1 Pita 5:6 - ALLALA KUMƐ

⁶ Nba, wo ni wo famayigi Alla-sɛnbɛmɛ-kɔɛn kɔrɔ, woletɔ a si wo layɛlɛ a wati-latɛgɛnɛ rɔ.

1 Pita 5:6 ပူးပေါင်းရင်းမြစ်များ

1 Mansɛnu 21:29

“I wara a yen Mansa Ehabu ye a famayigila n ye nya min? Ka a tɛgɛ ala famayigi wo ma, n ti kasarɛ wo lana anubɛ ala denbayɛnu kuma a siyi-tele-bɛɛ kɔrɔ. Fɔ ala danta wati rɔ, n ni na to kasarɛ lanala anu kuma.”

2 Mansɛnu 22:19

bawo mansɛ ara a yen, ale Mari ye nala Yerusalɛm kɛnu tɔrɔyala nya min ka Yerusalɛm soe ma kan-tina-makilannɛ la, ado nyɔ-tɔgɛ si ma dankalɛ la mɔgɛnu bolo. Wo yen mansɛ bolo, a tubira ka a nyɛrɛ famayigi ale Mari ye. A donta diyi-kɛ rɔ ka ala duruki rafara yisi-tinyɛ bolo. Woletɔ Mari ko a ara ale mansɛla matarali-kan lamɔɛn.

2 Ko-Kɔrɔta-Karan 12:12

Bawo a ara ban a nyɛrɛ latenbila Mari ma, Marita diminyɛ wo ma a kasara. Wo kɔma, koe bɛɛ tara a kilɛ fɛ Yuda nyamanɛ rɔ.

2 Ko-Kɔrɔta-Karan 30:11

Kɔnɔ hali wo, Asɛra bɔnsɔn-mɔgɛ donu wo, Manasa bɔnsɔn-mɔgɛ donu wo, anubɛ Sɛbulɔn bɔnsɔn-mɔgɔ donu sɔnta ta-koe ma Yerusalɛm.

2 Ko-Kɔrɔta-Karan 32:26

Kɔnɔ tɔ-a-la, Mansa Hɛsakaya anubɛ ala mɔgɛ minnu bi Yerusalɛm, wonu ya anu famayigi. Woletɔ Mari ma anu tɔrɔ wo tumɛ ale mansɛ ye a kɛndɛ la.

2 Ko-Kɔrɔta-Karan 33:12

Ka a tɛgɛ ala tɔrɔyɛ wo ma, a ya a famayigi ka di ata Mari Alla dala alako wo ni a kunyɛ bɔ gbaran wo rɔ.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

2 Ko-Kɔrɔta-Karan 33:23

Kɔnɔ a ma a famayigi Mari ye iko a fa ya a ma nya min, ado a ya hakɛ kɛ ka tenbi a fa la.

2 Ko-Kɔrɔta-Karan 36:12

A bilara Mari la, ado a ma a wɔlɔ matɔlɔ Nɛbi Yɛrɛmayala kumɛ la min si Marita kumɛ fɔ a ye.

Yobu 36:22

I miri Allata sɛnbɛ kolo nya min. Karan-mɔgɛ bɛɛ kun-tigi le ale la.

Yaburi 75:10

A si mɔgɔ-yogomɛnuta sɛnbɛ rakerikeri kɔnɔ mɔgɔ-telennɛnuta sɛnbɛ si to koloyala.

Yaburi 89:13

I fanka kolo kati! Sɛnbɛ ye i kɔɛn rɔ dɔgɔma-ma-de!

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 3:19

N ya a lɔn ko nta fɔrɔsɛ le si a ma, Iyipiti mansɛ ni wo boloka.

Bɔ-Koe-Iyipiti 32:11

Musa ya ata Mari Alla madiya. A ko, “Mari, i wara ila mɔgɛ minnu nabɔ Iyipiti nyamanɛ rɔ ita sɛnbɛ-wɛ la, ila diminyɛ si wara wonu kuma nfen na?

Hɛnkilimaya-Kumɛnu 29:23

Wasinteyɛ si mɔgɛ layigi kɔnɔ ni a ya a famayigi, a si gbiliyɛ sɔrɔn.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 40:4

Wo ni kɔnkɔ-gbɛran bɛɛ lafa ka kɔnkɔ-wɛnu tii a yarɔ mɛmɛ! Gburukulinu si ma lɛɛ la. Nyamani-gbɔgɔsa-gbagasɛ ma si nunku.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 44:10

Ha bi, wo ma wo famayigi Mari kɔrɔ wɛ, ado ha bi, wo ma ale Mari gbiliya. Ale Mari ya tɔn minnu di wobɛ wo benbanu ma, ha bi, wo ma wonu bira.

Isikiyɛli 17:21

Ala kɛlɛ-den-tagbɛlɛmɛnu kunyɛ si to kɛlɛ rɔ. Ni min kunyɛ ma to kɛlɛ wo rɔ, wonu ta si nyɛnsɛn kan-tinɛ bɛɛ rɔ. Wo ye a lɔnna wo le ma ko nde, Mari kan le kɛ la.

Isikiyɛli 21:6

“Ile hadama-dan, i ni i dɛ sa-a-rɔ iko mɔgɛ yisi wa tinya gbɛlɛyɛ bolo. I ni i dɛ sa-a-rɔ kinikinɛ ma, bɛɛ si i ragbɛ kan min.

Daniyɛli 5:22

“Kɔnɔ ile, ala dan, i sa i famayigila, ado min mara i fa la, i ya kɛ dama lɔn.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Matiyu 23:12

Min ba a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.

Luka 1:52

Alla ara mansa-sɛnbɛmɛnu nayigi ka bɔ anuna sigi tinɛnu tɔ. Minnu famayiginɛ, a ya wonu nayɛlɛ.

Luka 14:11

ado min bɛɛ si a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ.”

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Romu 5:6

Allata-Mɔgɔ-Yabɔnɛ fagara male hakɛ-tiginu ye a wati-latɛgɛnɛ rɔ bawo ma ti ke ma nyɛrɛ dɛnbɛna.

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

1 Timoti 2:6

Ale le ya a nyɛrɛ niyi ni ko mɔgɛ bɛɛ ni hɔrɔya. Ata sayɛ le ya a mayira a wati-latɛgɛnɛ rɔ ko Alla ye a fɛ, bɛɛ ni kisi.

Taita 1:3

A wati bɛnnɛ rɔ, Alla ya sarakanɛ kɛ labɔ gbɛ rɔ ma ye ata kumɛ rɔ. Alla ya wɔlɛ wo kerifa nde la iko ale, ma kisilɛ Alla ya a fɔ n ye nya min. A ko n ni a lake mɔgɛnu ma.

Yemesi 4:10

Wo ni wo famayigi Alla ye. Ni min ya wo ma, a si wo mɔgɛ layɛlɛ.

Yemesi 4:7

Woletɔ wo ni wo famayigi Alla ye ka wo kan-kɔ sɔ Setanɛ la. Setanɛ si a buri wo kɔrɔ.

Yemesi 5:10

N na-kelen-nyɔgɛnu, nɛbi minnu kumara Mari tɔgɛ rɔ, wo ni wo hɛnkili to wonu ko. Wonu bara anu munyu tɔrɔyɛ kɔrɔ nya min ha a laban, wo ni ma misalɛ la wo ye.