1 Pita 4:3 - ALLALA KUMƐ

³ ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.

1 Pita 4:3 ပူးပေါင်းရင်းမြစ်များ

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

1 Mansɛnu 21:26

A ya kisimiriya-koenu nadan ka bɛsɛnu kɔ iko Amoranu bi a mala nya min nun, ado Isirɛla mɔgɛnu nanɛ nyamanɛ wo rɔ Mari ya Amora wonu denu gben anu yarɔ.)

2 Ko-Kɔrɔta-Karan 15:8

Mansa Esa ya nɛbiya-kumɛ kɛ lamɔɛn Nɛbi Asaraya bolo tumɛ min, wo ya a diya don a rɔ. A ya bɛsɛnu tinya Yuda nyamanɛ anubɛ Bɛnyamɛ nyamanɛ rɔ. Soe minnu biranɛ a bolo nun Ifɛrɛm kɔnkɔ-nyamanɛ rɔ, a ya nyɔ-bɛsɛnu tinya. Saraka mintan tinɛ min bi Mari Bato-Bɔn kata burɔ, a ya wo mabɛn.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 5:11

Gbalo ye wo ma bawo wo ye surula wo yɛ lafinna gbɛɛ la, ado wo ye kila baan minna kɔlikɔli!

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Yɛrɛmaya 16:11

Mari ko n ni a fɔ wole fanan ye ko ni wo ya kɛ yen mala wo la, wo benbanu denu fɔlɔn ya ale Mari boloka. Anu ya bɛsɛnu kɔ ka anu taya wonu ma. A ko wo benbanu fɔlɔn bara anu masɛgi Mari la. Anu ya anu ban ale Marita tɔn-bira-koe ma.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Isikiyɛli 44:6

“I ni a fɔ Isirɛla mɔgɔ-murutiyanɛ wonu ye ko nde, anu Tigi Mari ti sɔn anuna kisimiriya koe wonu ma muk!

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Kɛwɔlɛnu 17:30

Fɔlɔ-nun, Alla ya a kolan bɔ mɔgɛnuna Alla-lɔnbɛlitayɛ la bawo anu bi min mala nun, anu ma wo lɔn. Kɔnɔ kaka, a ara a fɔ ko fɔ mɔgɛ bɛɛ ni yɛlɛma ka bɔ anuna ko-yogoma-kɛ-kilɛnu fɛ,

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

1 Kɔrɛnti 12:2

Yanni wo ni dɛnkɛninya Yisa ma tumɛ min, wo le ya a lɔn ko niyi sa bɛsɛ minnu tɔ, wonu ya wo lasama kila-bɛrɛ ma.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

2 Kɔrɛnti 12:21

N kilannɛ fanan ko n ba ta tumɛ min, nta Alla si n nafɛya wolela ko la. Wo siyaman bara hakɛ kɛ fɔlɔn. N kilannɛ, wo ti sɔn tubila ko-kɔsɔnɛ wonuna ko la. Wo ya min kɛ, wola yɛlɛnya-hakɛnu anubɛ nata-kɛwɔlɛnu si a ma, n ni di biribiri wo siyamanna ko la.

Kalesiya 5:19

Fɛrɛ-bɔnku-nata ye nya min, wo lɔn-koe ma gbɛlɛ! A ye minnu kɛla, wo le kɛnu na, sɔn-yogoyɛ wo, miriya-yogomɛ wo, milibɛlitaya-koe wo,

Kalesiya 5:21

Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

1 Tɛsalonaika 4:5

A kana a fɛrɛ-bɔnkɛ don nata-yogomɛ rɔ iko sibolo-gbɛrɛ minnu ma Alla lɔn.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

1 Pita 1:14

Wo ni Allala kumɛ bira. Wo ma Alla wara-koe lɔn bɛ tumɛ min, nata-yogomɛ minnu bi wo marala nun, wo kana sɔn, wonu ni wo mara tun.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.