1 Samuwɛli 20:34 - ALLALA KUMƐ

³⁴ Karɛ-Kura-Yen-Tolon tele filɛ wo ma, Yonatan ya a lasɔ yisi-bɔɛ bolo. A bɔra, a ma fenfen dɔn wo rɔ bawo a yisi tinyanta Dawudala ko la anubɛ ka a tɛgɛ a fa darɔ-kan ma ale Dawuda wara la.

1 Samuwɛli 20:34 ပူးပေါင်းရင်းမြစ်များ

Makawandili Kumɛnu 7:20

Mɔgɔ-wo-mɔgɔ sa nyɔ min si to ko-telennɛ kɛla tuma-wo-tuma, tele-kelen-bɛrɛni, a ma sama.

Maraka 3:5

Yisa ya anu dama mafɛlɛn. A diminyara anu ma kɔnɔ a kinikinita anu ma fanan anuna yisi-gbɛlɛyɛla ko la. A ya a fɔ kei wo ye ko, “I ni i bole rasagan.” A ya a bole rasagan nkɛkuna, a kɛndɛyara kelenna!

Ɛfɛsa 4:26

Ni min diminyanɛ mɔgɛ ma, a kana sɔn, ala diminyɛ ni a ladon hakɛ rɔ. A diminyanɛ kana telen gbɛn,

1 Samuwɛli 20:33

Mansa Sɔli ya ala tanbɛ bi ka a lafili Yonatan ma a faga-koe ma kɔnɔ tanbɛ wo foora a la. Yonatan ya a lɔn wo le ma ko Dawuda faga-sɔgɛ ye a fa la.

1 Samuwɛli 20:35

Wo wulun sɔgɔma, Yonatan anubɛ dennɛ do tara gbɛkole ma Dawuda ye kan min iko anu sarata a ma nya min. A ya a fɔ dennɛ wo ye ko, “N tenbi kalabɛn min nakɛla, i ni i buri tala wo bila.” Dennɛ wo burimatoe ye tala, Yonatan ya kalabɛn lakɛ dennɛ wo yarɔ-kilɛ la.