1 Samuwɛli 14:39 - ALLALA KUMƐ

³⁹ Mari min bi Isirɛla mɔgɛnu kunkalɛ la, ale min bi a niyi la, n bara lanyiri kiri ale ye ko ni min ya ko-yogomɛ ma, hali nna den-sɔrɔnnɛ Yonatan le, n si a ma, wo ni faga.” Kɔnɔ mɔgɔ-wo-mɔgɔ ma kuma.

1 Samuwɛli 14:39 ပူးပေါင်းရင်းမြစ်များ

2 Samuwɛli 12:5

Netan ban tili kɛ tɛgɛla a ye, Mansa Dawuda diminyara fen-tigi wo ma. A ko, “N bara n keli Mari rɔ, a bɛnta, mɔgɔ-su kɛ ni faga!

2 Samuwɛli 14:21

Tɔ-a-la, mansɛ ya a fɔ Yohabu ye ko, “N bara ban a latɛgɛla iko a di i ye nya min. Ta ale keminɛ Abasalɔm bi. I ni na a la yan tɔ.”

Makawandili Kumɛnu 9:2

Dan-nafara woo sa wo la. A karagbɛlɛ wo, a mɔgɔ-latelenni wo, a mɔgɔ-nyima wo, a mɔgɔ-yogo wo, a mɔgɔ-sɛninyanɛ wo, a mɔgɔ-sɛninyabɛlɛ wo, a saraka-bɔla wo, a saraka-bɔlabɛlɛ wo, wo do-wo-do ma a laban-nya lɔn. Telenbaga ma tenbi hakɛ-tigi la. Nyɛrɛ-tasɛlɛla ban ma tenbi nyɛrɛ-tasɛbɛlɛtɛ la.

1 Samuwɛli 14:24

Kɔnkɛ ya Isirɛla kɛlɛ-dannu mankulan bɔ anu ma wulɔn bawo Mansa Sɔli ara anu nadanka wulɔn ko, “Fananta n ma ban n yogenu nɔla, mɔgɔ-wo-mɔgɔ kana na dɔn-fan bila a dɛ rɔ bi tele rɔ.” Woletɔ mɔgɔ-wo-mɔgɔ ma dɔn-fen bila a dɛ rɔ wulɔn tele kelan.

1 Samuwɛli 14:40

Wo kɔma, Mansa Sɔli ya a fɔ kɛlɛ-dannu ye ko, “Wo damasi ni wo sɔ kan-tina-kelen. Malebɛ Yonatan ni ma sɔ kan-tina-kelen.” Anu ya a fɔ a ye ko, “A ma iko a di i ye nya min.”

1 Samuwɛli 14:44

Mansa Sɔli ya a fɔ ko, “Yonatan, ni ile ma faga, alamɛ Alla ya n tɔrɔ.”

1 Samuwɛli 19:6

Yonatanna kumɛ wo marɛ ya Mansa Sɔli bira. A ya lanyiri kiri ko, “N bara n keli Mari la, n ti Dawuda faga.”

1 Samuwɛli 20:31

Ile ma a lɔn, fananta Dawuda ye a kɛndɛ la, ile ti mansayɛ sɔrɔn nyamanɛ kɛ rɔ? Nba, ta a bi. I ni na a la. A ni faga!”

1 Samuwɛli 22:16

Mansa Sɔli ya a fɔ ale Ahimɛlɛki ye ko, “Wolebɛ i kebilɛ bɛɛ si faga!”

1 Samuwɛli 28:10

Mansa Sɔli ya a keli Mari rɔ ka a fɔ ko, “Ni i ya wɔlɛ kɛ n ye, i ti tɔrɔya sɔrɔn wola ko la muk!”