1 Pita 2:4 - ALLALA KUMƐ

⁴ Wo na Mari ma, Allata kuru-nimɛ, kɔni, mɔgɛnu ya anu ban min na nun. Anu ma a lɔn fenfen na kɔnɔ a yabɔnɛ Alla bolo bawo a gbiliyanɛ Alla ya la.

1 Pita 2:4 ပူးပေါင်းရင်းမြစ်များ

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Daniyɛli 2:34

A ye kɛ mafɛlɛnna tumɛ min, a ya a yen, farɛ ara keri a la a nyɛrɛ ma kɔnkɛ kun tɛma. Wo yigira kurukurunna ka fɛrɛn mɔgɔla muninyɛ kin-farɛ wo la. Bɔnkɛ anubɛ nɛgɛ wo rabundenta.

Daniyɛli 2:45

Farɛ min kurukurunta ka bɔ kɔnkɛ kuma a nyɛrɛ ma a kerita kan min, Allata mansayɛ le wo la. A fɛrɛnta mɔgɔla muninyɛ wo la min nadannɛ nɛgɛ anubɛ bɔnkɛ anubɛ silɛɛ anubɛ wodi-gbɛ anubɛ sɛnɛ la. Koe minnu bi nala mala yarɔ, Alla-makawanɛ ya wonu denu yira ile, ma tigi, la wo la. N bara ala kiyo anubɛ a kɔrɔ-bɛrɛbɛrɛ le fɔ a ye kɛ la gben, ado a ye bɔla a la le serr!”

Sakaraya 3:9

N bara kuru-da-gbɛlɛ sigi ile Yasowa yakɔrɔ min tonko wɔrɔnfila ye a ma. N si sɛbɛli do kɛrɛndɛ a ma. N si nyamanɛ hakɛ bɔ a ma tele kelen pe kɔrɔ.

Sakaraya 4:7

A ko hali fan minnu kolo iko kɔnkɛ, wo si tunu Mansa Sarababulu yarɔ yen! Wo si ma iko lɛɛ. A ko ale Sarababulu si Bato-Bɔn sɔ-kura-kɛ tun, ado ale ye Bato-Bon-kuri laban sigila tele min ma, mɔgɛnu si a fɔ ko, “Alamɛ Marita duwɛ tora a kuma.”

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Matiyu 12:18

“N bara nna wɔli-kɛlɛ min yabɔ, wo le kɛ la. N bara wo keni, ado wo ara n hɛnɛ feu! N si nta Ni-Sɛnimɛ sa a kuma. A si telenbagayɛ wara-koe fɔ sibole bɛɛ ye.

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 5:26

Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Yɔni 5:40

Hali wo, wo sa sɔnna nala n bara alako wo si habadan-nimayɛ sɔrɔn nya min.

Yɔni 6:37

N fa ara mɔgɛ min bɛɛ di n ma, wonu si ma n gba-fɛ-bilalɛnu na. Min ba ma n gba-fɛ-bilalɛ la, n ti wo gben mumɛ!

Yɔni 6:57

N Fa min ya n sɔ duninya rɔ, wo ye a niyi la, ado ale le ya niyi di nde fanan ma. Mɔgɛ min ba n bagbuyi dɔn, ale fanan si niyi sɔrɔn nde baraka rɔ.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

1 Kɔrɛnti 3:11

ado Alla ara ban Kirasiti Yisa kelen pe mala bɔn wo kurukɛ la. Kurukɛ-gbɛrɛ ti ke kɛla tun ale kɔma.

Kɔlɔsi 3:4

Ka Kirasiti ma i Mari la, wo si ma nimaya-bɛrɛ la wo ye worɔ. Nba, Kirasiti wa bɔ gbɛ rɔ tumɛ min, wo dama si gbiliyɛ sɔrɔn wo nyɔgɔn fɛ.

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

2 Pita 1:4

Woletɔ a ya lanyiri-kinama-wɛ anubɛ lanyiri-kɛndɛ-kɛndɛnu kiri ma ye. Ka a tɛgɛ kɔ-fan kɛnu ma, ma ni ata kɛ-nya fanan sɔrɔn. Wo kɔma, ma si na kisi duninya-natanu ma minnu bi mɔgɛnu tinyana.