1 Samuwɛli 11:4 - ALLALA KUMƐ

⁴ Anuna kilayɛ kera Kibiya soe burɔ Mansa Sɔli ye kan min. Anu ya nimisa-koe wo rakaran anu ye min kɛ, mɔgɔ damasi donta diyi-kɛ rɔ.

1 Samuwɛli 11:4 ပူးပေါင်းရင်းမြစ်များ

Ko-Dabirɛnu 27:38

Isɔ tora a fa madiyala ko, “N fa, i yandi, ni duwa kelen bi i bolo, wo di n ma. E, n fa, duwa nde fanan ye.” Isɔ dira.

2 Samuwɛli 21:6

Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

1 Ko-Kɔrɔta-Karan 12:3

Anuna kɛlɛ-den-kunyɛ le Sɛmahala dannu na, Ehayisa anubɛ Yohasi. Kibiya kɛ le anu denu na. Kɛlɛ-dan minnu bi kɛnu kɔrɔ, wonu tɔgɛ le kɛnu na. Asamafɛtila dannu Yɛsiyɛli anubɛ Pɛlɛti Bɛreka anubɛ Yehu ka bɔ Anatɔti soe burɔ

Romu 12:15

Sewa wonu fɛ minnu bi sewala. Di wonu fɛ minnu bi dila.

1 Kɔrɛnti 12:26

Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.

Kalesiya 6:2

Wo wa wo nyɔgɔnna dunɛ bi tumɛ min, wo ara Kirasitita tɔn le bira worɔ.

Hiburunu 13:3

Wo ni wo hɛnkili to yelela-mɔgɛnu ko iko wo ye anu fɛ yele le la. Wo ni wo hɛnkili to mɔgɔ-tɔrɔnɛnu ko. A ni ma iko wole fanan tɔrɔnɛ anu fɛ le.

Kɛlɛ-Kurugbɛnu 2:4

Melika ban kɛ fɔla, Isirɛla mɔgɛ bɛɛsi donta diyi-kɛ rɔ.

Kɛlɛ-Kurugbɛnu 20:26

Isirɛla mɔgɛnu dimatoe sɛgira Bɛtɛli soe burɔ tun. Anu telenta sunyɛ rɔ ha wurɛ la. Anu ya saraka-mintantɛnu anubɛ yisi-kima-sarakɛnu bɔ Mari ye wulɔn.

Kɛlɛ-Kurugbɛnu 21:2

Kɔnɔ kɛlɛ kanɛ a la, bɔnsɔn tan-ni-kelan wonu nimisanɛ tara Bɛtɛli soe burɔ ka telen dila Alla dala ha wurɛ la.

1 Samuwɛli 10:26

Sɔli fanan sɛgira a warɛ Kibiya soe burɔ. Alla ara minnu yisi yɛlɛma, wo mɔgɔ-malɔnnɛ donu bilara a fɛ.

1 Samuwɛli 14:2

A fa Mansa Sɔli fanan bara ta a daga makɛ kɔlɔma do kɔrɔ nun kan tinɛ do rɔ min tɔgɛ Mikirɔn. Nyɔ ma fɛ-yan Kibiya soe la. Anubɛ ala kɛlɛ-dan mɔgɔ kɛmɛ wɔrɔ (600) siginɛ nyɔ.

1 Samuwɛli 15:34

Samuwɛli tara a warɛ Rema soe burɔ. Mansa Sɔli fanan sɛgira a warɛ Kibiya.

1 Samuwɛli 30:4

Dawuda anubɛ ala keminɛnu dira furr, ha anu bandanta.