1 Samuwɛli 23:28 - ALLALA KUMƐ

²⁸ Mansa Sɔli ya a bɔ Dawuda fɛ nyɔ le. A tara Filisitinu kɛlɛ tinɛ fɔlɔn. Woletɔ anu ya kɔnkɛ wo tɔgɔ sa “Tafara kɔnkɛ.”

1 Samuwɛli 23:28 ပူးပေါင်းရင်းမြစ်များ

Yaburi 124:7

Ma kunyɛ bɔra a rɔ iko kona wa a porokɔlɔ gbɛrɛ la nya min. Gbɛrɛ-yili wa tɛgɛ, ma la ara fɛrɛ.

1 Samuwɛli 23:25

Wo kɔma, Mansa Sɔli anubɛ ala kɛlɛ-dannu wulita Dawuda nyini tinɛ. Kɔnɔ Dawuda ya wo lamɔɛn tumɛ min, a tara a dogon Meyɔn wulɛ wo kan tinɛ do rɔ kɔnkɛrɔ-farɛnu siya kan min. Mansa Sɔli fanan ya wo lamɔɛn tumɛ min, a ya a sagaran.

1 Samuwɛli 23:27

A ma mɛ, kilayɛ do kera Mansa Sɔli ma ko, “Na tiriya! Filisitinu bara na bui mala nyamanɛ ma!”

1 Samuwɛli 23:29

Dawuda anubɛ ala keminɛnu bɔra nyɔ ka ta anu dogon Ɛngidi faran do la.

1 Samuwɛli 24:1

Mansa Sɔli bɔɛ Filisitinu gben tinɛ, mɔgɛ do ya a fɔ a ye ko Dawuda dogonnɛ Ɛngidi wulɛ rɔ.

1 Samuwɛli 24:2

Wo kɔma, Mansa Sɔli ya kɛlɛ-dan mɔgɔ waga sawa (3,000) bi Isirɛla mɔgɛnu tɔ minnu tagbɛlɛ. Anu tara Dawuda nyini tinɛ kan tinɛ do rɔ anu bi min kelela ko Firala-Baa-Farɛ nyɔ-tele-bɔɛ wara la.