1 Pita 3:8 - ALLALA KUMƐ

⁸ Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 3:8 ပူးပေါင်းရင်းမြစ်များ

Yaburi 103:13

Iko fa nyimayanɛ ala dan ye nya min, Mari fanan nyimayanɛ mɔgɛnu ye minnu bi a gbiliyala.

Hɛnkilimaya-Kumɛnu 28:8

Ni mɔgɛ ya tɔnɛ nyini a ta-nyɔgɛnu kuma ka ma nɔnfulu-tigi la, ala nɔnfuli wo si to mɔgɔ-hakikɛnu ye minnu bi hinala bolo-kolɔnnu na.

Matiyu 18:33

A bɛnnɛ, i ni kinikini i wɔli-kɛ-nyɔgɛ fanan ma iko n kinikinita i ma nya min.’

Luka 10:33

Kɔnɔ Samariya kɛ min bɔrɔbɔnɛ Yahudiyanu bolo, wo do tenbimatoe kilɛ wo fɛ, wo ya a taran. A ya a yen tumɛ min, kinikinɛ ya a yisi lafa.

Kɛwɔlɛnu 2:1

Ladɛn min tɔgɛ Pɛntikɔsi, wo kera tumɛ min, dɛnkɛninya-mɔgɛ bɛɛ ladɛnnɛ anu nyɔgɔn fɛ kan-tina-kelen.

Kɛwɔlɛnu 27:3

Wo banda kɛ, ma kera Saidon soe burɔ. Kɛlɛ-Den-Kun-Tigi Yuliya ya ko-nyimɛ kɛ Pɔli ye. A sɔnta ko a ni ta a diyana-mɔgɛnu kɔndɔn tinɛ alako anu ni a makoenu nyinya.

Kɛwɔlɛnu 28:7

Nyɔ-mansɛ min tɔgɛ Pubiliyasi, a halala-dugi do ye a bolo nyɔ wara la. Ma ya tele sawa kɛ a warɛ nyɔ. A ya ma rabira a kin na!

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

Romu 15:5

Nba, Alla min bi munyu anubɛ yisi-kimɛ dila ma ma, alamɛ wo ya wo dɛnbɛ alako wo ni to sɔn kelen tɔ wo nyɔgɔn fɛ ka bila Kirasiti Yisala misalɛ fɛ.

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

1 Kɔrɛnti 12:26

Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.

Ɛfɛsa 4:2

Wo kana a lagbɛlɛya wo nyɔgɔn kuma fɔ ka famayigiyɛ kɛ wo nyɔgɔn ye a nya bɛɛ ma. Wo ni wo munyu wo nyɔgɔn kɔrɔ keninteyɛ rɔ.

Ɛfɛsa 4:31

Nyɔgɔn-kɔn wo, yisi-bɔɛ wo, diminyɛ wo, wo ni wonu boloka. Wo kana nyɛɛ mɔgɛnu ma ka mɔgɛ manyini, ado wo kana ni-yogoyɛ kɛ wo nyɔgɔn na.

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Filipai 2:3

Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ!

Filipai 3:16

Kɔnɔ a fɛrɛ sa fɔ ma ni to tala yarɔ iko ma ara wuli a mala nya min nun.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

Hiburunu 13:1

Wo ni to wo nyɔgɔn kenina iko a bɛnta na-kelen-nyɔgɛnu ni anu nyɔgɔn keni nya min Kirasiti rɔ.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

Yemesi 5:11

Ma ye mɔgɔ-munyanɛnu kelela ko mɔgɔ-sewanɛ bawo anu bara anu munyu. Wo ma Yobuta munyu-koe lamɔɛn, ba? Ado nfan, Mari ya Yobu makoe nyinya nya min a laban, wo ma wo lɔn fanan, ba? Wo mara bawo Mari fanɛ kinikinɛ anubɛ hinɛ la.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 2:17

Wo ni mɔgɛ bɛɛ gbiliya. Wo ni wo ta-nyɔgɛ dɛnkɛninya-mɔgɛnu keni. Wo ni kilan Alla la ka nyamani-tigi gbiliya.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

2 Pita 1:7

Wo ni diyanayɛ sa wota Alla-yala-kilan kuma. Wo ni keninteyɛ sa wola diyanayɛ kuma.

1 Yɔni 3:14

Ma ya a lɔn ko ma ara bɔ sayɛ rɔ ka don nimayɛ rɔ bawo ma ara ma na-kelen-nyɔgɛnu keni. Ni keninteyɛ sa minnu tɔ, wonu bi saya-sɛnbɛ kɔrɔ ha kaka.