1 Pita 1:8 - ALLALA KUMƐ

⁸ Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

1 Pita 1:8 ပူးပေါင်းရင်းမြစ်များ

Keninteya-Siginu 1:7

N keninte, ni wobɛ ila sagɛnu bi tala kan min bara la bi, wo fɔ n ye. Tele wa kunaya, ila sagɛnu bi anu sala ninɛ la mintɔ wara la? I ta-tina-gbengban yira n na alako n kana to tenbi-tenbila saga-kandannɛ doinu tɛma iko yɛlɛn.

Keninteya-Siginu 5:16

A da-gbole-masusun di. A wara-koe ara sɔ n yɛ la. Wole Yerusalɛm musinu, nna kei ye ka le.

Keninteya-Siginu 5:9

Ile min kin ma dama ko, ila kei tenbira kei bɛɛ la, wa? Ila kei tenbira kei doinu na kama min bi a tola, ma ye lanyiri kɛ kirila i ye?

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Yɔni 14:15

“Ni nde di wo ye, wo si nna kumɛnu bira.

Yