1 Samuwɛli 16:18 - ALLALA KUMƐ

¹⁸ Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”

1 Samuwɛli 16:18 ပူးပေါင်းရင်းမြစ်များ

Ko-Dabirɛnu 39:2

Mari tora Yusufu fɛ ka ata duwɛ layigi a kuma. A wara-koe tora tala yarɔ. A tora sigini a tigi Pɔtifa warɛ bɔn la Iyipiti nyamanɛ rɔ.

Ko-Dabirɛnu 39:23

Kun-tigi wo ma hɔn fenfen na tun. A ya yelela-koe bɛɛsi to Yusufu bolo kamasɔrɔn a ara a lɔn ko Mari ye Yusufu fɛ. Yusufu ya min bɛɛ kɛ, Mari ya wo lasabati.

2 Samuwɛli 14:20

A ya a ma le alako bɛnsɛnkɔninyɛ kɛ ni ban. N tigi, i hɛnkili kolo iko Allata melika min ya koe bɛɛ lɔn.”

2 Samuwɛli 17:10

Woletɔ ni wo ara don mɛ rɔ, hali ila kɛlɛ-dan minnu kerinte iko yarɛ, wonu kun ma si kɔ kilan bolo bawo Isirɛla mɔgɛ damasi ya a lɔn ko i fa Dawuda anubɛ ala kɛlɛ-dannu kolo gbɛlɛ.

2 Samuwɛli 17:8

Bɛɛ ya a lɔn serr, ko i fa Dawuda anubɛ ala kɛlɛ-dannu tagbɛlɛ, ado anu fere iko kulu-yuwan. Ni mɔgɛ ya ala dannu bi, wo ya a lɔn wo si min ma. Wo ya a lɔn fanan ko kɛlɛ-kurugba-kɔrɛ le i fa la woletɔ anubɛ ala kɛlɛ-dannu ti ki kan-tina-kelen.

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

1 Samuwɛli 10:7

Kɛnu ba ma i la wati min, Alla ya i sɔ ko-wo-ko la, i ni wo ma bawo Alla ye i fɛ.

1 Samuwɛli 16:12

A fa ya mɔgɛ lata a kele tinɛ. A nara min kɛ, anu ya a yen, yaga, kemini-hakikɛ le. A tɔgɛ le Dawuda. Mari ya a fɔ Samuwɛli ye ko, “Nba, ale le kɛ la, yɔ! Dantɛgɛ-tuli kɛ a kunyɛ rɔ. Ale le si na ma mansɛ la.”

1 Samuwɛli 16:17

Mansa Sɔli ya a fɔ ala wɔli-kɛlɛnu ye ko, “Wo ta sɔrɔn-fɔlɛ do nyini min kusan.”

1 Samuwɛli 16:19

Mansa Sɔli ya kilayɛnu nata Yɛsi ma ko a ni ala den Dawuda lana a ma min bi ala sagɛnu kandanna.

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.

1 Samuwɛli 3:19

Samuwɛli tora koloyala. Mari tora a fɛ. Samuwɛli ya koe min bɛɛsi fɔ mɔgɛnu ye, wonu mara tonyɛ la.