1 Pita 3:21 - ALLALA KUMƐ

²¹ ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

1 Pita 3:21 ပူးပေါင်းရင်းမြစ်များ

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Maraka 16:16

Min ba dɛnkɛninya ka batasi, wo si kisi. Kɔnɔ min ti dɛnkɛninya, wo si halaki.

Yɔni 13:9

Saimon Pita ya a yabi ko, “Nba, Mari, i kana n kian dɔrɔn maku worɔ! I ni n bole anubɛ n kunyɛ fanan ku!”

Kɛwɔlɛnu 16:33

Suyi wo nyɛrɛ rɔ, yele-makandannɛ ya anu nabɔ ka anuna tɛlɛnu ku. Ale anubɛ ala bonna-mɔgɛ bɛɛ batasira kelenna!

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 22:16

Nba kaka, i ye nfen makɔnɔna tun? I lasɔ ka batasi. I ni Alla matara Yisa tɔgɛ rɔ alako i hakɛ bɛɛ ni yesi ka ban feu!’

Kɛwɔlɛnu 8:36

Anu bi tala kilɛ la tumɛ min, anu kera yi do ma. Woletɔ kun-tigi wo ko, “Yi kɛ mafɛlɛn. Nfen bi a tola gbɛ, n sa batasila?” [

Kɛwɔlɛnu 8:37

Filipi ya a fɔ a ye ko, “Ni i wara dɛnkɛninya i yisi bɛɛ la, i si batasi.” A ya a yabi ko, “N bara dɛnkɛninya. N bara la a la ko Allala dan le Yisa la.”]

Romu 5:14

Kɔnɔ ka a dabira ma benba Hadamata wati ma, ha ka a sigi Nɛbi Musata wati la, sayɛ mara mansɛ la mɔgɛ bɛɛ kuma. Hali minnu ma hakɛ kɛ iko ma benba Hadama ya hakɛ kɛ nya min, wonu denu ya Allala kumɛ tinya. Yisa min nara tɔ-a-la, ma benba Hadama mara wo misalɛ la,

1 Kɔrɛnti 12:13

A ye wo nya na le fanan Kirasitita bagbuyi rɔ. I mara Yahudiya la wo, i mara sibolo-gbɛrɛ la wo, i mara yɔɔn na wo, i mara hɔrɔ la wo, ma dama ara batasi bagbu kelen tɔ ata Ni-Sɛnima kelen de bolo. Ma dama ara fa Allata Ni-Sɛnima kelen wo la.

1 Kɔrɛnti 4:6

N na-kelen-nyɔgɛnu, n bara koe kɛ bɛɛ sanka mabɛ Apalasi ma wolela ko la. N bara male ma misalɛ la alako wo ni tili wo kɔrɛ lɔn mɔgɛnu bi min tɛgɛla ko, “Mɔgɔ kana tenbi kumɛ-dan kun na.” Wo fenfen kana wasi mɔgɛ do la ka do lafɛya.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Kalesiya 3:27

Wola batasili rɔ, wobɛ Yisa Kirasiti ara ma kelen na. Wo mara tumɛ min, wo ara Kirasiti sɔn bila wo kan na iko fɛrɛya-bɔɛ.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Kɔlɔsi 2:12

Wo batasira tumɛ min, wo togonta Kirasiti fɛ. Wobɛ Kirasiti lawulita wo nyɔgɔn fɛ fanan batasilɛ rɔ bawo wo dɛnkɛninyanɛ ale Kirasiti le ma. Allata sɛnbɛ le ya a lawuli ka bɔ furinu tɛma.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Timoti 6:12

I ni i se-koe-bɛɛ kɛ ka ta yarɔ dɛnkɛninya-koe rɔ, woletɔ i si habadan-nimayɛ bira i bolo filɛ la i nyɛrɛ ye. Alla ya i kele niyi wo le ma, wo tumɛ i ya sereya-nyimɛ yira dɛnkɛninya-koe rɔ sereya-siyaman yala.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 11:19

Iburayima ya a lɔn ko ni Isiyaka fagara, Alla si ke a niyi lasɛgila a rɔ le, ado a kɔrɔbɔɛ kɔma, a ya a yen, Isiyakala niyi ye a rɔ.

Hiburunu 13:18

Wo ni to Alla matarala ma ye. Ma lanɛ a la ko ma sɔndɔmɛ gbɛnɛ le feu, bawo ma ye a fɛ ka ko-latelennɛ kɛ wati bɛɛ.

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,