1 Samuwɛli 14:35 - ALLALA KUMƐ

³⁵ Mansa Sɔli ya saraka-mintan-tinɛ sɔ Mari ye nyɔ. Saraka mintan tinɛ sɔ fɔlɔtɛ le wo la Mansa Sɔli bolo.

1 Samuwɛli 14:35 ပူးပေါင်းရင်းမြစ်များ

2 Samuwɛli 24:25

A ya saraka-mintan-tinɛ sɔ nyɔ Mari ye. A ya saraka-mintantɛ anubɛ yisi-kima-sarakɛnu bɔ. Mari ya ala madiyali-kan lamɔɛn ka tɔn sigi kiraya-fitinɛ wo la Isirɛla nyamanɛ rɔ.

Hoseya 8:14

“Wole Isirɛla mɔgɛnu bara bon-hakikɛnu sɔ wo nyɛrɛ ye ka nyina nde, wo Dali-Mari ko salon! Wole Yuda kɛnu fanan bara wola so-latankanɛnu sɔ kɔnɔ nde, Mari si tɛ layigi ka bon-hakikɛ wonubɛ so-latankanɛ wonu mintan gburr!”

2 Timoti 3:5

Anu si a ma iko anu bi Alla batola kɔnɔ anu ma la ata sɛnbɛ la mumɛ! I ni fara mɔgɔ-sufa wonu na feu!

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

Kɛlɛ-Kurugbɛnu 21:4

Wo wulun sɔgɔma subaga, anu ya saraka-mintan-tinɛ ladan. Anu ya saraka-mintantɛnu bɔ anubɛ yisi-kima-sarakɛnu.

Kɛlɛ-Kurugbɛnu 6:24

Kidiyɔn ya saraka-bɔ-tinɛ sɔ Mari ye. A ya a tɔgɔ sa “Yisi-kimɛ le Mari la.” (Ha bi, saraka-mintan-tinɛ wo ye Abiyɛsa bɔnsɔnnu bolo Ɔfara soe burɔ.)

1 Samuwɛli 14:34

A ya a fɔ tun ko, “Ta a fɔ anu ye ko anu ni na anuna ninkinu anubɛ anuna sagɛnu na ka anu kan natɛgɛ yan ka anu dɔn yan. Wo kana hakɛ kɛ tun sogo-yelelamɛ-dɔn fɛ.” Wulɔn suyi rɔ, anu dama nara anuna ninkinu na Mansa Sɔli wara ka anu kan natɛgɛ nyɔ.

1 Samuwɛli 7:12

Samuwɛli ya kuru-gbui do bi ka wo sigi Misipa anubɛ Sɛn soenu tɛma. A ya a fɔ ko, “Ha kaka, Mari ye ma dɛnbɛna.” A ya kuri wo tɔgɔ sa “Dɛnbɛn Kuri.”

1 Samuwɛli 7:17

A wa ban kɛ la, a si sɛgi a kɔma kiti-sa-tinɛ a sɔrɔn-soe burɔ Rema. A ya saraka-mintan-tinɛ sɔ Mari ye nyɔ.

1 Samuwɛli 7:9

Samuwɛli ya saga-dan faga ka a mumɛ ma saraka-mintantɛ la Mari ye. Wo kɔma, a ya Isirɛlata Mari Alla madiya anu dɛnbɛn-koe la, ado Mari ya ala madiyali-kan wo yabi.