1 Pita 2:6 - ALLALA KUMƐ

⁶ ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”

1 Pita 2:6 ပူးပေါင်းရင်းမြစ်များ

Ko-Dabirɛnu 49:24

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

Yaburi 40:14

Minnu bi n faga-koe rɔ, alamɛ wonu kuruta n ma ka miliya. Minnu sewanɛ nna tɔrɔyɛla ko la, alamɛ wonu ya anu kɔ-sɛgi miliyɛ bolo.

Yaburi 89:19

I ya a fɔ ila wɔli-kɛla-nyimɛnu ye ko-rayen rɔ ko i wara dɛnbɛnɛ di kɛlɛ-kurugba-yabɔnɛ do ma. I wara wo ma mansa-yabɔnɛ la ila mɔgɛnu ye.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 41:11

Minnu kɔrɔtɔnɛ wo ma, a ko wonu si a lɔn miliyɛ ye min na. Mɔgɔ-wo-mɔgɔ ya wo kɛlɛ, wo si faga.

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 50:7

N mamɔɛn-bɔrɔ ma taran n ye bawo ma Tigi Mari ye n dɛnbɛna. N bara a latɛgɛ n yisi rɔ ko wo ti n miliya tun.

Aiseya 54:4

Mari ko i kana kilan bawo i ti miliyɛ sɔrɔn tun. Yarabi-wo-yarabi ti taran i ma tun. Miliyɛ min bi i kuma nun wo tumɛ i pose, i si nyina wo la feu! I ye kelengbɛyɛ min tɔ nun iko kɛɛ-nyaganɛ, i si nyina wo ko salon!

Sakaraya 10:4

A kun-tigi wo, a mɔgɔ-ba wo, a kɛlɛ-kurugba wo, a ko wonu dama si bɔ Yuda bɔnsɔn rɔ ka to ala mɔgɛnu kuma.

Matiyu 12:18

“N bara nna wɔli-kɛlɛ min yabɔ, wo le kɛ la. N bara wo keni, ado wo ara n hɛnɛ feu! N si nta Ni-Sɛnimɛ sa a kuma. A si telenbagayɛ wara-koe fɔ sibole bɛɛ ye.

Maraka 12:10

Wo ma Allata kitabu kan tinɛ wo karan bɛ, wa? A ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la.

Luka 20:17

Yisa ya anu mafɛlɛn sin, ka nyinikalɛ kɛ ko, “Allata kitabu kɛ kɔrɛ ye kama min ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la?’

Luka 23:35

Mɔgɛnu sɔra a mafɛlɛn tinɛ. Yahudiyanuna kun-tiginu bi a mayɛlɛnna, anu ko, “A ya donu kisi kɔnɔ ni Allata-Mɔgɔ-Yabɔnɛ le ale la, alamɛ a ya a nyɛrɛ kisi!”

Yɔni 7:38

Iko a sɛbɛnɛ Allata kitabu rɔ nya min, min ba dɛnkɛninya nde ma, yi min bi niyi dila mɔgɛnu ma, wo siyaman si bɔ wo tigi sɔndɔmɛ rɔ.”

Kɛwɔlɛnu 1:16

“N diyana-mɔgɛnu, Mansa Dawuda ya Yudasi wara-koe min sɛbɛ Allata kitabu rɔ Allala Ni-Sɛnimɛ baraka rɔ, fɔ wo ni bɔ-a-la. Yudasi min bi ma fɛ nun, Yisa ara wo yabɔ alako mabɛ wo ni wɔli ma nyɔgɔn fɛ. Kɔnɔ ale Yudasi sɔra Yisa biralɛnu yarɔ.” (

Romu 10:11

ado a sɛbɛnɛ Allala kitabu rɔ ko, “Min ba dɛnkɛninya a ma, wo tigi ti baya,”

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

2 Timoti 3:16

Allala kitabu bɛɛ dinɛ ma ma ka bɔ Alla karɛ rɔ. A bɛnnɛ mɔgɛnu ni karan wo fɛ ka ko-yogoma-kɛlɛnu makuma. Wo si mɔgɛnuna fɛɛnu natelen ka anu makolo telenbagayɛ la.

1 Pita 2:4

Wo na Mari ma, Allata kuru-nimɛ, kɔni, mɔgɛnu ya anu ban min na nun. Anu ma a lɔn fenfen na kɔnɔ a yabɔnɛ Alla bolo bawo a gbiliyanɛ Alla ya la.

1 Pita 2:8

A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.

2 Pita 1:20

Kɔnɔ wo ni wo hɛnkili to kɛ ko fɔlɔn. Wɔlɔyiya-kumɛ minnu sɛbɛnɛ Allala kitabu rɔ, mɔgɔ-wo-mɔgɔ ti ke wo nya-yenna ka wo faranfasi a nyɛrɛ ma.

2 Pita 3:16

Pɔli ya kɛ le sufa sɛbɛ ala kɛdi bɛɛ rɔ. Koe doinu bi ala kɛdinu tɔ minnu lɔn-koe gbɛlɛ. Ko-lɔnbɛlɛnu anubɛ minnu sɔndɔmɛ finki-fankanɛ, wonu bi a kuman-kan mayɛlɛmana iko anu bi Allata kitabu kan tinɛ doinu mala nya min. Wo si halakiyi lana anu nyɛrɛ kuma.