1 Samuwɛli 2:30 - ALLALA KUMƐ

³⁰ “A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.

1 Samuwɛli 2:30 ပူးပေါင်းရင်းမြစ်များ

1 Mansɛnu 11:11

Mari ya a fɔ a ye ko, “Bawo i ma nta kumɛnu to a gbɛ rɔ, ma sarata nna sereya minnu ma, i wara wonu tinya, fɔ n ba nyamanɛ kɛ bɔ i bolo ka a di ila wɔli-kɛlɛ do ma.

1 Mansɛnu 2:27

Woletɔ Mansa Silamɛni ya Abiyatari labɔ saraka-masɔ-wɔlɛ rɔ ka Mari Allala kumɛ wo ni bɔ-a-la a ya min fɔ Saraka-Masɔla Ilai bɔnsɔnla ko la Sailo soe burɔ.

1 Ko-Kɔrɔta-Karan 17:18

Mari, nde si nfen fɔ i ye gbɛ? I ya nde, ila wɔli-kɛlɛ lɔn kɔnɔ hali wo, i wara n gbiliya.

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 26:18

Anu ya a fɔ a ye ko, “Mansɛ, a ma bɛn, ile ni saraka-wo-saraka mintan yan tɔ Mari ye. Fɔ Aruna kegeyɛnu yɛ! Wonu denu dantɛgɛnɛ wɔlɛ wola ko la. Bɔ kan-tina-sɛnimɛ kɛ rɔ. I wara bila Mari Alla la, ado ala duwa sa i fɛ tun.”

Yaburi 18:20

Mari ya n sara nta telenbagayɛla ko la. A duwara n ye bawo fɛɛ sa n na.

Yaburi 18:26

Min sɛninyanɛ, Mari si kun-nadiyɛ di wo tigi ma. Min karagbɛlɛ, ale si a lagbɛlɛya wo tigi kuma.

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Yaburi 73:20

Anu bara-koe si ma iko mɔgɛ wa kiyo-makilannɛ sa, a wa kunden gbɛ, a ti ma tonya la. Ile, ma tigi wa kunden tumɛ min, ma yogenu bara-koe ara ka-a-la.

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Bɔ-Koe-Iyipiti 28:43

Aruna anubɛ ala den-keinu wa don Fani-Bɔn la tumɛ min, anu si kurusi wonu don. Fananta anu bi nta wɔli kɛla kata burɔ, kurusi wonu ni to anu na. Ni anu ma kurusi-kundi wonu don kan-tina-sɛnimɛ wo rɔ, nde, Alla si anu faga bawo anu nakolɔn le n yala worɔ. “Wo ni ma habadan-tɔn la Aruna anubɛ a kebila-mɔgɛnu ye.”

Bɔ-Koe-Iyipiti 29:9

I ni Aruna anubɛ ala den-keinu butɛ kiri buta-kiri-fannu na ka saraka-masɔ-fulɛnu don anu kunyɛ la. Saraka-masɔ-wɔlɛ si ma habadan-tɔn la anu ye. “I ni Aruna anubɛ ala den-keinu dantɛgɛ nde, Alla ma ka le.

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Hɛnkilimaya-Kumɛnu 4:8

Hɛnkilimayɛ keni, a si i ma tɔgɔ-tigi la. I ni a bira gbuturu! Wo si a ma, mɔgɛnu ni i gbiliya.

Hɛnkilimaya-Kumɛnu 8:17

Ni min ya n keni, wo tigi si diya n ye. Ni min ya n nyini, wo tigi si n yen.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Yɛrɛmaya 29:32

Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Yɛrɛmaya 49:15

Mari ko a ti mɛ tun, a si Idɔm sibole madɔgɔya. Anu bɔrɔ ti taran mɔgɔ-wo-mɔgɔ ye.

Isikiyɛli 34:10

Nde, anu Tigi Mari ara ban a latɛgɛla ko anu yogo-fin-bɛ le nde la. N si nna sagɛnu bɔ anu bolo. N ti sɔn tun anu denu fanan ni ma nna sagɛnu fɛ-biralɛnu na. N ti sɔn anu ni to anu nyɛrɛ fɛ-birala wo nya na tun. N si nna sagɛnu kumafunfan anu bolo, ado n ti sɔn anu ni anu dɔn tun!

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Malakayi 2:3

A ko ka a tɛgɛ wo sɔn ma, a si wola dannu tɔrɔ. Wo ye kolo-fan minnu mala sarakɛnu na, a ko a si wo yakɔrɛ digin sarakɛ wonu nyɛ rɔ. Anu si wo bi ka wo lakɛ a rɔ nyɛ-rawuya-tinɛ.

Yilan-Yilan Koe 11:20

kɔnɔ wo si to a dɔnna ha karɛ kelen. A ko wo si a dɔn ha a ni bɔ wo sunyɛ rɔ. A ko wo si to a dɔnna ha a wuyɛ ni sigi wo ma. Min ya a to a ye kɛ mala, a ko bawo mɔgɔ-fisiri-fasarɛ le wole la. A ko wo ara da-magboya-kumɛ fɔ, hali wo ye a fɔla ko a fisa nun hali wo tora Iyipiti.”

Yilan-Yilan Koe 35:34

Wo kana wola nyamanɛ kɔsɔ bawo nde, Mari fanan bi wo tɛma yan.”

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Yɔni 5:23

Mɔgɛ bɛɛ si nde, Allala dan gbiliya iko anu bi n Fa Alla gbiliyala nya min. Minnu sa nde, Allala dan gbiliyala, n Fa Alla min ya n sɔ, wonu sa wo gbiliyala.

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Yɔni 8:49

Yisa ya anu yabi ko, “Nyinato ma nde la. N bi n Fa gbiliyala kɔnɔ wole ye n nafɛyala.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

Kɛlɛ-Kurugbɛnu 9:10

“Wo kɔma, kɔlɔma wonu bɔra nyɔ. Anu tara toro-kuri wara. Anu ko, ‘Ile ni ma mala mansɛ la.’