1 Samuwɛli 21:12 - ALLALA KUMƐ

¹² Kati mɔgɔ-banu bi kumɛ wo minnu fɔla, wo ya Dawuda yisi gbala. Wo ya a ma fanan, a kilanta Mansa Akisi la.

1 Samuwɛli 21:12 ပူးပေါင်းရင်းမြစ်များ

Ko-Dabirɛnu 26:7

Nyɔ-keinu ba a manyinika ala musila ko la tumɛ min, a si a fɔ anu ye le ko a tirisan-musi le. A ti sisi a fɔla ko ala musi le alako nyɔ-keinu kana a faga Rebɛkala ko la kamasɔrɔn Rebɛka kin.

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 34:4

N ya Mari madiya, ado a ya nna madiyali-kan lamɔɛn. A ya n bɔ n takilan-koe bɛɛ rɔ.

Yaburi 56:3

E, Mari Sɛnbɛ-Bɛɛ-Tigi, n tenbi kilan rɔ, n bi n yigi sala ile le tɔ.

Luka 2:19

Mariyama ya a hɛnkili to koe wo bɛɛ ko ka a miri anu ma bɛrɛkɛ!

Luka 2:51

Wo kɔma, Yisa sɛgira anu fɛ Nasarɛti soe burɔ. A tora nyɔ ka anuna kumɛ bira. A na ya koe kɛ bɛɛ lamara a yisi rɔ.

1 Samuwɛli 18:7

“Sɔli ara mɔgɔ waga siyaman faga kɔnɔ Dawuda ara mɔgɔ waga tan siyamɛ faga.”

1 Samuwɛli 21:10

Dawuda ban faan wo sɔrɔnna, a ya a buri Mansa Sɔli kɔrɔ tun. A tara Kati so-tigi wara min tɔgɛ Akisi. Filisitinuna soe le wo la.

1 Samuwɛli 21:13

Mɔgɔ-ba wonu ba anu gbɛrɛn a ma tumɛ min, a ni a nyɛrɛ ma yuwɛ la. Anu ba a bira tuma-wo-tuma, a ni tarɛ dɛ manyɛgan. A si to a namanama-yi layigila a buyɛ ma bɔlɔlɔ!