1 Pita 2:2 - ALLALA KUMƐ

² Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,

1 Pita 2:2 ပူးပေါင်းရင်းမြစ်များ

2 Samuwɛli 23:5

“Alla ara ata duwɛ layigi n kegeyɛnu kuma ka le. A ya habadan-lanyiri kiri n ye. A ya a kiri gben, alako a ma kana na yɛlɛma. N bi nyinina lanyiri wo le dɔrɔn ma. Ni a ya wo latɔnbagaya n ye, wo si nɔlɛ di n ma, ado Alla si wo ma serr!

Yobu 17:9

Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Hɛnkilimaya-Kumɛnu 4:18

Kɔnɔ mɔgɔ-telennɛnuna telenbagayɛ si to koloyala iko teleta waan si to koloyala nya min ka a bi sɔgɔma ha tele-latelan.

Hoseya 14:5

N si diya wole, Isirɛla mɔgɛnu ye iko bandɛ wa kɛ dugu-gbalanɛ ma. Wo si ma iko kɔlɔma min bara fere bɛrɛkɛ! Wo si banban iko Lɛbanan kɔlɔma min suli yiginɛ pon!

Hoseya 14:7

Wo si taran nta latankalɛ rɔ tun iko fɔlɔ. Wo si ma sɛnɛ la min sabatinɛ a kila-bɛrɛbɛrɛ fɛ. Wo mankan si koloya iko Lɛbanan minni-fan ye nya min.

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Matiyu 18:3

A ko, “Wo ni wo hɛnkili to kɛ ko! Ni wo ma wo nyɛrɛ kɛ-nya yɛlɛma ka ma iko dennɛnu, wo ti don Allata mansayɛ kɔrɔ min bi Arinyɛni na muk!

Matiyu 19:14

Yisa ko, “Wo ni sɔn dennɛnu ni na n bara. Wo kana anu mabeli bawo anu denu denuta ye Allala mansayɛ la Arinyɛni tɔ.”

Maraka 10:15

Wo ni wo hɛnkili to kɛ ko! Ni min ti Allala mansayɛ rabira iko dennɛ, wo ti don a rɔ mumɛ!”

Luka 18:17

Wo ni wo hɛnkili to kɛ ko! Ni min ti Allala mansayɛ rabira iko dennɛ, wo ti don nyɔ rɔ mumɛ!”

Romu 6:4

Ma batasira tumɛ min, mabɛ Yisa togonta ma nyɔgɔn fɛ. Wo le, iko Kirasiti wulita nya min ka bɔ furinu tɛma ma Fa Allata gbiliyɛ anubɛ sɛnbɛ fɛ, male fanan ni to ni-kurɛ rɔ wo nya na le.

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

Ɛfɛsa 2:21

Bɔn wo ladan-fan bɛɛ tugunnɛ anu nyɔgɔn na ale le baraka rɔ. Bɔn wo si to koloyala ka ma Alla Bato-Bon-sɛnimɛ do la Mari baraka rɔ.

Ɛfɛsa 4:15

A fisa, ma ni to tonyɛ fɔla ma nyɔgɔn ye keninteyɛ rɔ alako ma ni ma iko Kirasiti min bi ma kunyɛ la.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

1 Pita 1:23

Wo ara sɔrɔn a kurɛ la Allala habadan-kuma-nimɛ baraka rɔ. Alla min ti faga, wo ara ma wola dannu na!

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.