1 Pita 5:4 - ALLALA KUMƐ

⁴ Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

1 Pita 5:4 ပူးပေါင်းရင်းမြစ်များ

Yaburi 23:1

Mari si n kandan iko saga-kandannɛ si ala sagɛnu kandan nya min. A ye a mala, fenfen sa dasala n na.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Isikiyɛli 34:23

N si mansɛ di anu ma iko nta wɔli-kɛla Dawuda ye saga-fɛ-birayɛ la nya min nun. Wo kelan si anu fɛ-bira a kin na!

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Daniyɛli 12:3

Minnu si Allata hɛnkilimayɛ bira anu bolo filɛ la ka kila-latelennɛ yira mɔgɔ-siyaman na, wonuna hɛnkilimayɛ si malan iko lolenu.”

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Yɔni 10:11

“Saga-fɛ-birala-nyimɛ le nde la. Saga-fɛ-birala-nyimɛ si sɔn ka faga ala sagɛnuna ko la.

1 Kɔrɛnti 9:25

Min si a raya buri-kɛ rɔ, wo si a nyɛrɛ ragbɛlɛya a kilɛ fɛ. A ye wo mala alako a ni sarɛ sɔrɔn. Kɔnɔ sara-su wo ti mɛ. Male ye a kɛla alako ma ni sara-su wo sɔrɔn min si to ma bolo tɛban!

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

1 Pita 1:4

Wo le ya a to, ma yɛ ye kilɛ la duwa-belebele wo sɔrɔn-koe la. Alla ara wo lamara wole, ala mɔgɛnu ye. Wo bɛɛ maranɛ wole ye Arinyɛni tɔ. A ti tuli nyɔ, a ti tinya, a ti bɔ a su la.

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 3:11

N bi nala tiriya! Min bi wo bolo, wo ni wo mara gben! Woletɔ wo ara barayi min sɔrɔn ka a bɛn wola nɔlɛ ma, mɔgɔ-wo-mɔgɔ ti ke wo kankanna wo bolo.