1 Samuwɛli 22:14 - ALLALA KUMƐ

¹⁴ Saraka-Masɔla Ahimɛlɛki ya a fɔ a ye ko, “Dawuda telenta ka tenbi ila kun-tigi bɛɛ la, ado i biran-kei le ale la. I makandannɛnuna kun-tigi le ale la. Ila mɔgɛ bɛɛ ye a gbiliyala.”

1 Samuwɛli 22:14 ပူးပေါင်းရင်းမြစ်များ

1 Samuwɛli 17:25

Anu bi a fɔla anu nyɔgɔn ye nun ko, “Wo ni wo tole masɔ. A ye a kɔgɔ rakala male Isirɛla mɔgɛnu telen tɔ. Mansa Sɔli ara lanyiri kiri ko, ni mɔgɔ-wo-mɔgɔ ya kei kɛ faga, a si wo ma nɔnfulu-tigi la. A ko, min sanɛ wo kuma, a si ala dunmusi di wo tigi ma. A si a ma fanan, wo fala denbayɛ ti duti sara.”

1 Samuwɛli 18:13

Woletɔ Mansa Sɔli ya Dawuda sigi kɛlɛ-dan mɔgɔ waga kelen kun na ka a bɔ a dafɛ. Dawuda sɔra ala kɛlɛ-dannu yarɔ ka ta kɛlɛ rɔ.

1 Samuwɛli 18:27

Dawuda anubɛ ala kɛlɛ-dannu tara Filisiti mɔgɔ kɛmɛ fila faga ka anu nakemininya. Dawuda nara wonu sogo-kundinu na ale mansɛ ma ka wonu dan mansɛ yala nyɔ alako a ni ma mansɛ biran-kei la. Woletɔ Mansa Sɔli ya ala dunmusi Mikali di Dawuda ma.

1 Samuwɛli 20:32

Yonatan ya a fɔ a fa ye ko, “A ya nfen ma i la, a ye fagala minna ko la?”

1 Samuwɛli 21:2

Dawuda ya a fɔ a ye ko, “Mansɛ le ya n sɔ. A ya n sɔ min tɔ, a ko mɔgɔ-wo-mɔgɔ kana ko lɔn a rɔ. N bara a fɔ nna keminɛnu ye, n ko ma ni ma nyɔgɔn bɛn kan tinɛ do rɔ.

1 Samuwɛli 22:13

Mansa Sɔli ya a fɔ a ye ko, “Nfen ya a to, wobɛ Dawuda ye yanfɛ lakirila n ma? I ya a de-nyini, i ya faan don a bolo, i ya Alla manyinika a ye ka a tɛgɛ nfen ma? Ale Dawuda fanan bara wuli n kan ma. A ye a kɔnkɔnna n faga-koe ma.”

1 Samuwɛli 24:11

N fa, i ma ila duruku-kundi yen n bolo yan. N si ke i fagala le nun kɔnɔ n ma wo ma. Fɔ n ya ila duruki min tɛgɛ a la. Kɛ si a yira i la ko n murutiyani ma i ma, hali ka ko-yogomɛ ma i la. I ye n manɛgɛnna n faga-koe la, hali n ma ko-yogoma ma i la.

1 Samuwɛli 25:28

N tigi, i yandi, ni n bara bila i la, i hakɛ to n ye. Mari si wobɛ i kegeyɛnu ma mansɛ la bawo i ye ata kɛlɛ kɛ le la. Fananta i ye i kɛndɛ la, i ti ko-yogoma ma.

1 Samuwɛli 26:23

Lanaya-mɔgɛ minnu si ko-latelennɛ kɛ, Mari si wonu barayi. Mari min ya i ma mansɛ la, wo ya i don n bolo bi kɔnɔ n ma ko-wo-ko ma i la.