1 Pita 2:8 - ALLALA KUMƐ

⁸ A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.

1 Pita 2:8 ပူးပေါင်းရင်းမြစ်များ

Yobu 23:14

Alla ara min natɛgɛ nde ye, a si wo lakanbali. A ara miriya min suma ka bɛn n ma, wo kelen de kɛ la.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 57:14

Mari ko ala mɔgɛnu ni sɛgi a ma. Wo ni wola gbaran-fannu bɔ kilɛ la. Wo ni kilɛ rabɛn yɔnyɔn!

Aiseya 8:14

Ka a tɛgɛ ata sɛninya-makawanɛ ma, a ko ale si ma kuri la, mɔgɛnu si anu kian latugu min na. A ko a si ma gbɛrɛ fanan na min si Yuda anubɛ Isirɛla anubɛ Yerusalɛm kɛnu bira.

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Romu 9:22

Alla wa min ma, a ye wo nya na le. A si ala diminyɛ anubɛ ala sɛnbɛ labɔ gbɛ ma. A bɛnta, a ni minnu halaki, ni a diyara a ye, a si a mun wonu kɔrɔ.

1 Kɔrɛnti 1:23

Kɔnɔ Kirasiti gbangban-koe kɔlɔma ma, male ye wo le dɔrɔn fɔ tinɛ. Yahudiyanuna tanama-koe le wo la. Yuwaya-koe le wo la sibolo-gbɛrɛ wonu yala.

2 Kɔrɛnti 2:16

A ara ma saya-sumɛ la wonu ye minnu bi nala halakila. Kɔnɔ a ara ma nimaya-sumɛ la wonu ye minnu bi nala kisila. Wo mɔgɔ sa min si ke wonu kɛla a nyɛrɛ ma.

Kalesiya 5:11

N na-kelen-nyɔgɛnu, wo ni nta tɔrɔyɛ mafɛlɛn. N sa kawandili bɔla ko fɔ mɔgɛnu ni kemininya kɔnɔ ha bi, anu bi n tɔrɔla. N bi Kirasiti faga-koe min kawandili bɔla, ni n ya kemininya-koe sa wo kuma nun, wo ti Yahudiyanu tɔrɔ.

1 Tɛsalonaika 5:9

Alla ma a latɛgɛ ko ma ni ala diminyɛ sɔrɔn kiti-tɛgɛ-lunyɛ. A ye a fɛ, ma ni kisi-koe sɔrɔn ma Mari Yisa, Allata-Mɔgɔ-Yabɔnɛ baraka rɔ.

1 Pita 2:6

ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.