1 Pita 3:15 - ALLALA KUMƐ

¹⁵ Min fisa, wo ni Kirasiti gbiliya wo yisi rɔ ka a ma wo Mari la. Yigi min bi wo rɔ, mɔgɔ-wo-mɔgɔ wa wo manyinika wo ma, wo rabɛnnɛ ni taran tuma-wo-tuma ka wo faranfasi mɔgɛ wo ye.

1 Pita 3:15 ပူးပေါင်းရင်းမြစ်များ

Yaburi 119:46

N si ita tɔnnu wara-koe fɔ mansɛnu ye, ado n ti miliya mumɛ!

Hɛnkilimaya-Kumɛnu 15:28

Mɔgɔ-latelennɛ si a miri kuma-yabi-tinɛ kɔnɔ kuma-yogomɛ-latiri ye bɔla mɔgɔ-yogomɛ dɛ rɔ.

Hɛnkilimaya-Kumɛnu 22:21

Anu si wo karan tonyɛ la woletɔ ni mɔgɛ do ya wo manyinika, wo si tonyɛ fɔ a ye a kilɛ fɛ.

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 29:23

A wa ban dan latasakarala wo ma tumɛ min, a ko wo si a lɔn wo le ma ko ale le Isirɛlata Mari Alla-sɛnimɛ la. A ko wo si a gbiliya ka kawa a ma.

Aiseya 41:21

Mari, Isirɛlata mansɛ, kɔni, wo le wara kɛ fɔ. “Wole sibolo-gbɛrɛ-bɛsɛnu, wo ni wo rabɛn kitila ko la. Wo na wola sɔsɔli-sala-dɛgbɛnu na wo bolo.

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Aiseya 8:12

n kana kofu mɔgɛnu ma kɛwuyɛ rɔ. A ko anu kilannɛ min na, nde kana kilan wo la.

Yilan-Yilan Koe 20:12

Kɔnɔ Mari kumara Musa anubɛ Aruna ma. A ya a fɔ anu ye ko, “Bawo wo ma la n na ka nta kumɛ bira ka nta gbiliyɛ anubɛ nta fanka yira mɔgɛnu na min kɛ, woletɔ wo ti sɔ mɔgɛ kɛnu yarɔ ka ta anu na lanyiri-nyamanɛ rɔ n bara min di wo ma.”

Yilan-Yilan Koe 27:14

bawo wole mɔgɔ filɛ ya n kuman-kan tinya wo tumɛ wo ye Sini wulɛ rɔ. Mɔgɔ damasi ya gbunya-kumɛ fɔ n ma Sɔnkɔ-Sɔnkɔ Tenke dafɛ. Wo ma sɔn ka nta gbiliyɛ anubɛ nta fanka yira mɔgɛnu na.” (Sɔnkɔ-Sɔnkɔ Tenke kɛ le Sini wulɛ rɔ Kɛdɛsi soe dala.)

Kɛwɔlɛnu 21:39

Pɔli ya a yabi ko, “Yahudiya le nde la. N sɔrɔnta Tarasa, Salesiya nyamanita-so-karantan do rɔ, kɔni. N fa, i yandi, i ni sɔn, n ni kuma mɔgɛnu na.”

Kɛwɔlɛnu 24:25

Kɔnɔ Pɔli wulita kumala ko-nyima-kɛ-koe anubɛ nyɛrɛ-bira-koe anubɛ kiti-tɛgɛ-tele-koe ma min kɛ, Mansa Filikisi kilanta. A ko, “Wo ara a bɔ. Ta fɔlɔn. N ba fɛrɛ sɔrɔn tumɛ min, n si i kele.”

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 6:1

Nba, ma ni ta yarɔ kinanuta karan rɔ. Ma ya minnu fɔlɔn karan Kirasiti wara-koe rɔ, ma kana to sɛgila wonu ma. Ma ara ban wo karanna nun alako wo ni wo kan-kɔ sɔ ko-yogomɛ la nya min. Ma ko wo ni to lala Alla la. A ma bɛn, ma ni to kumala wonuna ko la wati bɛɛ.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

1 Pita 3:2

bawo a si ala musi kɛ-nya-sɛnimɛ anubɛ a gbiliya-nya yen.

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

1 Samuwɛli 12:7

Wo ni wo sɔ Mari yakɔrɔ. A ara ko-makawanɛ minnu ma wobɛ wo benbanu ye nun, n ni sereyɛ wonu sa gbɛ ma wo ye ka anu takaran wo ye alako karan wo ni wo sɔn-yogomɛnu yira wo la.