1 Samuwɛli 17:1 - ALLALA KUMƐ

¹ Filisitinu ya anu kundɛn Isirɛla mɔgɛnu kɛlɛ-koe la Soko soe burɔ Yuda nyamanɛ rɔ. Wo kɔma, anu tara anu daga makɛ kan tinɛ do rɔ min tɔgɛ Ifɛsi-Damin, Soko anubɛ Asika soenu tɛma.

1 Samuwɛli 17:1 ပူးပေါင်းရင်းမြစ်များ

1 Ko-Kɔrɔta-Karan 11:13

Lunyɛ do, Filisitinu nara Dawuda kɛlɛ tinɛ Pasidami soe dafɛ. Anu ya Isirɛla kɛlɛ-dannu kɛlɛ sɛnɛ do rɔ kɔnɔ Isirɛla kɛlɛ-den-toenu ya anu buri ka ale Ɛliyasa anubɛ Dawuda to sɔni nyɔ.

2 Ko-Kɔrɔta-Karan 11:7

Bɛti-Suri wo, Sɔkɔ wo, Adulam wo,

2 Ko-Kɔrɔta-Karan 28:18

Wati kelan wo le tɔ, Yuda mɔgɛ minnu siginɛ gburukulinu ma anubɛ minnu siginɛ dugula wara la, Filisitinu nara bui wonu ma. Anu buira Bɛti-Simɛsi anubɛ Aiyalɔn anubɛ Kɛdiroti soenu ma. Wo kɔma, anu tara bui Soko anubɛ Timina anubɛ Kimisɔ anubɛ so-mɛsɛ minnu bi soe wonuna foolɛnu tɔ. Anu ya soe wonu ma anutɛ la.

Yasowa 15:35

Yaramuti, Adulam, Soko, Asika,

Kɛlɛ-Kurugbɛnu 3:3

Sibolo-gbɛrɛ minnu tora anu tɛma nyamanɛ wo rɔ, wonu denu denu bi kɛnu na, Filisitinuna so-kun lolɛ wo, Kenan kɛnu wo, Saidon so-burɔ-mɔgɛnu wo, anubɛ Hefa minnu siginɛ Lɛbanan kɔnkɔ-nyamanɛ wara la ka a dabira Beyali-Hɛrɔman kɔnkɛ ma ha ka ta a sigi Hamati kɔnkɔ-gbɛran la.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.

1 Samuwɛli 14:46

Wo kɔma, Mansa Sɔli ya a fara Filisitinu sagaranna. Filisitinu tara anuna nyamanɛ rɔ ka anu sigi nyɔ.

1 Samuwɛli 14:52

Mansa Sɔli siyi-tele-bɛɛ kɔrɔ Filisitinu taranta kɛlɛ-makawanɛ le kɛla tolon! Ni Mansa Sɔli ya mɔgɔ-wo-mɔgɔ taran min kolo gbɛlɛ, ado a kerinte, a si wo ma ala kɛlɛ-dan la.

1 Samuwɛli 7:7

Filisitinu ya a lamɔɛn tumɛ min ko Isirɛla mɔgɛnu bara anu kundɛn Misipa, Filisitinuna mansa lolɛ wulita anubɛ anuna kɛlɛ-dannu ka ta Isirɛla mɔgɛnu kan ma. Isirɛla mɔgɛnu ya wo lamɔɛn tumɛ min, anu kilanta.