1 Samuwɛli 16:21 - ALLALA KUMƐ

²¹ Dawuda kera Mansa Sɔli ma tumɛ min, a ya ala wɔlɛ dabira. A wara-koe diyara Mansa Sɔli ye. Wo ya a ma ala kɛlɛ-miran-madununɛ la.

1 Samuwɛli 16:21 ပူးပေါင်းရင်းမြစ်များ

1 Mansɛnu 10:8

Ila mɔgɛnu anubɛ ila mɔgɔ-ba minnu siginɛ i dafɛ, anu sewanɛ kamasɔrɔn anu bi ita hɛnkilimayɛ kun-nadiyɛ kɔrɔ.

Yaburi 118:9

Yanni mɔgɛ ni a yigi sa kun-tiginu tɔ, a fisa, a ni a yigi bɛn Mari ma.

Yaburi 146:3

I kana i yigi sa kun-tiginu tɔ. Wo fenfen ti ke i kisila.

Yaburi 62:9

Hadama-dannu fɛyanɛ iko ni-lafɛ kelan. A dɔgɔma wo, a kinama wo, wo bɛɛ fu. Hali i ya wo bɛɛ rasuman nya-kun-kelen, wo bɛɛ fɔkɔlɔ iko pukɛ.

Hɛnkilimaya-Kumɛnu 22:29

Mɔgɔ-wo-mɔgɔ kusan wɔlila, wo ti to ata wɔlɛ kɛla dogɔn tɔ. Hali mansɛ, a si a bolo don a wara-koe rɔ ala wɔli-nyimɛ wola ko la.

Tɔn-Fɔɛ-Fila-Nyɔgɛ 1:38

Woletɔ Mari ya a fɔ n ye ko n ni n madɛnbɛnɛ, Nunna dan Yasowa bi ka a yisi ragbɛlɛya alako a ni sɔ n gbɛ rɔ. Anu ba wuli tala nyamanɛ wo rɔ tumɛ min, ale si ma mɔgɛnu yarɔ-sɔlɛ la.

Tɔn-Fɔɛ-Fila-Nyɔgɛ 10:8

Wo wati rɔ, Mari ya Lifayi bɔnsɔn-mɔgɛnu yabɔ ko anu ni tɔn-kenkirɛ wo fɛ-bira. Anu si ma saraka-masɔlɛnu na. Anu si to Mari anubɛ mɔgɛnu tɛma ka duwa anu ye Mari tɔgɛ rɔ. Wɔli-su wo le anu bolo ha bi.

Kɛlɛ-Kurugbɛnu 9:54

Tiriyante wo rɔ, Abimɛlɛki ya ala keminɛ do kele min bi ala kɛlɛ-mirannu dununa. A ya a fɔ wo ye ko, “Ila faan sagan a lɛɛ rɔ. I ni n faga alako anu kana na a fɔ ko n tɔgɛ tora musi le la.” Keminɛ wo ya ala faan sagan a rɔ ka a laban.

1 Samuwɛli 16:22

Wo kɔma, Mansa Sɔli ya kilayɛ lata Yɛsi ma, a ko, “Ila den Dawuda kɛ di n ye. A sɔgɛ ye n na, a ni to wɔlila n ye.”

1 Samuwɛli 17:55

Dawuda ye tala Kolati kɛlɛ tinɛ tumɛ min nun, Mansa Sɔli ya ala kɛlɛ-den-kun-tigi Abina manyinika ko, “Keminɛ min bi tala kɛlɛ-kɛ-tinɛ kɛ la, yonna den bi wo la?” Abina ya a fɔ a ye ko, “N tigi, nde ma kɛ lɔn.”

1 Samuwɛli 19:7

Yonatan ya kumɛ wo bɛɛ rakaran Dawuda ye. Wo kɔma, Yonatan nara Dawuda la Mansa Sɔli warɛ. A tora wɔlila mansɛ ye iko a duruta wɔlila a ye nya min nun.