1 Pita 2:21 - ALLALA KUMƐ

²¹ Alla ya wo kele wo le ma. Kirasiti nyɛrɛ tɔrɔta wo ye ka misalɛ to wo bolo alako wo ni bila a kin-gbɛ fɛ.

1 Pita 2:21 ပူးပေါင်းရင်းမြစ်များ

Yaburi 85:13

Mari tenbi tala kan-bo-kan, telenbagayɛ ye tala a yarɔ nyɔ ka ta kilɛ lakala a ye.

Matiyu 10:38

Min ti a nyɛrɛ faga-kɔn bi ka bila n kin-gbɛ fɛ, a ma bɛn, wo tigi ni bila n fɛ.

Matiyu 11:29

Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Luka 24:26

Ko Allata-Mɔgɔ-Yabɔnɛ ni tɔrɔ, wo kɔma, a ni don ata gbiliyɛ rɔ, wo ma bɛn, wa?”

Yɔni 13:15

N bara min ma wo ye kɛ la, wo si a yira ko wo ni wo nyɔgɔn ma wo nyɔgɔn ye.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 17:3

ka a yira anu na ko fɔ Allata-Mɔgɔ-Yabɔnɛ ni tɔrɔ ka bɔ furinu tɛma. Pɔli ko, “N bi Yisa minna koe fɔla wo ye, Allata-Mɔgɔ-Yabɔnɛ le.”

Kɛwɔlɛnu 9:16

ado a ye nala tɔrɔyɛ min bɛɛ sɔrɔnna ndela ko la, nde nyɛrɛ si na wo yira a la.”

Romu 8:29

ado Alla ara male min yabɔ, a ya ma yabɔ le ko ma ni ma iko a nyɛrɛta dan, Yisa. A ya wo ma alako ala dan, Yisa ni ma den-kei-sarɛ la male, a na-kelen-nyɔgɔ dɛnkɛninya-mɔgɛnu tɛma.

1 Kɔrɛnti 11:1

Nba, wo ni wo sanka nde ma iko nde ye n sankala Kirasiti ma nya min.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Filipai 2:5

Kɛ-nya min bi Kirasiti Yisa bolo, wo ni wo le bi.

1 Tɛsalonaika 3:3

Ma ya wo ma alako wo fenfen kana sɛgi wo kɔma tun nyagbɛ kɛnuna ko la. Wole nyɛrɛ ya a lɔn ko fɔ ma ni nyagbɛ kɛnu tayen iko Alla sako ye nya min.

1 Tɛsalonaika 4:2

Mari Yisa ya ma sɔ kumɛ min fɔ-koe la wo ye, wo ya wo lɔn,

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

1 Pita 1:20

Alla ya Yisa yabɔ, yanni duninya ni dan. A bɔra gbɛ rɔ tele-laban kɛnu tɔ wole, ata mɔgɛnuna ko la.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.

1 Pita 4:1

Kirasiti fɛrɛ-bɔnkɛ tɔrɔta a ma min kɛ, woletɔ wole fanan ni wo sɛbɛ don miriya kelan wo ma bawo ni min fɛrɛ-bɔnkɛ tɔrɔta, wonubɛ hakɛ ti taran kila kelen fɛ.

1 Pita 4:13

Kɔnɔ wo ni sewa ko wo ye tɔrɔyɛ sɔrɔnna Kirasiti le fɛ. Wo si a ma, ala gbiliyɛ wa bɔ gbɛ rɔ tumɛ min, wole bɛrɛn si fa sewɛ la wulɔn.

1 Yɔni 3:16

Ma ya keninteya-bɛrɛ lɔn kɛ le fɛ ko Kirasiti ya a niyi ni malela ko la. Male fanan ni ma niyi ni ma na-kelen-nyɔgɛnuna ko la.

Lankɛnimayɛ 12:11

Ma na-kelen-nyɔgɛnu ya Setanɛ nɔ saga-dan-yele anubɛ anuta sereyɛ fɛ. Anu sɔnta ko anu ni anu niyi fili ka faga.