1 Samuwɛli 13:13 - ALLALA KUMƐ

¹³ Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!

1 Samuwɛli 13:13 ပူးပေါင်းရင်းမြစ်များ

Ko-Dabirɛnu 31:28

I ma fɛrɛ di n ma lefan ka nna dunmusinu anubɛ n mamanɛnu kɔndɔn. I ya yuwayɛ le ma wo la.

2 Samuwɛli 24:10

Mansa Dawuda ban mɔgɛnu danna, a yisi ma kima tun. A ya a fɔ Mari ye ko, “N bara min ma kɛ la, n bara hakɛ-wɛ le kɛ kɛ la ka bila ile Mari le la wo la. I yandi, Mari, n makoto. N bara kun-takolonya-koe le ladan kɛ la.”

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

2 Ko-Kɔrɔta-Karan 16:9

Mari ye duninya mumɛ bɛɛ kumafɛlɛnna, ado a si ata sɛnbɛ di ata mɔgɔ-latelennɛnu ma. Mansɛ, i wara yuwayɛ kɛ. Ka a bi bi ma ha tumɛ min di ale ye, kɛlɛ ti bɔ i kun ma mumɛ!”

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

Yobu 34:18

Ni mansɛ mara fufafuyi la, Alla si wo tigi kɔn. Ni mansɛ mara wunduyoge la, Alla si a kɔɛn bɔ a kɔrɔ.

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Hɛnkilimaya-Kumɛnu 19:3

Mɔgɛ si a nyɛrɛ tinya ala kuntanyɛ la kɔnɔ hali wo, a si a tɛgɛ sigi Mari ma.

Aiseya 39:5

Nde, nɛbi ya a fɔ mansɛ ye ko, “Nba, Mari Sɛnbɛ-Bɛɛ-Tigi ko

Yɛrɛmaya 18:10

Kɔnɔ ni a ya a yen, sibole wo ye karagbɛlɛya-koe kɛla, a ko a si a fonde yɛlɛma. A miri ye ko-nyimɛ min ma a ye nun, a ti wo ma tun.

1 Samuwɛli 1:22

Kɔnɔ kɛ wati rɔ, Hana ma bila anu fɛ. A ya a fɔ ala kei ye ko, “Dan da wa ka tumɛ min, n si a bi ka ta a to Mari bato tinɛ. A si to nyɔ a siyi-tele-bɛɛ kɔrɔ.”

1 Samuwɛli 13:12

N ya a lɔn nun ko Filisitinu bi nala buila le n ma Kiligali yan. N ma ko-wo-ko ma min si a ma, n ni diya Mari ye, wo le ya a to, n ya n miri, n ko fɔ n ni sarakɛ bɔ Mari ye.”

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 26:21

Mansa Sɔli ya a fɔ a ye tun ko, “Nde le wara hakɛ kɛ i la. Nna den Dawuda, na n bara. Nba, i wara n niyi latanka bi suyi rɔ, n ti ko-wo-ko ma i la tun. N bara yuwayɛ le ladan i la wo la. N bara sama dɔgɔma-ma-de!”