1 Pita 2:24 - ALLALA KUMƐ

²⁴ Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Pita 2:24 ပူးပေါင်းရင်းမြစ်များ

Ko-Dabirɛnu 22:6

Iburayima ya sɔgɛ wo bi ka a sa ala den Isiyaka kuma. Ale ya tɛ anubɛ muri bi. Anu mɔgɔ filɛ bɛɛ ye yɛlɛla kɔnkɛ wo kuma,

Yaburi 147:3

A si yisi-kimɛ di mɔgɔ-yisi-tinyanɛnu ma ka anuna tɛlɛnu makiri.

Yaburi 38:4

N buinɛ nna hakɛ tɛma iko mɔgɔ si to bɛ rɔ nya min. Nna hakɛ wonu gbili iko mɔgɔ ti ke dunɛ min na.

Bɔ-Koe-Iyipiti 28:38

Wo ni to kirinɛ fulɛ wo ma Aruna telɛ ma woletɔ hali Isirɛla mɔgɛnu ma nta kɔ-fan di n ma a kilɛ fɛ, nde, Alla nyɛrɛ si sɔn kɔ-fan wonu na Arunala ko la.

Hɛnkilimaya-Kumɛnu 20:30

Min si karagbɛlɛyɛ bɔ mɔgɔ bolo ma, fɔ gbesili anubɛ tanban. Wo si a ma, a ni ko-yogomɛ boloka ka sɔn-nyimɛ bi.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Saraka-Masɔlɛnuta Tɔnnu 16:22

Baa wo si ta anu hakɛ-kɔrɔmɛnu na a bolo wulɛ rɔ pon!

Saraka-Masɔlɛnuta Tɔnnu 22:9

“Saraka-masɔlɛ bɛɛsi ni nna tɔn kɛnu bira iko n ya a fɔ wo ye nya min. Ni min ya nna tɔn kɛnu tinya, wo si yiliki sɔrɔn n bolo ka faga. Nde le wota Mari Alla la min ya wole sɛninya.

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Yilan-Yilan Koe 18:22

Kɔnɔ Isirɛla mɔgɛ toenu kana anu gbɛrɛn nta Fani-Bɔn ma. Ni min ya a gbɛrɛn wo ma, wo si faga yati!

Matiyu 27:26

Ale Pailɛti ya Barabasi boloka. A ya a ma, anu ya Yisa gbesi ka a don anu bolo a gbangban-koe la kɔlɔma ma.

Matiyu 5:20

N bi a fɔla wo ye, ni wo ma telen ka tenbi tɔn-karan-mɔgɛnu anubɛ Farisinu na, wo ti don Allata mansayɛ rɔ ni!

Matiyu 8:17

A ya wo ma alako Nɛbi Aiseya kan ni bɔ-a-la ko, “A ya mala kirayɛnu bi ma ye ka mala gbandayɛnu bɔ ma rɔ.”

Maraka 15:15

Pailɛti ye a fɛ ka nyama hɛnɛ, woletɔ a ya Barabasi boloka anu ye. A ya a ma, ala kɛlɛ-dannu ya Yisa gbesi ka a don anu bolo ko anu ni a gbangban kɔlɔma ma.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Yɔni 19:1

Nba, Pailɛti ya Yisa bi ka a lata a gbesi tinɛ.

Kɛwɔlɛnu 10:35

Min ba kilan a la ka ko-latelennɛ kɛ, a si mɔgɛ wo rabira, a mara mɔgɔ su-wo-su la.

Kɛwɔlɛnu 10:39

A ya koe min bɛɛ kɛ Yahudiyanuna nyamanɛ rɔ anubɛ Yerusalɛm soe burɔ, wonu sereyɛ le male la. A laban, anu ya a gbangban kɔlɔma ma ka a faga.

Kɛwɔlɛnu 5:30

Wo ya Yisa le gbangban kɔlɔma ma ka a faga kɔnɔ ma benbanuta Alla le ya a lawuli ka bɔ furinu tɛma.

