1 Pita 2:12 - ALLALA KUMƐ

¹² Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 2:12 ပူးပေါင်းရင်းမြစ်များ

Yaburi 37:14

Karagbɛlɛnu bi anuna faannu saganna anu lɛɛ rɔ ka anuna kalabɛnnu fanan tasagan bolo-kolɔnnu anubɛ makolamɛnu tɔgɔ rɔ. Ko-latelenni-kɛlɛnu faga-sɔgɛ ye anu na.

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Daniyɛli 6:4

Daniyɛli wɔli-kɛ-nyɔgɛnu anubɛ nyamanita-mɔgɔ-banu ya anu taya ka fɛɛ sa Daniyɛlila wɔlɛ la kɔnɔ anu ma ke a nɔla. Mɔgɔ-latelennɛ le Daniyɛli la, ado a ti sɔn ko-radunɛ ma.

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Matiyu 5:11

“Mɔgɛnu ba wo mɔɛn ka wo bira boloko-yogomɛ-kɛ ka tɔgɛ sa wo la ndela ko la, wo tigi ni sewa.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Matiyu 9:8

Mɔgɛnu ya a yen tumɛ min, anu kawara. Anu ya Alla tanto bawo a ara sɛnbɛ-su wo di mɔgɛnu ma.

Luka 1:68

“Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”

Luka 6:22

“Mɔgɛnu ba wo kɔn ka anu ban wo la, mɔgɔ-sewanɛ le wole la. Anu si wo manyini ka a fɔ ko mɔgɔ-yogomɛ le wole la ka a tɛgɛ nde, Hadama-dan la ko ma!

Yɔni 13:31

Yudasi tara tumɛ min, Yisa ko, “Nde, Hadama-danta gbiliyɛ ara bɔ gbɛ rɔ, ado Allala gbiliyɛ ara bɔ gbɛ rɔ ale baraka rɔ kaka!

Kɛwɔlɛnu 15:14

Alla hɔnta sibolo-gbɛrɛnu na nya min ka mɔgɛnu yabɔ anu tɛma alako wonu ni ma atɛ la, iko Saimon Pita ban-san le min fɔla.

Kɛwɔlɛnu 24:13

Anu bi n maburila koe minnu na kaka, anu ti ke wonu yirala i ye tonyɛ la hali!

Kɛwɔlɛnu 25:7

Pɔli kera nyɔ tumɛ min, Yahudiya minnu bɔra Yerusalɛm, wonu ya a lafoo ka ko-yogoma-wɛ siyaman sa a kuma kɔnɔ anu ya a maburi koe min bɛɛ la, anu ma ke wonu fenfen yirala kiti tɛgɛ tinɛ.

Kɛwɔlɛnu 28:22

Kɔnɔ a di ma ye ka i burɛ lɔn bawo ma ya a lɔn ko i ye dina kɛ min tɔ, mɔgɛnu bi kumala wo ma dinkirɛ bɛɛ rɔ.”

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

Romu 14:18

Min bɛɛ si wɔlɛ kɛ Kirasiti ye kilɛ kɛ fɛ, wo tigi si diya Alla ye ka tɔgɔ-nyimɛ sɔrɔn mɔgɛnu bolo.

Romu 15:9

A ya wo ma fanan alako sibolo-gbɛrɛnu ni Alla tanto ala kinikinɛla ko la. Iko a sɛbɛnɛ kitabu kan tinɛ donu tɔ nya min ko, “E, Alla, n si i matɔgɔ sibolo-gbɛrɛnu yala. N bi tantoli-bɛti bɔla i ye.”

1 Kɔrɛnti 14:25

A si a sɔ ala ko-dogonnɛnu na. Wo kɔma, a si a nyɛnkin ka Alla bato ka a sɔ a la ko, “Tonyɛ le, Alla ye wo tɛma yan!”

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 13:7

Ma ye Alla matarala ko wo kana ko-yogoma wo ko-yogoma kɛ. Ni male foora a la wo, ni ma ma foo a la wo, wo hɔnya sa male la. Alako tun wole kana foo a la, wo le gbili male ma.

2 Kɔrɛnti 8:21

Ma sako le ka ko-latelennɛ kɛ. Ka a kɛ Mari yala dɔrɔn, wo ma, fɔ mɔgɛnu yala fanan.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

Ɛfɛsa 4:22

Woletɔ wo ye tagamana wo kɛ-nya-kɔrɛ min tɔ nun, wo ni wo boloka. Kɛ-nya-kɔrɛ wo ya miriya-yogomɛnu don wo yisi rɔ min ya wo lasama kilɛ ma.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

1 Tɛsalonaika 4:12

Wo le ya a to, wo si gbiliyɛ sɔrɔn hali dɛnkɛninyabɛlɛnu bolo. Wo ti wola dunɛ sa mɔgɔ-wo-mɔgɔ kuma worɔ.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Hiburunu 13:18

Wo ni to Alla matarala ma ye. Ma lanɛ a la ko ma sɔndɔmɛ gbɛnɛ le feu, bawo ma ye a fɛ ka ko-latelennɛ kɛ wati bɛɛ.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

Yemesi 3:13

Hɛnkilimɛ anubɛ ko-lɔnnɛ do ye wo tɛma, wa? A ni wo yira a tagama-nya anubɛ a kɛ-nya-nyimɛnu tɔ. A ni wonu kɛ famayigi anubɛ hɛnkilimayɛ rɔ.

1 Pita 2:15

ado Alla sako le wo la. A ye a fɛ, wo ni yuwaya-kuma-fɔlɛnu dɛ lakiri wola ko-nyimɛnu na.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

1 Pita 4:11

Ni min bi kawandili bɔla, wo ni kuma iko a bɛnta, Allala kawandili-bɔlɛ ni kuma nya min. Ni min bi wɔli-gbɛrɛkɛ kɛla, wo tigi ni wɔli a sɛnbɛ la iko Alla ya a di a ma nya min. Woletɔ bɛɛ si Alla tanto koe bɛɛla ko la Yisa Kirasiti baraka rɔ, minta ye gbiliyɛ anubɛ sɛnbɛ la habadan! Amina.

2 Pita 3:11

Nba, ka a tɛgɛ fan wonu bɛɛ halaki-nya ma, a bɛnnɛ wo ni ma nfen mɔgɔ-sufa la worɔ? A bɛnnɛ, wo tenbi Allala kiti makɔnɔna, wo tagama-nya ni sɛninya Alla ye feu! Wo ni wo se-koe-bɛɛ kɛ alako wo tele ni na tiriya! Wulɔn-tele wa na, san-kole si mintan ka halaki pɔ! Fan minnu bi san-kole rɔ, wonu si lee ta-wuyen-belebele la.

Ruti 3:14

A sani tora nyɔ ha banda-ka-da-pinpi ma. Yanni waan ra ni ka, Ruti ya a lasɔ bawo a ma di Bowasi ye mɔgɛ ni a lɔn ko musi do kira a kuma.