1 Samuwɛli 25:27 - ALLALA KUMƐ

²⁷ N fa, i yandi, n bara na ila mɔgɛnu sanbɛ la. Anu bira.

1 Samuwɛli 25:27 ပူးပေါင်းရင်းမြစ်များ

Ko-Dabirɛnu 33:11

I yandi, n bi i madiyala, n nara sanbɛ minnu na i ye, i ni wonu bira n bolo. Alla ara hɛrɛ di n ma ka n makoe bɛɛ nyinya.” A tora Isɔ madiyala. A laban, Isɔ ya a sanbɛ wonu bira.

2 Samuwɛli 16:2

Mansa Dawuda ya ale Saiba manyinika. A ko, “I ye tala nfen mala kɛ dama la?” Saiba ya a fɔ a ye ko, “Sofɛlɛ kɛnu nara ila denbayɛ ye alako anu kana tagama anu kian la. Dɔn-fan kɛnu, ila mɔgɛnu dɔntɛ le wonu na. Anu ba bandan tagamana kan min wulɛ rɔ, anu si anu kan lakimɛ nɔnbɔ-gbɔ-yi wo la.”

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

Hɛnkilimaya-Kumɛnu 18:16

Sanbɛ si kilɛ laka mɔgɛ ye, ado ni mɔgɔ-ba do yen-sɔgɛ ye i la, i ni a sanba fan do la.

2 Kɔrɛnti 9:5

Woletɔ n ya n miri ko a bɛnnɛ n na-kelen-nyɔgɛ kɛnu ni sɔ ma yarɔ. Wo ya lanyiri kiri kɔ-fan minna ko la, yanni n ni ke nyɔ, wo ni wonu nadɛn. Woletɔ, n ba ke tumɛ min, n si koe bɛɛ rabɛnnɛ taran. Wo si a yira ko wo bolenu fulenta bawo a di wo ye. Wo ye a bɔla wo yisi bɛɛ la. Mɔgɔ ma wo fɔrɔsɛ.

1 Samuwɛli 25:42

Wo kɔma, a ya a lasɔ tiriya ka ta a sigi ala sofɛlɛ la. Dawudala wɔli-kɛlɛnu wo, ale wo, anubɛ ala wɔli-kɛla musu mɔgɔ lolɛ, anu dama wulita ka ta. Abigɛli mara Dawudala musi la.

1 Samuwɛli 30:26

Dawudanu ke anu barɛ Sikilagi soe burɔ, anu ya fen-kolomɛ minnu sɔrɔn kɛlɛ rɔ, a ya a diyana-mɔgɛnu kɔ wonu tɔ minnu bi kun-tigiyɛ la Yuda nyamanɛ rɔ. A ya wonu nata minnu ma, a ko, “Ma ya sanbɛ minnu bi Mari yogenu bolo, wo le kɛnu na.”