Romu 6:11

Wo ni wo miri wo nyɛrɛ ma iko wo faganɛ, woletɔ hakɛ ti nɔ-ko sɔrɔn wo ma. Wo ni Alla sako kɛ kaka Kirasiti baraka rɔ.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Romu 6:16

Ado nfan, wole ya a lɔn ko wo wa wo nyɛrɛ lasɔnnaya iko yɔɔn ka mɔgɛ dola kumɛ bira, wo ara ma yɔɔn la kun-tigi wo ye. Ni wo tora hakɛ kɛla, wo si ma yɔɔn la hakɛ kɔrɔ, min si a laban sayɛ ma, ni wo ma, wo si ma Allala yɔɔn la ala kuma-birɛla ko la, min si a laban ko-latelennɛ ma Alla ye.

Romu 6:2

Ade! A manɛ iko ma ara faga alako hakɛ kana sɛnbɛ sɔrɔn ma kuma tun. Ma si to hakɛ kɛla kama worɔ tun?

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

Romu 6:7

Ni mɔgɔ fagara wati min, wo tigi ara hɔrɔya hakɛ-sɛnbɛ ma.

Romu 7:6

Hali wo kaka, ma ara hɔrɔya ka bɔ tɔn-kitabu wo kɔrɔ bawo min ya ma bira fɔlɔ-nun ka ma ladon yɔɔnyɛ rɔ, ma ara faga ka bɔ wo kɔrɔ. Ma ma to ma sɔn-kɔrɛnu da kun tɔ fɔ Allata Ni-Sɛnimɛ ye sɔn-kurɛ minnu dila ma ma.

1 Kɔrɛnti 15:3

N bara sarakanɛ min sɔrɔn, n bara wo latenbi wo ma, ado ko-belebele-wa le kɛ la ko Kirasiti fagara ma hakɛnuna ko la iko a sɛbɛnɛ Allala kitabu rɔ nya min.

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Ɛfɛsa 5:9

Minnu bi waan rɔ, wonu si to ko-nyimɛnu kɛla ka ko-telennɛnu ma ka tonyɛ fɔ mɔgɛnu ye.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Kɔlɔsi 2:14

Ma hakɛ minnu sɛbɛnɛ ma kan ma nun anubɛ ma kirinɛ tɔn minnu na, Alla ara wonu gbangban Yisata kɔlɔma ma ka anu ban feu!

Kɔlɔsi 2:20

Wobɛ Kirasiti ara faga wo nyɔgɔn fɛ worɔ. Ale ya wo hɔrɔya ka wo bɔ nyina-kun-tiginu fanka kɔrɔ duninya kɛ rɔ. Nfenna worɔ, wo ye ko ladanna iko duninya kɛtɛ le wole la? Nfenna wo ye tɔn kɛ sufanu birala? Wo ye a fɔla ko—

Kɔlɔsi 3:3

Wo ni wo ma bawo wola nimayɛ maranɛ Kirasiti fɛ Alla baraka rɔ. A manɛ iko wo ara faga koe wonu ma.

Hiburunu 10:10

Yisa Kirasiti ya a fa Alla sako kɛ min kɛ, ma dama sɛninyara ka bɔ hakɛ rɔ wo le fɛ. A ya a nyɛrɛ fɛrɛ-bɔnkɛ ni sarakayɛ la iko kelen pe ka dan wo ma.

Hiburunu 10:5

Ka a tɛgɛ wo ma, Kirasiti nara duninya kɛ rɔ tumɛ min, a ya a fɔ Alla ye ko, “I sa nyinina saraka-soge anubɛ kɔ-fan ma kɔnɔ i ya fɛrɛ-bɔnkɛ di n ma, n si min bɔ i ye.

Hiburunu 12:13

Wo ni tagama kila-latelennɛnu fɛ, woletɔ minnu kian ra ma gbɛlɛ, wonu kana bui, ado anu kiannu ta si gbɛlɛya.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

1 Yɔni 2:29

Wo hɛnkili ni to kɛ ko. Kirasiti, mɔgɔ-latelennɛ le. Wo ni a lɔn worɔ ko min bɛɛ si ko-latelennɛ kɛ, Allata dan le wo tigi la.

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

Lankɛnimayɛ 22:2

A ye yigila soe tɛma den! Nimaya-kɔlɔmanu bi bɛ wo tɔnkɔn bɛɛ rɔ. Anu bi gbɔla kinyama tan-ni-fila san kɔrɔ. Anu yanba-kunyɛnu bi sibolenu nakɛndɛyala.