1 Pita 2:1 - ALLALA KUMƐ

¹ Woletɔ wo ni fara ko-yogomɛ bɛɛ la. Wo kana foninyɛ fɔ tun. Nyɛrɛmankolayɛ wo, keliyɛ wo, mɔɛn-kɛ wo, wo ni fara wonu na!

1 Pita 2:1 ပူးပေါင်းရင်းမြစ်များ

Yobu 36:13

Mɔgɛ minna ko sa Alla wara-koe rɔ, wonu bi tola yisi-magboyɛ le kun na. Hali anu ba tɔrɔyɛ sɔrɔn, anu ti Alla madiya.

Yaburi 32:2

Mɔgɔ-sewanɛ le wo tigi la Mari ma hakɛ yen min ma. Mɔgɔ-sewanɛ le wo tigi la yanfante ma min na.

Yaburi 34:13

Nba, ni kɛnu di wo ye, wo ni fara foninya-fɔɛ anubɛ kuma-gbondani-fɔɛ la.

Yaburi 37:1

Mɔgɔ yisi kana tinya karagbɛlɛnuna ko la. I yɛ kana bɔ ko-yogoma-kɛlɛnu na ka i sanka anu ma.

Hɛnkilimaya-Kumɛnu 14:30

Yisi-kimɛ si kɛndɛyɛ di mɔgɛ ma kɔnɔ keliyɛ si mɔgɔ-kole tuli.

Hɛnkilimaya-Kumɛnu 24:1

I kana i sanka mɔgɔ-yogomɛnu ma hali ka i gbɛrɛn anu ma

Hɛnkilimaya-Kumɛnu 24:19

I yisi kana tinya mɔgɔ-yogomɛnuna ko la. I kana i sanka anu ma.

Hɛnkilimaya-Kumɛnu 3:31

I kana karagbɛlɛnu makeliya anuna karagbɛlɛyɛla ko la, ado i kana na ma iko anu denu

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Matiyu 15:7

Wole nyɛrɛ-mayiralɛnu! Nɛbi Aiseya ya wɔlɔyiyɛ kɛ a kin na wolela ko la, yɔ! A ko,

Matiyu 23:28

Wo ye wo nyɛrɛ mala mɔgɔ-nyimɛnu na mɔgɛ bɛɛ yala wo nya le. Wo kɔmɛ kin kɔnɔ wo burɛ fanɛ foninyɛ anubɛ hakɛnu na.

Matiyu 24:51

A tigi si a ratɛgɛtɛgɛ ka anubɛ kolandinu don kan-tina-kelen. Mɔgɛnu si di nyɔ ka anu nyin masɔgɔ dumɛ bolo.

Matiyu 7:5

Ile nyɛrɛ-mayiralɛ! Kɔn-gbondon bɔ ile fɔlɔn yɛ ma, wo kɔma, buriburi min bi i ta-nyɔgɛ yɛ ma, i si ke wo yenna ka wo bɔ a ma.

Maraka 12:15

Kɔnɔ Yisa ya anuna yanfɛ yen. A ya a fɔ anu ye ko, “Wo ye wo rayala n bira-koe ma nfenna? Na duti-wodi do la, n ni a mafɛlɛn.”

Luka 11:44

Gbalo ye wo kuma bawo wo mani de iko kanba-dogonnɛnu, mɔgɛnu si tagama min kuma, anu sa a kalama.”

Luka 12:1

Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Luka 6:42

I si a fɔ i ta-nyɔgɛ ye kama ko, ‘N bɔ, sɔ wa, n ni buriburi bɔ i yɛ ma,’ kɔnɔ i sa kon-gbondon wo yenna min bi i nyɛrɛ yɛ ma? Ile nyɛrɛ-mayiralɛ! Kon-gbondon fɔlɔn bɔ i nyɛrɛ yɛ ma, wo kɔma, buriburi minnu bi i ta-nyɔgɛ yɛ ma, i si ke wo yenna ka wo bɔ nyɔ.

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Romu 1:29

Karagbɛlɛyɛ wo, nata wo, gboyanayɛ wo, ko-yogoma-su bɛɛ wo, anu burɛ lafanɛ wo bɛɛ la. Keliyɛ wo, mɔgɔ-fagɛ wo, sɔsɔlɛ wo, yanfanteyɛ wo, anubɛ yogoyɛ, anu burɛ lafanɛ wonu fanan na. Anu bi nafigiyɛ kɛla

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

1 Kɔrɛnti 5:8

Ma ni mala ladiyɛ wo kɛ a kilɛ fɛ. Ma kana a kɛ hakɛ anubɛ wunduyogoyɛ la ma bolo min manɛ iko biredi-yɛlɛ-fan. Ma ni a kɛ sɛninyɛ anubɛ tonyɛ la min manɛ iko biredi-yɛlɛ-fen sa dɛgɛ min tɔ.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

Ɛfɛsa 4:31

Nyɔgɔn-kɔn wo, yisi-bɔɛ wo, diminyɛ wo, wo ni wonu boloka. Wo kana nyɛɛ mɔgɛnu ma ka mɔgɛ manyini, ado wo kana ni-yogoyɛ kɛ wo nyɔgɔn na.

