1 Pita 4:17 - ALLALA KUMƐ

¹⁷ Kiti-tɛgɛ-dabira-wati ara ke. Nba, Alla si ala mɔgɛnu fɔlɔn kiti. Ni kiti gbɛlɛ da si bira male le ma, a laban si ma kama worɔ wonu kuma minnu ma Allala kibara-nyimɛ bira?

1 Pita 4:17 ပူးပေါင်းရင်းမြစ်များ

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Yɛrɛmaya 25:29

A ko a ye ala kasarɛ dabirala ale Mari nyɛrɛta so-karantan Yerusalɛm fɔlɔn ma. Woletɔ wo kana wo miri ko kasarɛ sa nala kɛla wo ma. A ti foo mɔgɔ-wo-mɔgɔ la bawo fɔ duninya-mɔgɛ bɛɛ wa kasarɛ wo sɔrɔn. Mari Sɛnbɛ-Bɛɛ-Tigi kan le kɛ la.

Yɛrɛmaya 49:12

Hali a ma bɛn minnu ni tɔrɔyɛ sɔrɔn, fɔ tɔrɔya-yi-lafɛ ni sɔ anu dɛ la. Anu denu don? Anu miri ko anu ti tɔrɔyɛ sɔrɔn.

Isikiyɛli 9:6

A kɛmɔgɔ wo, a kemini wo, a sunkurun-mɛsɛ wo, a denba wo, a den wo, wo ni anu bɛɛsi faga tɛrr! Kɔnɔ ni wo ya tamasere yen min telɛ ma, yanba kana yalan wo ma de! Wo ye a dabirala Bato-Bon-luyi ma yan de!” Anu ya a dabira mɔgɔ-ba mogan-ni-lolinu denu ma minnu bi luyi ma.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Luka 23:31

ado kɛ ko-sufa, ni a mara, kɔlɔmanu ma gbala wɛ, anu ba gbala tumɛ min, wo si ma kama?”

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

Romu 2:9

Tɔrɔyɛ anubɛ diminyɛ si bui ko-yogoma-kɛlɛ bɛɛ ma, a Yahudiya wo, a sibolo-gbɛrɛ wo.

Kalesiya 3:1

Wole Kalesiya kɛnu, kuntan le wole la! Nfen bara don wo rɔ? Yisa Kirasiti fagara kɔlɔma ma nya min, n bara wo labɔ gbɛ ma wo ye feu!

Kalesiya 5:7

Wola dɛnkɛninyɛ ye tala yarɔ nun a kin na, ado ni min ya wo kunyɛ bɔ tonyɛ wo kɔrɔ, wo ma ko-nyimɛ kɛ.

Kalesiya 6:10

Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

Hiburunu 11:8

Dɛnkɛninyɛ le fɛ, Iburayima ya Allata kumɛ bira ka ta nyamani-gbɛrɛ rɔ, Alla ya lanyiri kiri minna ko la ko a si wo di a ma. A yirindira ka bɔ a nyɛrɛta nyamanɛ rɔ, hali a ma a lɔn a ye tala kan min.

Hiburunu 2:2

Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 2:8

A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.