1 Pita 5:2 - ALLALA KUMƐ

² N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.

1 Pita 5:2 ပူးပေါင်းရင်းမြစ်များ

2 Mansɛnu 12:6

Kɔnɔ hali wo, ka a bi Mansa Yohasila mansayɛ ma ha ala mansayɛ san mogan-ni-sawa nyɔgɔn ma, saraka-masɔlɛ wonu ma ke ko-wo-ko ladanna Bato-Bɔn fɛ-bira-koe rɔ.

Keninteya-Siginu 1:8

Ile min kin musi bɛɛ ko, ni i ma kan tinɛ wo lɔn, bila sagɛnu kin-gbɛ fɛ dɔrɔn. I ni ila baa-dannu de-nyini saga-kandannɛnuna fani-bɔnnu dafɛ.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Aiseya 6:8

Wo kɔma, n ya Mari kan lamɔɛn ko, “N si yon sɔ? Yon si ma mala kilayɛ la?” Nde ya a fɔ ko, “Nde sɔ, n si ta le!”

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 13:20

Ile Yerusalɛm kun-tiginu, wo ni wo kunyɛnu kɔrɔbi. Wo ni wo yɛ lata. Wo ma wo yogenu yen bɔla kantɔ pan? Alla ya mɔgɛ minnu kerifa wo la, wonu bi mintɔ gbɛ? Nba, wo wasinɛ wonu denu tɔ.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Isikiyɛli 34:23

N si mansɛ di anu ma iko nta wɔli-kɛla Dawuda ye saga-fɛ-birayɛ la nya min nun. Wo kelan si anu fɛ-bira a kin na!

Isikiyɛli 34:31

N Tigi Mari ko wole min bi ata sagayɛ la, ata mɔgɛ le wole la. Wole fananta Alla le ale la.

Isikiyɛli 46:24

Kei wo ya a fɔ n ye ko, “Bato-Bɔn yalamayɛ-kɛ-tinɛ le kɛnu na, Bato-Bɔnna wɔli-kɛlɛnu si mɔgɛnuna sarakɛnu te kan min anuta niyi, kɔni.”

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Sakaraya 11:17

Mari ko saga-fɛ-birala-kuntan wo si halaki pɔ bawo a ara ala sagɛnu boloka. A ko alamɛ wo bole tɛgɛra a la kɛlɛ rɔ. A bolo-nyimama-yɛ ni tii fanani.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Kɛwɔlɛnu 20:29

N ya a lɔn ko n ba ta tumɛ min, mɔgɛ donu si kɛ wo ma iko suluku-feremɛnu si kɛ saga-kurɔn ma nya min.

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Romu 1:15

Woletɔ a sɔgɛ ye n na bɛrɛkɛ ka kibara-nyimɛ lake wole Romu kɛnu fanan ma.

1 Kɔrɛnti 9:7

Yon bara a lamɔɛn ko kɛlɛ-dan ye a nyɛrɛta balu sarala? Nako-tigi don, wo ti a nyɛrɛta ki-fen-gbɔɛnu dɔn, wa? Ninki-tigi ti nonɛ min ka bɔ ata ninkinu tɔ, wa?

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

1 Timoti 3:8

Chɔchi-dɛnbɛni-kɛlɛnu fanan ni ma sɔn-nyima-tiginu na. Anu ni ma kan-kelen-tiginu na. Anu kana ma baan-minnɛnu na, ni wo ma, tɔnɔ-yogo-nyininɛnu.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

Taita 1:7

Fɛɛ kana taran chɔchi-mɔgɔ-ba la bawo Allala wɔlɛ kerifanɛ ale le la. A kana ma nyɛrɛ-sako-kɛlɛ la. A yisi kana bɔ tiriya! A kana ma baan-minnɛ la anubɛ kɛlɛ-tɛgɛlɛ anubɛ tɔnɔ-yogo-nyininɛ.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Taita 3:1

I ni ila mɔgɛnu hɛnkili bila ko anu ni sonnɛya kun-tiginu anubɛ sɛnbɛ-tiginu ye. Anu ni wonuna kumɛ bira. Anu ni anu tabɛn kɛwɔli-nyimɛ-bɛɛ kɛ tinɛ.

Failiman 1:14

N sa a fɛ ka i fɔrɔsɛ ko fɔ i ni n dɛnbɛ. N bi a fɛ ko i ni a kɛ i nyɛrɛ sako la. Woletɔ n ti ko-wo-ko kɛ fɔ i wa sɔn.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!