1 Pita 4:11 - ALLALA KUMƐ

¹¹ Ni min bi kawandili bɔla, wo ni kuma iko a bɛnta, Allala kawandili-bɔlɛ ni kuma nya min. Ni min bi wɔli-gbɛrɛkɛ kɛla, wo tigi ni wɔli a sɛnbɛ la iko Alla ya a di a ma nya min. Woletɔ bɛɛ si Alla tanto koe bɛɛla ko la Yisa Kirasiti baraka rɔ, minta ye gbiliyɛ anubɛ sɛnbɛ la habadan! Amina.

1 Pita 4:11 ပူးပေါင်းရင်းမြစ်များ

Yaburi 145:13

Habadan-koe le ila mansayɛ la, ado ila mansayɛ si to nyɔ tolon! Mari si ata lanyiri bɛɛ latɔnbagaya. A si koe bɛɛ ladan kinikinɛ le tɔ.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Yɛrɛmaya 23:22

Ni anu ya a gbundu-koe lɔn nun, a ko anu si ala kilayɛ lake wole, ata mɔgɛnu ma nun a kilɛ fɛ. Wo si a ma, wole, ata mɔgɛnu bi sɔn-yogoyɛ min kun na, wo ni wo fara wo la.

Daniyɛli 4:3

Alla ara kabana-koe minnu yira ma la, wonu kolo dɔgɔma-ma-de! Alla ye kabana-koe minnu nadanna, wonu makilanta. Habadan-mansɛ le ale la. Ale si to kun-tigiyɛ la tolon!

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Yɔni 13:31

Yudasi tara tumɛ min, Yisa ko, “Nde, Hadama-danta gbiliyɛ ara bɔ gbɛ rɔ, ado Allala gbiliyɛ ara bɔ gbɛ rɔ ale baraka rɔ kaka!

Kɛwɔlɛnu 7:38

Isirɛla mɔgɛ minnu nadɛnta wulɛ rɔ, ale Musa taranta wonu fɛ nun. Melika min kumara a ye Sinayi kɔnkɛ kuma wo, ale Musa ya kumɛ wo latenbi ma benbanu ma. Allala kumɛ min si niyi di mɔgɛ ma, ale Musa ya wo sɔrɔn nyɔ ka wonu natenbi ma ma.

Romu 11:36

Ado nfan, ale le ya fan bɛɛ dan. Fan bɛɛ ye ale le baraka rɔ, ado atɛ le fan bɛɛsi la. Gbiliyɛ ni di ale Alla ma burubukai! Amina.

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

Romu 16:27

Alla kelen pe min kelan ye hɛnkilimɛ la, alamɛ gbiliyɛ dira ale ma Yisa Kirasiti baraka rɔ habadan! Amina!

Romu 3:2

A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

1 Kɔrɛnti 12:4

Fanda-su-siyaman bi nyɔ ka bɔ Alla bolo kɔnɔ Allata Ni-Sɛnima kelan wo le ye wo bɛɛ dila ma ma.

1 Kɔrɛnti 3:10

Allata hinɛ fɛ, n bara nna wɔlɛ kɛ iko bon-sɔla-hɛnkilimɛ. N ya bɔn wo kurukɛ, wo kɔma, mɔgɔ-gbɛrɛ ya a dagɛ lawuli. Kɔnɔ mɔgɔ kelen-kelennamɛ-bɛɛ ni a ma a fɛrɛma bɔn wo sɔ-tinɛ,

1 Kɔrɛnti 6:20

A ya wo san ka wo sɔnkɛ di. Woletɔ wo ni Alla gbiliya wo fɛrɛ-bɔnkɛ la.

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

2 Kɔrɛnti 9:13

Wola ko-nyima-kɛ si wola dɛnkɛninyɛ yira Kirasitita kibara-nyimɛ rɔ, wo lanɛ min na, kɔni. Wo ye Kirasitila kumɛ birala min kɛ, mɔgɔ siyaman bi Alla tantola wola ko la. Wo ye anu dɛnbɛna foninsereyɛ la anubɛ mɔgɔ-gbɛrɛnu fanan.

Ɛfɛsa 1:19

Wo ni ata sɛnbɛ-waranɛ lɔn min bi wɔlila male dɛnkɛninya-mɔgɛnu tɔ. Sɛnbɛ wo min bi male rɔ,

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Ɛfɛsa 5:20

Wo ni baraka bira ma Fa Alla ye fan bɛɛla ko la tumɛ bɛɛ. Wo ni baraka bira a ye ma Mari Yisa, Allata-Mɔgɔ-Yabɔnɛ tɔgɛ rɔ.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Filipai 2:11

Bɛɛ si a lawɔyɔ gbɛ rɔ ko Yisa Kirasiti, Mari le. Bɛɛ si ma Fa Alla gbiliya kumɛ wo la.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.

1 Tɛsalonaika 2:4

Iko Alla ara ma lakɔrɔsi nya min, a ye a fɛ, ma ni kibara-nyimɛ fɔ mɔgɛnu ye wo nya na le. A ya wɔlɛ wo bɛɛ kerifa ma la. Ma wa kuma, ma sa ma rayala ka mɔgɛnu hɛnɛ fɔ Alla min bi ma yisi lakɔrɔsila.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Taita 2:1

Alla ye nyinina, hadama-dannu ni ko ladan nya min, i si to mɔgɛnu karanna koe wonu na.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

Hiburunu 13:7

Wola kun-tigi-fɔlɔtɛ minnu ya wo karan Allala kumɛ la, wo ni wo hɛnkili to wonu ko. Wonu manɛ nya min ha anu fagara, wo ni wo miri wonu ma ka wo sanka anuna dɛnkɛninyɛ ma.

Hiburunu 5:12

A bɛnta, wo ni ma karan-mɔgɛnu na kɔnɔ ha kaka, wole bɛrɛn makoe ye karan-mɔgɔ la. Ha bi, wo makoe ye Allala kumɛ dabira koenu na. Wo ti ke dɔn-fen-bɛrɛ dɔnna fɔ ka to wo susunna dɛɛ,

Yemesi 1:19

N diyana-mɔgɛnu, wo ni wo hɛnkili to kɛ ko! Mɔgɛ bɛɛ ni a kaliya ko-lamɔɛnna kɔnɔ a kana kuma yona. A kana diminya yona,

Yemesi 1:26

Ni mɔgɛ do ya a miri ko Allata mɔgɛ le ale la, ni a ma a dɛ mara, fuyi le ala dina wo la. A ye a nyɛrɛ mayuwaya tinɛ le dɔrɔn.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 4:10

Alla ara sanbɛ di wo kelen-kelennamɛ-bɛɛ ma wo nyɔgɔn-dɛnbɛn-koe le la. Wo ni wo ma iko Allata sanba-marala-nyimɛnu si a ma nya min.

1 Pita 4:16

Kɔnɔ ni anu bara wo tɔrɔ bawo dɛnkɛninya-mɔgɔ le wole la, wo kana miliya wola ko la. Wo ni baraka bira Alla ye ko Kirasiti tɔgɛ sanɛ wole kuma.

1 Pita 5:11

Fanka ni to ale ye habadan! Amina.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.