1 Pita 4:8 - ALLALA KUMƐ

⁸ Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

1 Pita 4:8 ပူးပေါင်းရင်းမြစ်များ

Hɛnkilimaya-Kumɛnu 10:12

Gboyanayɛ si bɛnbɛlitayɛ lawuli kɔnɔ keninteyɛ si ko-yogomɛ damasi yamatogon.

Hɛnkilimaya-Kumɛnu 12:16

Kuntan si kɔrɔtɔ tiriya kɔnɔ manyini-kumɛ bɔrɔ ti taran hɛnkilimɛ ye.

Hɛnkilimaya-Kumɛnu 17:9

Ni i ko i ni diya mɔgɛnu ye, fɔ i ni anu sɔn yamatogon. Ni i tora anu sɔn fɔla, i ti i diyana-mɔgɛ sɔrɔn.

Hɛnkilimaya-Kumɛnu 18:13

Mɔgɔ ni a tole masɔ yanni a ni kumɛ yabi. Ni min ti wo ma, kun-takolɔn le wo la ado miliyɛ ti bɔ a fɛ.

1 Kɔrɛnti 13:1

Hali n kumara kan-su-bɛɛ rɔ minnu bi san-kole rɔ anubɛ dugu-kole kɛ kuma kɔnɔ ni keninteya sa n yisi rɔ, n bara ma iko nɛgɛ-walan, ni wo ma, tɛlɛn-gbesi-kan.

1 Kɔrɛnti 13:4

Keninteyɛ si a munyu-bɛrɛkɛ. A fanɛ nyimayɛ la. A ti keliyɛ kɛ. A ti a nyɛrɛ kɔrɔbi. A ti wasi.

Kɔlɔsi 3:14

Keninteyɛ min bi wo kirila wo nyɔgɔn ma, wo ni sa kɛ bɛɛ kuma alako wo ni ma kelen na.

1 Tɛsalonaika 3:12

Alamɛ Mari ya wola keninteyɛ lakoloya wo nyɔgɔn ye anubɛ mɔgɛ bɛɛ ye dɛɛ! A ni to a lakoloyala iko matɛ koloyanɛ wole wara la nya min.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

Hiburunu 13:1

Wo ni to wo nyɔgɔn kenina iko a bɛnta na-kelen-nyɔgɛnu ni anu nyɔgɔn keni nya min Kirasiti rɔ.

Yemesi 5:12

N na-kelen-nyɔgɛnu, kuma-kolomɛ le kɛ la. Wo tenbi lanyiri kirila tumɛ min, wo kana wo gboro. Wo kana wo gboro san-kole rɔ, ni wo ma, dugu-kole rɔ, ni wo ma fanan, fenfen tɔ. Wo ni a fɔ dɔrɔn ko, “Ɔnde,” ni wo ma, “Ade.” Wo le ya a to, wo ti hakɛ kɛ ka yiliki sɔrɔn Alla bolo.

Yemesi 5:20

wo ni wo hɛnkili to kɛ ko, min ba hakɛ-tigi yɛlɛma ka bɔ a hakɛ-kilɛ fɛ, wo si hakɛ-tigi wo niyi lakisi sayɛ ma ka a ma, hakɛ siyamɛ ma ni koto.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

3 Yɔni 1:2

N diyana-mɔgɛ, n bi Alla madiyala ko koe bɛɛ ni ta a kilɛ fɛ i bolo. Alamɛ i kɛndɛyara iko i sɔndɔmɛ kɛndɛ ye nya min.