1 Pita 3:9 - ALLALA KUMƐ

⁹ Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.

1 Pita 3:9 ပူးပေါင်းရင်းမြစ်များ

Ko-Dabirɛnu 42:25

Yusufu ya a fɔ ala wɔli-kɛlɛnu ye ko anu ni a kɔrɔnuna bɔrɛnu nafa dɔn-fannu na. Anu ni anuna wodinu sa anuna dɔn-fannu kuma anuna bɔrɛnu tɔ ka dɔn-fan do di anu ma fanan anu si min ma anu kila-fandɛ la. Wonu ya a ma iko Yusufu ya a fɔ anu ye nya min.

Hɛnkilimaya-Kumɛnu 17:13

Ni mɔgɛ ya ko-nyimɛ sara ko-yogomɛ la, yakɔrɔ-mamɔɛ ti bɔ ala bɔn la.

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Hɛnkilimaya-Kumɛnu 28:10

Mɔgɛ min bi mɔgɔ-latelennɛ labuila hakɛ rɔ, wo tigi si bira a nyɛrɛta gbɛrɛ-lasiginɛ la. Kɔnɔ fɛɛ sa mɔgɛ min na, wo si sabati.

Matiyu 19:29

ado min bɛɛ ara ala bɔn to, anubɛ a na-kelen-nyɔgɛnu, anubɛ a sɔrɔnnɛnu, anubɛ ala dannu, hali ata sɛnɛ-kɛ-tinɛ ndela ko la, wo si wo nyɔgɔn kɛmɛ sɔrɔn anubɛ habadan-nimayɛ fanan.

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 5:39

Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Maraka 10:17

Yisa wulita ala tagama rɔ tumɛ min tun, kei do burimatoe nara ka a nyɛnkin a kɔrɔ a madiya tinɛ. A ko, “Karan-mɔgɔ-nyimɛ, n ni nfen ma alako n ni habadan-nimayɛ sɔrɔn?”

Luka 10:25

Nba, tɔn-karan-mɔgɛ do nara Yisa kɔrɔbɔ tinɛ. A ya a manyinika ko, “Karan-mɔgɔ, n si nfen ma alako n ni habadan-nimayɛ sɔrɔn?”

Luka 18:18

Yahudiyanuna kun-tigi do ya Yisa manyinika ko, “Karan-mɔgɔ-nyimɛ, n ni nfen ma min si a ma, n ni habadan-nimayɛ sɔrɔn?”

Romu 12:14

Minnu bi wo niyi ragbɛrɛnna, wo ni duwa anu ye. Wo kana anu danka fɔ ka duwa anu ye.

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

1 Tɛsalonaika 5:15

Wo kana sɔn, mɔgɔ-wo-mɔgɔ ni ko-yoge sara ko-yoge la. Tuma-wo-tuma, wo ni to ko-nyimɛ kɛla wo nyɔgɔn ye anubɛ mɔgɛ bɛɛ.

Hiburunu 12:17

A banta wo mala tumɛ min, a ye nyinina a fa ni duwa a ye kɔnɔ a fa ma sɔn. A ara min ma nun, fɛrɛ sa a ye ka wo yɛlɛma tun. Hali a ya-yi bɔra biribiri, a ti ke wo sɔrɔnna tun.

Hiburunu 6:14

Alla ya a fɔ Iburayima ye ko, “N si nta duwɛ layigi i kuma ka i bɔnsɔn lasiyaya. N bara lanyiri wo kiri i ye!”

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

1 Samuwɛli 26:11

Kɔnɔ Mari ara min ma mansɛ la, ka a fɔ nde ni wo faga, alamɛ Mari ya n tanka wo ma. Ma ta ala tanbɛ anubɛ ala yi-kɛ-barɛ la dɔrɔn ma bolo.”