1 Tɛsalonaika 2:3

Ma ya kibara-nyimɛ min nake, ma ma wo lake ka a tɛgɛ foninyɛ anubɛ ni-yogoyɛ ma. Ma ma ma raya ka mɔgɔ-wo-mɔgɔ yanfa.

1 Timoti 3:11

Anuna musinu fanan ni ma sɔn-nyima-tiginu na. Anu kana ma mɔgɔ-dan-tinyanɛnu na. Anu ni ma sɛbɛna-mɔgɛnu na ka lanayɛ kɛ koe bɛɛ rɔ.

Taita 2:3

A fɔ musu-kɔrɛnu fanan ye wo nya ko anu ni anu tagama-nya sɛninya iko a bɛnnɛ musu-sɛnimɛnu ma nya min. Anu kana ma mɔgɔ-tɔgɔ-tinyalɛnu na, ni wo ma, baan-minnɛnu. Anu ni ma ko-nyima-karan-mɔgɛnu na.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Yemesi 1:21

Wo ni ko-latinyanɛ bɛɛ boloka anubɛ kɛ-nya-yoge bɛɛ. Wo ni sɔnnaya Alla ye ka ala kumɛ bira min siginɛ wo yisi rɔ, ado kumɛ wo si ke wo kisila le.

Yemesi 3:14

Kɔnɔ ni keliya-yogomɛ ye i yisi rɔ, ado i ye koe bɛɛ bɛnna i nyɛrɛ le ma dɔrɔn, i kana i nyɛrɛ matɔgɔ ka a tɛgɛ ila hɛnkilimayɛ ma. I wara tonyɛ boloka worɔ ka foninya-yogoma-wɛ sa tele la.

Yemesi 4:11

N na-kelen-nyɔgɛnu, wo kana wo nyɔgɔn mapandin ha ka wo nyɔgɔn yiliki. Ni wo ya wo ma, wo ye Alla leta tɔn mapandinna ka a yiliki. Ka a fɔ i si ke a fɔla ko, “Tɔn kɛ bɛnta, tɔn kɛ ma bɛn,” wo kiti-tɛgɛla ma ile la, ado ita wɔlɛ ye min na, wo le, ka tɔn wonu bira wo bolo filɛ la.

Yemesi 4:5

Allala kitabu wa a fɔ ko, “Allala Ni-Sɛnimɛ min siginɛ ma rɔ, a ye a fɛ, ma ni telen a kelen pe le ye,” wo kana wo miri ko a ara kuma-fuyi le fɔ wo la.

Yemesi 5:9

N na-kelen-nyɔgɛnu, wo kana gbunya wo nyɔgɔn kɔrɔ, ni wo ma, Alla si wo kiti tɛgɛ. Wo ni wo yɛ lata. Kiti-tɛgɛlɛ sɔnɛ dɛ la. A sɔgɛ ye a la, a ni don.

1 Pita 2:16

Mɔgɔ-hɔrɔyanɛ le wole la kɔnɔ wo kana wola ko-yogomɛnu dogon wola hɔrɔyɛ fɛ. Wo ni ma yɔɔnnu na Alla ye.

1 Pita 2:22

A ma hakɛ-wo-hakɛ kɛ! A ma foninya-wo-foninya fɔ mumɛ!

1 Pita 3:10

Iko a sɛbɛnɛ Allala kitabu rɔ nya min ko, “Wo ye a fɛ, wo ni to wo diya? Wo ye nyinina simayɛ anubɛ sewɛ ma? Wo ni wo fara foninya-fɔɛ anubɛ kuma-gbondani-fɔɛ la.

1 Pita 4:2

Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,

1 Pita 4:4

Nba, kaka Alla-batobɛlɛnu bara kawa bawo wo sa kofula anu ma tun kisimiriya-sufa wonu tɔ. Woletɔ anu bi wo lafɛyala.

Lankɛnimayɛ 14:5

Anu ma foninyɛ fɔ mumɛ! Fɛɛ-wo-fɛɛ sa anu na.