1 Samuwɛli 17:22 - ALLALA KUMƐ

²² Dawuda nara dɔn-fan minnu na, a ya wonu to anuna fen-namaralɛ bolo. A burimatoe tara a kɔrɔnu kɔndɔn tinɛ anuna kɛlɛ-kɛ-tinɛ.

1 Samuwɛli 17:22 ပူးပေါင်းရင်းမြစ်များ

Ko-Dabirɛnu 37:14

Woletɔ a fa ya a fɔ a ye ko, “Ta i kɔrɔnu anubɛ kolo-fannu mafɛlɛn. Ni a yogoma sa nyɔ, i ni na wo fɔ n ye.” Woletɔ Yusufu bɔra Hiburɔn lɛɛ rɔ ka ta a kɔrɔnu nyini ha Sɛkɛm soe dafɛ.

2 Samuwɛli 11:7

Yuraya ke Mansa Dawuda ma Yerusalɛm soe burɔ, a ya a manyinika Yohabu anubɛ kɛlɛ-den-toenuna ko ma. A ya a manyinika kɛlɛ fanan bara-koe ma.

Bɔ-Koe-Iyipiti 18:7

Musa tara a biran-kei labɛn tinɛ kilɛ la ka a kɔndɔn. A ya a nyɛnkin a kɔrɔ ka a sunbu. Anu donta fani-bɔn la.

Aiseya 10:28

Ma yogenu bara Eyai soe bira-a-la. Anu tenbira Mikirɔn soe burɔ. Anu ya anuna dɔn-fannu to Mikimasi soe burɔ.

Kɛlɛ-Kurugbɛnu 18:15

Anu damasi tara Maikala bɔn magbenna Lifayi-keminɛ wo ye kan min. Anu ke nyɔ, anu ya Lifayi-keminɛ wo kɔndɔn.

Kɛlɛ-Kurugbɛnu 18:21

Anu bara wuli tala, anu ya anuna denbayɛnu anubɛ anuna kolo-fannu sɔ anu yarɔ. Kɛlɛ-dannu tora kɔma.

1 Samuwɛli 17:21

Filisiti kɛlɛ-dannu sɔnɛ kan-tina-kelen. Isirɛla kɛlɛ-dannu fanan sɔnɛ kan-tina-kelen. Anu yɛ lamununnɛ anu nyɔgɔn na.

1 Samuwɛli 25:5

Dawuda ya ala kemini mɔgɔ tan lata Nebali kɔndɔn tinɛ nyɔ.

1 Samuwɛli 30:21

Anu ke Bɛsɔri yi ma, Dawuda ya ala keminɛ mɔgɔ kɛmɛ filɛ (200) bandannɛ to kan min, wonu ya anu buri tala Dawuda anubɛ ala keminɛ doi wonu nabɛnna. Dawuda fanan ya anu kɔndɔn a kin na!