1 Pita 2:11 - ALLALA KUMƐ

¹¹ Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.

1 Pita 2:11 ပူးပေါင်းရင်းမြစ်များ

Ko-Dabirɛnu 21:34

Iburayima ya tele siyaman bɔ Filisitinuna nyamanɛ rɔ.

Ko-Dabirɛnu 23:4

“Sundan le nde la min siginɛ wole Hɛtinu tɛma. Wo ni dugu-kundu-nɛ di n ma alako n ni nna furi togon nyɔ.”

Ko-Dabirɛnu 47:9

Yakoba ya a fɔ mansɛ ye ko, “N bara san kɛmɛ ani san bi-sawa (130) bɔ kɔnɔ hali wo, n ma kɔrɔya wɛ iko n benbanu. Kɔnɔ san kɛ mumɛ bɛɛ mara n tɔrɔya-san le la.”

1 Ko-Kɔrɔta-Karan 29:15

E, Mari, i ya a lɔn ko sundan le ma la duninya kɛ rɔ yan iko ma benbanu bi nya min nun. Saya masangba tina sa ma bolo. Ma ye yan iko ninɛ.

Yaburi 119:19

Sundan le nde la dugu-kole kɛ kuma. I yandi, i kana ila tɔnnu dogon n ma.

Yaburi 119:54

N sigira kan-bo-kan n si bɛti-kurɛnu bɔ ila tɔnnu bara-koe rɔ.

Yaburi 39:12

Mari, nta madiyali-kan lamɔɛn. I ni i wɔlɔ matɔlɔ n di-kɛ-kan la. N tenbi dila, i ni na n dɛnbɛ. Sundan le nde la i bolo wati-kundu-ni kɔrɔ iko n benbanu bi nya min nun.

Saraka-Masɔlɛnuta Tɔnnu 15:18

“Ni kei anubɛ ala musi ya anu sa, anu ni forɔn gbesi, anu mɔgɔ filɛ si anu ku worɔ. Anu sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 25:23

“Wo kana wola duginu mayira wo ta-nyɔgɛnu ma alako a ni to anu bolo habadan bawo wota ma. Nde, Maritɛ le dugi mumɛ bɛɛ la. Ile mintan a la, i mani de iko sundan kɔnɔ n sɔnta a ma i ni wɔli a rɔ.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Kɛwɔlɛnu 15:20

Kɔnɔ ma ni kɛdi sɛbɛ anu ma ka a fɔ anu ye ko dɔn-fan min bara di bɛsɛnu ma nun, anu kana wo dɔn bawo a latinyanɛ. Anu ni anu nyɛrɛ matanka yɛlɛnya-su bɛɛ ma. Wo kɔma, anu kana sogo-yifanɛ fenfen dɔn bawo a yele ye a rɔ.

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 7:23

Kɔnɔ ko do ye wɔlila nde rɔ, min bi Allala tɔn wara-koe kɛlɛla n yisi rɔ. Wo ara n ma yɔɔn la hakɛ kɔrɔ, ado wo si n mara.

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!

2 Kɔrɛnti 5:20

Nba, male mara Kirasitita kilayɛnu na alako ma ni ata kumɛ fɔ mɔgɛnu ye. Alla nyɛrɛ ye ma sɔla ka ma ata kuma-lakelɛ la min kɛ, ma ye wo madiyala Kirasitila ko la ko wo ni sɔn ko wo ti to mani Alla yogenu na fɔ ka wo ma a diyana-mɔgɛnu na!

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Ɛfɛsa 2:19

Woletɔ wole sibolo-gbɛrɛnu, mɔgɔ-gbɛrɛ ma wo la tun, ado sundan ma wo la tun. Wo ara ma duguran la kaka Allata mɔgɛnu tɛma. Wo ye Allata denbayɛ rɔ gbɛ!

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

2 Timoti 2:22

I ni i tanka fonikeya-natanu ma. I raya telenbagayɛ anubɛ dɛnkɛninyɛ ma, wo kɔma, keninteyɛ anubɛ yisi kimɛ ma. I ni to sɔndɔma-tiginu kurun tɔ.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 6:9

N diyana-mɔgɛnu, hali ma ara koe kɛnu fɔ wo ye kɔnɔ ma lanɛ wole la gben! Ma ya a lɔn ko wo ye koenu mala iko mɔgɔ-kisinɛnu si a ma nya min.

Yemesi 4:1

Kɛlɛ anubɛ sɔsɔlɛ minnu bi wo tɛma, wonu bɔnɛ mi? Anu bɔnɛ wola natanu denu tɔ minnu bi kɛlɛla wo yisi rɔ.

1 Pita 1:1

Nde, Pita le ye kɛdi kɛ sɛbɛla, Yisa Kirasiti ya nde min sɔ, ala kilayɛ, kɔni. N bi a lakela wole Allala mɔgɔ yabɔnɛnu ma minnu manɛ iko kɛlɛ-kɔrɔ-maburilɛnu. Wo nyɛnsɛnnɛ Ponta anubɛ Kalesiya anubɛ Kapadosiya anubɛ Esiya anubɛ Baitiniya nyamanɛnu tɔ.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

1 Pita 4:12

N diyana-mɔgɛnu, wo ye tɔrɔya-belebele min sɔrɔnna kɔrɔbɔlɛ rɔ, wo kana kawa wola ko la. Ko-kura ma wo la iko min nyɔgɔn ma duri kɛla.

1 Pita 4:2

Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,

2 Pita 3:1

N diyana-mɔgɛnu, nna kɛdi fila nyɔgɛ le kɛ la n bara min sɛbɛ wo ma gbɛ! N bara n taya kɛdi filɛ kɛ bɛɛ rɔ ko n bara kumɛ minnu sɛbɛ wo ma nun, wo ni wo hɛnkili to sɛbɛna-kumɛ wonu ko a kin na!