1 Pita 5:12 - ALLALA KUMƐ

¹² Sailasi ara n dɛnbɛ kɛdi-kundu-nɛ kɛ sɛbɛla wo ma, ado n bara ale yatɛ n na-kelen-nyɔgɛ lanaya-mɔgɛ la. N bi a fɛ ka wo makawandi anubɛ ka nta sereyɛ bɔ wo ye ko Allala hina-bɛrɛ le kɛ la. Wo ni wo sɔ a rɔ yiri!

1 Pita 5:12 ပူးပေါင်းရင်းမြစ်များ

Yɔni 21:21

Pita ya wo yen tumɛ min, a ya a fɔ Yisa ye ko, “Mari, kei kɛ don?”

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 15:22

Nba, Yisata kilayɛnu wo, nyɔ-mɔgɔ-banu wo, anubɛ dɛnkɛninya-mɔgɛ bɛɛ, wonu ya a latɛgɛ ko anu ni mɔgɛ donu bɔ anu tɛma ka wonu nata Siriya-Antiyaki soe burɔ Pɔli anubɛ Banabasi fɛ. Anu ya mɔgɔ fila yabɔ minnu gbiliyanɛ Yisata mɔgɛnu bolo bɛrɛkɛ, Yudasi, anu si min kele fanan ko Basaba anubɛ Sailasi, kɔni.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

1 Kɔrɛnti 15:1

Nba, n na-kelen-nyɔgɛnu, n ya kibara-nyimɛ min nake wo ma, n bi a fɛ ka wo hɛnkili bila wo ko, ado wo ara kibara-nyimɛ wo rabira ka la a la gben!

2 Kɔrɛnti 1:19

Sailasi anubɛ Timoti anubɛ nde nyɛrɛ ya Yisa Kirasiti Allala danta kawandili bɔ wo tɛma. Yisa, nagan-fila-tigi ma. Kan-kelen-tigi le ale la.

2 Kɔrɛnti 1:24

Male sa kun-tigiyɛ kɛla ka a fɔ wo ye wo si dɛnkɛninya min ma! Ma ye wɔlila ma nyɔgɔn fɛ wo nyɛrɛta sewɛla ko la bawo ma ya a lɔn ko wo sɔnɛ dɛnkɛninyɛ rɔ yiri!

Ɛfɛsa 3:3

Alla ara ala gbundu-ko-latɛgɛnɛ lankɛnimaya nde ye. (N ban-san le wo doni sɛbɛla wo ma.

Ɛfɛsa 6:21

Ma na-kelen-nyɔgɛ Tikika, ma diyana-mɔgɛ, kɔni, mɔgɛ le wo la min si Allala wɔlɛ kɛ a sɛbɛ la. Min bi mala n na, ale le si wo bɛɛ fɔ wo ye.

Kɔlɔsi 1:7

Ma diyana wɔli-kɛ-nyɔgɛ Ɛpafarasi ya wo karan wo ma. Kirasitita lanaya-wɔli-kɛlɛ le ale Ɛpafarasi la male gbɛ rɔ.

Kɔlɔsi 4:7

Ma na-kelen-nyɔgɛ Tikika, lanaya wɔli-kɛlɛ le ale la anubɛ ma wɔli-kɛ-nyɔgɛ Marita wɔlɛ kɛ rɔ. Wo le si n bara-koe-bɛɛ fɔ wo ye.

Kɔlɔsi 4:9

Ma na-kelen-nyɔgɛ anubɛ lanaya-mɔgɛ Onɛsima ye tala a fɛ. Wo ta-nyɔgɛ le wo la. Koe min bɛɛ ye kɛla yan, anu si wo bɛɛ rakaran wo ye.

1 Tɛsalonaika 1:1

Nde, Pɔli wo, Sailasi wo, anubɛ Timoti, male le ye kɛdi kɛ sɛbɛla wo ma. Ma ye kɛdi kɛ sɛbɛla dɛnkɛninya-mɔgɛnu ma minnu bi Tɛsalonaika soe burɔ. Ma Fa Alla anubɛ ma tigi Yisa Kirasitita mɔgɛ le wole la. Alamɛ Allata hinɛ anubɛ yisi-kimɛ tora wo fɛ.

2 Tɛsalonaika 1:1

Nde, Pɔli anubɛ Sailasi anubɛ Timoti le ye kɛdi kɛ sɛbɛla wole, Tɛsalonaika chɔchi-mɔgɛnu ma, ado ma Fa Alla anubɛ ma Mari Yisa, Allata-Mɔgɔ-Yabɔnɛtɛ le wole la.

Hiburunu 13:22

N na-kelen-nyɔgɛnu, n bi wo madiyala, wo ni wo munyu ka wo tole masɔ makawandili-kumɛ kɛ la. N bara kɛdi min sɛbɛ wo ma kɛ, wo ma yan.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

1 Pita 4:10

Alla ara sanbɛ di wo kelen-kelennamɛ-bɛɛ ma wo nyɔgɔn-dɛnbɛn-koe le la. Wo ni wo ma iko Allata sanba-marala-nyimɛnu si a ma nya min.

2 Pita 1:12

Hali wo ya koe wonu lɔn kɔrɔma la, n si to wo hɛnkili labilala wonu ma tuma-wo-tuma. Wo ara tonyɛ minnu sɔrɔn, hali wo sabatinɛ wonu tɔ, n ti bandan wo lalɔnna tonyɛ wonu ma.

2 Pita 2:15

Anu bara kila-telennɛnu boloka, ha kilɛ wo ara to-a-rɔ anu ma. Anu bara bila Beyorila den Belamta kilɛ fɛ bawo wo duruta wodi sɔrɔnna ala ko-yogoma-kɛ le tɔ,

3 Yɔni 1:12

Bɛɛ ye n fa Dimitiya tɔgɔ-nyimɛ fɔla, ado anu bi min fɔla, wo bɛɛ tonyɛ. Ma ara mata sereyɛ kofu wo ma. Wo ya a lɔn ko ma ya min fɔ, tonyɛ le.

Yude 1:3

N diyana-mɔgɛnu, a sɔgɛ ye n na bɛrɛkɛ ka kɛdi sɛbɛ wo ma nun ka a tɛgɛ kisi-koe ma kɔnɔ n ko a bɛnnɛ n ni kɛdi-gbɛrɛkɛ sɛbɛ wo ma kaka. N bi wo makawandila ko Alla ara ban dɛnkɛninyɛ min dila ala mɔgɛnu ma, wo ni kɛlɛ kɛ wola ko la,