1 Pita 4:2 - ALLALA KUMƐ

² Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,

1 Pita 4:2 ပူးပေါင်းရင်းမြစ်များ

Yaburi 143:10

N ni min ma, wo fɔ n ye bawo nta Alla le ile la. Ila nyimayɛ ni n bila kila-nyimɛ fɛ.

Hoseya 6:7

“Sarama-kan min bi wole anubɛ nde, Mari tɛma, wo ya wo tinya tiriya iko ma benba Hadama ya a ma nya min.

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Matiyu 20:4

A ya a fɔ anu ye ko, ‘Wole fanan ni ta wɔli-kɛ-tinɛ nna sɛnɛ rɔ. N si wo sara iko a bɛnta, n ni wo sara nya min.’

Matiyu 21:31

“Nba, wo filɛ tɛma, yon ya a fa sako kɛ?” Anu ya a yabi ko, “A kinamɛ.” Yisa ya a fɔ anu ye ko, “Nba, wo ni wo hɛnkili to kɛ ko! Duti-makelelɛnu anubɛ yɛlannu si don Allala mansayɛ rɔ wo yarɔ.

Matiyu 7:21

“Min bɛɛ ye a fɔla ko ata Mari le nde la, wo bɛɛ ti don Allala mansayɛ rɔ fɔ minnu bi n Fa diyana-koenu kɛla, n Fa min bi Arinyɛni tɔ, kɔni.

Maraka 3:35

Minnu bi Alla diyana-koe kɛla, n na-kelen-nyɔgɛ anubɛ n na le wonu na.”

Maraka 7:21

Miriya-yogomɛ minnu si mɔgɔ don kisimiriya-koe rɔ, wo le kankanyɛ wo, mɔgɔ-fagɛ wo, yɛlɛnyɛ wo, nata-yogomɛ wo, ko-yogoma-su bɛɛ wo, yanfɛ wo, ko-kɔsɔnɛ wo, keliyɛ wo, mɔgɔ-rafɔɛ wo, wasinteyɛ wo, anubɛ kalokalonteyɛ. Wonu denu si bɔ mɔgɔ yisi rɔ.

Yɔni 1:13

Kɔnɔ anu ma ma Allala dannu na iko mɔgɛ ye dan sɔrɔnna nya min. Alla nyɛrɛ le anu Fa la.

Yɔni 7:17

N bi mɔgɛnu karanna min na, ni minnu bi a fɛ ka Allala diyana-koe kɛ, wo tigi si a lɔn ni Allatɛ le, ni wo ma, ni n bi kumala n nyɛrɛta miriya rɔ.

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Romu 14:7

Ado nfan, ma fenfen sa belila ma nyɛrɛ ma. Ma fenfen sa fagala ma nyɛrɛ ma. Ni ma belita, ma belinɛ Mari hɛnɛ-koe la.

Romu 6:11

Wo ni wo miri wo nyɛrɛ ma iko wo faganɛ, woletɔ hakɛ ti nɔ-ko sɔrɔn wo ma. Wo ni Alla sako kɛ kaka Kirasiti baraka rɔ.

Romu 6:2

Ade! A manɛ iko ma ara faga alako hakɛ kana sɛnbɛ sɔrɔn ma kuma tun. Ma si to hakɛ kɛla kama worɔ tun?

Romu 7:4

N na-kelen-nyɔgɛnu, wole fanan bi wo nya le. A manɛ iko wole ara faga ka bɔ tɔn-kitabu kɔrɔ ka kofu Kirasiti ma. Kaka, wo ara ma aletɛ la, ado a wulita ka bɔ furinu tɛma alako wo ni ma gbɔ-nyimɛ la Alla ye.

2 Kɔrɛnti 5:15

Ale Yisa fagara mɔgɛ bɛɛ ye, woletɔ minnu belinɛ, wonu kana beli anu nyɛrɛ ye tun fɔ ka beli ale ye min fagara anu ye, ado a wulita anu ye fanan.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

Ɛfɛsa 6:6

Wo ni wola wɔlɛ kɛ wo sɛbɛ la hali anu kɔma. Wo kana a ma alako anu ni wo matɔgɔ. Wo ni Alla-diyana-koenu kɛ wo yisi bɛɛ la iko wo ye wɔlila Kirasiti ye nya min.

Kɔlɔsi 1:9

Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

Kɔlɔsi 3:3

Wo ni wo ma bawo wola nimayɛ maranɛ Kirasiti fɛ Alla baraka rɔ. A manɛ iko wo ara faga koe wonu ma.

Kɔlɔsi 4:12

Wo ta-nyɔgɛ Ɛpafarasi ye wo kɔndɔnna. Yisa Kirasitita wɔli-kɛlɛ le ale fanan na. A si a raya madiyalɛ ma wo ye tumɛ bɛɛ. A ye Alla matarala ko wo kanbalinɛ ni to sɔnɛ yiri, ka Alla sako bira koe bɛɛ rɔ.

1 Tɛsalonaika 5:18

Ni ko-wo-ko mara, wo ni baraka bira Alla ye wati bɛɛ, ado Alla ye nyinina wo le ma. Wo ni to wo mala Kirasiti Yisa rɔ.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Pita 1:14

Wo ni Allala kumɛ bira. Wo ma Alla wara-koe lɔn bɛ tumɛ min, nata-yogomɛ minnu bi wo marala nun, wo kana sɔn, wonu ni wo mara tun.

1 Pita 2:1

Woletɔ wo ni fara ko-yogomɛ bɛɛ la. Wo kana foninyɛ fɔ tun. Nyɛrɛmankolayɛ wo, keliyɛ wo, mɔɛn-kɛ wo, wo ni fara wonu na!

1 Yɔni 2:17

Duninya anubɛ fan min bɛɛ ye a rɔ, min sɔgɛ si mɔgɔ bira, wonu bi tenbila le. Kɔnɔ ale min bi Alla diyana-koe kɛla, wo ye tola le habadan!