1 Pita 3:3 - ALLALA KUMƐ

³ Ile musi, i kana i nyɛrɛ makiri ka i lakinya wo nya dɔrɔn. I ye i kunyɛ danna nya min wo, i ye sɛnɛ dunna nya min wo, i ye fɛrɛya-bɔ-hakikɛ min bila wo, i kana i to wonu dɔrɔn ma.

1 Pita 3:3 ပူးပေါင်းရင်းမြစ်များ

Ko-Dabirɛnu 24:22

Nyomɛnu ban yi wo minna, kei wo ya sɛnɛ-foro kelen bi min si don a sunyɛ la anubɛ sɛnɛ-bolo-kalama-dɛɛn fila ka wonu di dunmusi wo ma. Sɛnɛ-fore anubɛ sɛnɛ-bolo-kalama-dɛɛn wonu kolo dɔgɔma-ma-de!

Ko-Dabirɛnu 24:47

N ya a manyinika, n ko, ‘Ile fa ye yon na? A tɔgɛ ye kama?’ Rebɛka ya a fɔ n ye ko Milaka Bɛtuwɛlila dan le ale la. A ko a benba tɔgɛ le Nehori. N ya sɛnɛ-fore wo dun a sunyɛ la ka sɛnɛ bolo-kalama-dɛɛn filɛ wonu don a bole la.

Ko-Dabirɛnu 24:53

Wɔli-kɛlɛ ya fen da-gbɛlɛ-siyaman bi ka wonu ma Rebɛka furu-fan la. A ya wonu di a kɔrɔ Leban anubɛ a na ma. Wo kɔma, a ya fɛrɛya-bɔɛ anubɛ wodi-gbɛ anubɛ sɛnɛ bi ka wonu fanan di Rebɛka ma.

2 Mansɛnu 9:30

Wo kɔma, Mansa Yehu wulita ka ta Yɛsɛreli soe burɔ. Mansa Ehabula kɛɛ-musi Yɛsɛbɛli wo ya a lamɔɛn min kɛ ko Mansa Yehu min ya ala dan faga, wo ara na, a ya a ya-siyi lafin ka a kunyɛ rabɔ. A ya a sɔ mansɛla bolɔn wundan la ka a yɛ layigi kilɛ ma.

Ɛsita 5:1

Anuna sun-don-tele sawɛ da-fara lunyɛ min, Ɛsita ya a layɛlɛ ala musu-mansaya-mirannu tɔ. A tara a sɔ kata burɔ bolon-don-dɛ la mansɛ si a ragbɛ kan min. Wo ya a taran, ala kei Mansa Sakasi siginɛ ala mansaya-waganɛ rɔ bolɔn burɔ. A yɛ lamununnɛ bolon-don-dɛ wo la.

Yaburi 45:9

Musi minnu bi wɔlila i ye, mansa-dan le wonu na. Ile mansɛla bara-musi makirinɛ sɛnɛ-bɛrɛ le la. A sɔnɛ ila mansaya-waganɛ bolo-nyimɛ rɔ.

Bɔ-Koe-Iyipiti 3:22

Isirɛla musinu si ta anu sigi-nyɔgɛ Iyipiti musinu matara fen-kolomɛnu anubɛ fɛrɛya-bɔɛnu ma hali Iyipiti musi minnu siginɛ anu ma anuna bɔnnu na. Anu bi fɛrɛya-bɔɛ wonu don anuna dannu kan na. Anu bi Iyipiti kɛnu bolo kolonyala wo nya na le.”

Bɔ-Koe-Iyipiti 32:2

Aruna ya a fɔ anu ye ko, “Sɛnɛ minnu bi wola musinu anubɛ wola dannu tole la, wo ta wonu bi. Wo ni na anu na n bara.”

Bɔ-Koe-Iyipiti 33:4

Mɔgɛnu ya kumɛ wo lamɔɛn tumɛ min, anu dira. Anu ma anuna sɛnɛ-toenu anubɛ anuna wodi-gbɛnu bila anu fɛrɛ ma tun.

Bɔ-Koe-Iyipiti 35:22

Kei anubɛ musi minnu sɔnta, wonu tara anuna bolo-kalama-dɛɛnnu na anubɛ anuna tolola-fannu anubɛ anuna dɛɛn-kɔlɔnɛnu anubɛ anuna kan-na-fan minnu nadannɛ sɛnɛ la ka wonu dantɛgɛ Mari ma. Anu nara anu mabɛn-fannu na ka wonu di Mari ma.

Bɔ-Koe-Iyipiti 38:8

Musi minnu bi wɔlila Marita Fani-Bɔn dafɛ dagɛ kɔma kilɛ la, wonu nara anuna sila-nyɛrɛ-mafɛlannu na ka anu ma kɔ-fan la Mari ye. Bɛsalɛli ya wonu ma yi-sigi-miran anubɛ a sigi-fan la.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Yɛrɛmaya 2:32

Sunkurɔn ti nyina a makiri-fan ko. Kɔɛn-kurɛ ti nyina ala kɔnyɔ-masɔ-kurɛnu ko. Kɔnɔ Mari ko ata mɔgɛnu nyinara a ko bi-ko-ma,

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Isikiyɛli 23:40

“Anu ya keinu kele ka bɔ wula-yan la. Wula-yanla-mɔgɛnuna ke, Ohola anubɛ Oholiba tara anu ku-tinɛ ka anu ya-siyi lafin ka anuna makiri-fannu kɛ anu ma.

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

1 Pita 3:2

bawo a si ala musi kɛ-nya-sɛnimɛ anubɛ a gbiliya-nya yen.