1 Samuwɛli 17:51 - ALLALA KUMƐ

⁵¹ Dawuda burimatoe tara ka sɔ Kolati kuma. A ya Kolati nyɛrɛ-nyɛrɛta faan sagan a lɛɛ rɔ ka a kunyɛ tɛgɛ a la. Filisitinu ya a yen min kɛ, anuna kɛlɛ-kurugbɛ ara faga, anu damasi ya anu buri.

1 Samuwɛli 17:51 ပူးပေါင်းရင်းမြစ်များ

2 Samuwɛli 23:21

Lunyɛ do fanan tun, a tara kɛ Iyipiti-kei-belebele-wɛ do ma ala gbeleka-kundi la. Tanbɛ ye Iyipiti kɛ wo bolo la. Bɛnaya ya wola tanbɛ bɔ a bolo ka wo faga wo la.

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Hiburunu 11:34

Anuna dɛnkɛninyɛ le ya a ma, ta-belebelenu nadufenta, anu natankara faga-koe ma faan la. Anu sɛnbɛ sa nun kɔnɔ anu mara kɛlɛ-kurugbɛnu na. Anu ya sɛnbɛ sɔrɔn kɛlɛ rɔ hali ka nyamanɛ gbɛrɛkɛnuna kɛlɛ-dannu nɔ.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

1 Samuwɛli 17:50

Hali faan anubɛ tanbɛ sa Dawuda bolo, a ya Kolati nɔ ka a faga lenfiran-kuri la.

1 Samuwɛli 21:10

Dawuda ban faan wo sɔrɔnna, a ya a buri Mansa Sɔli kɔrɔ tun. A tara Kati so-tigi wara min tɔgɛ Akisi. Filisitinuna soe le wo la.

1 Samuwɛli 21:9

Saraka-masɔlɛ ya a fɔ a ye ko, “I ya Filisitinuna kɛlɛ-kurugbɛ Kolati min faga Ila lɛɛ rɔ, wola faan ye n bolo yan. A ye saraka-masɔ-fɔlɔnfalan wo kɔma. Kurɛ do mamɔrɔ-mɔrɔnɛ a ma. Ni wo di i ye, wo bi bawo faan mumɛ sa yan wo kɔma.” Dawuda ya a fɔ a ye ko, “Nba, wo don n bolo bawo faan-gbɛrɛkɛ ti kinya ka ke wo rɔ.”

1 Samuwɛli 31:9

Anu ya Mansa Sɔli kunyɛ tɛgɛ a la ka ala kɛlɛ-mirannu bɔ a ma. Filisitinu ya wonu bi ka ta wonu na anu bolo ka kumɛ wo fɔ anuna bɛsi-kɔ-tinɛnu na anubɛ Filisiti mɔgɛ bɛɛ ye.