1 Pita 2:19 - ALLALA KUMƐ

¹⁹ Wo ye tɔrɔyɛ min sɔrɔnna iko telenbɛlɛnu, ni wo ya wo munyu wo kɔrɔ Alla sako fɛ, a si ata duwɛ layigi wo kuma.

1 Pita 2:19 ပူးပေါင်းရင်းမြစ်များ

Yobu 21:27

Kɔnɔ n ya a lɔn miriya-yoge min bi wo la nde kan ma. Wo ye nala n tɔrɔ-kan le ma.

Yaburi 119:86

Ila tɔn fenfen ti n baya. N dɛnbɛ! N yogenu bara karamɛ layɛlɛ n ma.

Yaburi 35:19

N gboyanɛ n yoge minnu ye, kɔrɔ sa a la, i kana sɔn, wonu ni wasi n kuma. N yisi tinyanɛ wati min, i kana sɔn, n yogenu ni yɛlɛn n ma.

Yaburi 38:19

N yogenu kɛndɛ, ado anu tagbɛlɛ. N ma n sɔgɔ-labɔ-kunya yen n yoge siyamɛnu na.

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Luka 6:32

“Ni wo ya wo diyana-mɔgɛ dɔrɔn keni, wo si duwɛ nyamintan sɔrɔn worɔ? Hali hakɛ-tiginu, minnu fɔlɔn ya anu keni, anu denu fanan si wonu keni!

Yɔni 15:21

Kɔnɔ anu si koe kɛ bɛɛ ma wo la bawo ntɛ le wole la, ado ale min ya nde sɔ, anu ma wo lɔn.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Romu 13:5

Ka a tɛgɛ wo ma, fɔ wo ni anuna kumɛ bira. Wo ye wo mala bawo wo kilannɛ tɔrɔyɛ la. Wo kɔma, wo sɔndɔma-gbɛnɛ ni to.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 8:1

N na-kelen-nyɔgɛnu, ma ye a fɛ, wo ni a lɔn Alla ara min kɛ Masidoniya chɔchinu ye ata hinɛ fɛ.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

Hiburunu 10:2

Ni Alla-batolɛ kɛnu si sɛninya anu hakɛ ma sarakɛ wonu fɛ, anu ti yiliki anu hakɛnu ma nun, ado saraka-koe si ban nun feu!

1 Pita 2:20

Wo wa ko-yogomɛ kɛ tumɛ min, anu ni wo gbesi, ni wo ya wo munyu wo kɔrɔ, gbiliyɛ mintan bi wo rɔ? Kɔnɔ ni wo tɔrɔta wola ko-nyimɛla ko la, wo wa wo munyu wo kɔrɔ, wo si Allala duwɛ sɔrɔn wo rɔ.

1 Pita 4:15

Kɔnɔ ni wo mara mɔgɔ-fagalɛ la, ni wo ma, kankan, ni wo ma, ko-yogoma-kɛlɛ, ni wo fanan ma, nafigi, anu ba wo tɔrɔ, wo ara wo bɛrɛmɛ sɔrɔn.