1 Pita 4:1 - ALLALA KUMƐ

¹ Kirasiti fɛrɛ-bɔnkɛ tɔrɔta a ma min kɛ, woletɔ wole fanan ni wo sɛbɛ don miriya kelan wo ma bawo ni min fɛrɛ-bɔnkɛ tɔrɔta, wonubɛ hakɛ ti taran kila kelen fɛ.

1 Pita 4:1 ပူးပေါင်းရင်းမြစ်များ

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Maraka 3:3

Yisa ya a fɔ kei bolo-faganɛ ye ko, “Na, i sɔ mɔgɛ bɛɛ yala yan.”

Romu 6:11

Wo ni wo miri wo nyɛrɛ ma iko wo faganɛ, woletɔ hakɛ ti nɔ-ko sɔrɔn wo ma. Wo ni Alla sako kɛ kaka Kirasiti baraka rɔ.

Romu 6:2

Ade! A manɛ iko ma ara faga alako hakɛ kana sɛnbɛ sɔrɔn ma kuma tun. Ma si to hakɛ kɛla kama worɔ tun?

Romu 6:7

Ni mɔgɔ fagara wati min, wo tigi ara hɔrɔya hakɛ-sɛnbɛ ma.

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Ɛfɛsa 6:13

Woletɔ fɔ wo ni Allata kɛlɛ-kɛ-miran kɛnu bi kaka, ado wo kɛlɛ-tele wa ke tumɛ min, wo si ke ka wo yoge kɛlɛ ka a nɔ. Wo wa ban kɛlɛ kɛla tumɛ min, wo sɔnɛ si to wo gbɛ rɔ gben!

Tɔn-Fɔɛ-Fila-Nyɔgɛ 27:10

Woletɔ wo ni ala kumɛnu natɔnbagaya ka ata tɔnnu bira n bi nala min dila wo ma kɛ la.”

Filipai 2:5

Kɛ-nya min bi Kirasiti Yisa bolo, wo ni wo le bi.

Hiburunu 12:3

Yisa ya min bɛɛ ma wo ye, wo ni wo miri wo le ma. A ya a munyu hakɛ-tiginuna wunduyogoyɛ kɔrɔ. Woletɔ wo yigi kana tɛgɛ. Wo kana bandan mumɛ!

Hiburunu 4:10

Mɔgɔ-wo-mɔgɔ wa ata wɔli ban ka don Allata sulen tinɛ, wo si a sulen ala wɔlɛ ma iko Alla ya a sulen atɛ ma nya min.

1 Pita 2:21

Alla ya wo kele wo le ma. Kirasiti nyɛrɛ tɔrɔta wo ye ka misalɛ to wo bolo alako wo ni bila a kin-gbɛ fɛ.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,