɛli 25:24

A ya a fɔ Dawuda ye ko, “I yandi, n tigi, i wɔlɔ matɔlɔ n na. I ni i tɛgɛ sigi nde ma.

1 Samuwɛli 29:3

Filisitinuna kɛlɛ-kurugbɛnu ya Dawuda anubɛ ala keminɛnu yen tumɛ min, anu ya a fɔ ko, “Hiburu kɛnu damasi ye nfen mala yan tɔ?” Mansa Akisi ya a fɔ anu ye ko, “Dawuda le kɛ la min bi kun-tigiyɛ la nun Isirɛla mɔgɛnu na Mansa Sɔli kɔrɔ. A ara mɛ n fɛ kosɛbɛ! Ka a bi a na-wati ma ha ka a sigi kaka la, n ma fɛɛ-wo-fɛɛ yen a la.”

1 Samuwɛli 30:26

Dawudanu ke anu barɛ Sikilagi soe burɔ, anu ya fen-kolomɛ minnu sɔrɔn kɛlɛ rɔ, a ya a diyana-mɔgɛnu kɔ wonu tɔ minnu bi kun-tigiyɛ la Yuda nyamanɛ rɔ. A ya wonu nata minnu ma, a ko, “Ma ya sanbɛ minnu bi Mari yogenu bolo, wo le kɛnu na.”