1 Samuwɛli 17:32 - ALLALA KUMƐ

³² Dawuda ke Mansa Sɔli ma, a ya a fɔ a ye ko, “N tigi, a ma kin mɔgɛ ni kilan Filisiti-kei kɛ la. Nde si ta a kɛlɛ.”

1 Samuwɛli 17:32 ပူးပေါင်းရင်းမြစ်များ

Yaburi 3:6

N yogo-yirika-siyamɛ minnu bi nna foolɛ rɔ, hali anu bi n faga-koe rɔ, n sa kilanna wonu na.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 7:4

A ko n ni a fɔ mansɛ ye ko a kana kilan. A yisi ni kimɛ poi! A ni a yɛ bɛn Alla ma. Mansa Risen anubɛ ala Siriya kɛlɛ-dannu wo, anubɛ Mansa Peka wo, a ko wonuta yisi-bɔ-masibɛ ma yogo ka ke sɔgɔ-kundu fila sisi rɔ.

Yilan-Yilan Koe 13:30

Isirɛla mɔgɔ damasi wulita da-kɔrɔ-kumɛ fɔla Musa ma. Kɔnɔ Kelabu ya anu nakala, a ko, “Ma ni ta anu kɛlɛ kaka ka nyamanɛ wo bi anu bolo. Ma si ke le ka anu nɔ feu!”

Yilan-Yilan Koe 14:9

Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

Hiburunu 12:12

Wo bole anubɛ wo kunbelan minnu takunnɛ, wo ni wonu tagbɛlɛya tun.

Yasowa 14:12

Awa, i ni kɔnkɔ-nyamanɛ kɛ di n ma iko Mari ya lanyiri kiri n ye nya min. Ma ya ma dantɛgɛ tumɛ min, ma ya a fɔ ko mɔgɔ-kinama-wɛnu bi nyɔ. (Anaki bɔnsɔn le kɛnu na.) Anu siginɛ so-wɛnu tɔ minnu nafoonɛ tarɛ la. Kɔnɔ kaka, ni Mari ye n fɛ, n si mɔgɛ kɛnu gben nyamanɛ kɛ rɔ.”

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 16:18

Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”

1 Samuwɛli 17:31

Dawuda ya min fɔ, kɛlɛ-dan donu fanan ya wo lamɔɛn. Anu tara wo rakaran Mansa Sɔli ye. Mansa Sɔli ya ale Dawuda kelelɛ lata.