1 Samuwɛli 25:17 - ALLALA KUMƐ

¹⁷ Ile nyɛrɛ-nyɛrɛ ni i miri ko sufa kɛ ma. I ni a lɔn i si min ma. Kɛ si ma kasarɛ la mala kun-tigi anubɛ ala denbayɛ ye. A yisi gbɛlɛ. Mɔgɔ ti kuma a ye, ado a ti ko lamɔɛn.”

1 Samuwɛli 25:17 ပူးပေါင်းရင်းမြစ်များ

2 Samuwɛli 24:13

Nɛbi Kadi tara a taran. A ya Mari kuman-kan wo latenbi a ma, a ko, “I ni ita bi kɛ sawɛ rɔ, san sawa, kɔnkɔ-fitinɛ ye ila nyamanɛ rɔ wo, karɛ sawa, wo ye wo burila wo yogenu kɔrɔ wo, tele sawa, kiraya-fitinɛ yɛ ila nyamanɛ rɔ wo. I miri a kilɛ fɛ. I ni ita bi. N ni ta wo fɔ Mari ye.”

1 Mansɛnu 21:10

Wo ni karagbɛlɛ mɔgɔ fila sigi a yakɔrɔ. Mɔgɔ filɛ wonu ni to ko kelen tɔ, anu ni a fɔ ko, ‘Nebɔti kɛ le ya Alla anubɛ mansɛ rasɛ.’ Wo ni ale Nebɔti bira ka a labɔ soe kɔma. Wo ni a mabon kuri la ha a ni faga.”

1 Mansɛnu 21:13

Karagbɛlɛ fila sigira a telen tɔ. Wonu ya tɔgɛ sa a la ka a fɔ ko, “Nebɔti kɛ le ya mansɛ anubɛ Mari rasɛ.” Anu ya a labɔ soe kɔma ka a mabon, a fagara.

2 Ko-Kɔrɔta-Karan 13:7

Wo kɔma, a ya kalabantenu nadɛn minnu tara Rihobowami kan ma. Wo wati rɔ, fonike le ale Mansa Rihobowami la, ado a ti kalabante wonu nɔ kumɛ rɔ.

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

Ɛsita 7:7

Mansɛ yisi bɔra. A ya a lasɔ ka bɔ ala mansaya-bolɔn lu-kɔndɛ rɔ. Heman ban a lɔnna ko mansɛ ara a kɔnkɔn a ma a tɔrɔ-koe la, a tora kɔma alako a si Ɛsita madiya nya min. Wo ni a kunyɛ bɔ saya-masibɛ kɛ kɔrɔ.

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Tɔn-Fɔɛ-Fila-Nyɔgɛ 13:13

wo na-kelen-nyɔgɔ-kuntan do ara mɔgɛnu kɔndɔfili soe do rɔ ka anu nabɔ Allata kilɛ fɛ,

Kɛlɛ-Kurugbɛnu 19:22

Anu bi nyɛrɛ-ladiyɛ wo kun na, kemini-karagbɛlɛ donu nara kurɔn mini bɔn wo ma. Anu bi dɛ matugula anu ma. Anu bi a fɔla kɛmɔgɛ wo ye ko, “Kei min donta i kuma, a labɔ ma ma. Ma ni ma sa a fɛ.”

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.

1 Samuwɛli 2:12

Ilayita den-keinu kalabante. Anu ti sɔn Mari gbiliyala.

1 Samuwɛli 20:7

Ni a ya a fɔ ko, ‘Tana ma,’ nba, n kunyɛ ara bɔ a rɔ. Kɔnɔ ni a yisi bɔra, i si a lɔn worɔ ko ko-yogomɛ ma-sɔgɛ ye n na.

1 Samuwɛli 20:9

Yonatan ya a fɔ a ye ko, “I kana kuma sufa wonu fɔ. Ni nde ya a lɔn serr, ko n fa ye ko-yogomɛ mala i la le, n ti wo fɔ i ye, wa?”

1 Samuwɛli 25:16

Ma ye mala sagɛnu fɛ wati min, su-ni-tele mɔgɛ kɛnu bi ma makandanna.

1 Samuwɛli 25:18

Abigɛli ya wo lamɔɛn tumɛ min, tiriyante wo rɔ a ya dɔn-fen siyaman bi. A ya biredi-lɔngbɔn kɛmɛ fila bi anubɛ nɔnbɔ-gbɔ-yi gbolo-bɔrɔ fila. Wo kɔma, a ya saga-mintanni loli bi ka buyi pani-kunbɛ-nya tan-ni-wɔrɔnfila sa a kuma. Wo kɔma, a ya nɔnbɔ-gbɔ-gbalanɛ tɔnsɔn kɛmɛ anubɛ toro-gbɔ-gbalanɛ bolo-nya kɛmɛ fila bi ka wonu damasi kiri sofɛlɛnu kɔ tɛma.

1 Samuwɛli 25:25

I kana i tole masɔ kun-takolɔn wo la. Ale mani de iko a tɔgɛ wo ye nya min bawo a tɔgɛ wo kɔrɛ le, ‘Kun-takolɔn.’ Ila wɔli-kɛlɛ wonu bi nala a wara tumɛ min, wo ya a taran, nde sa nyɔ nun.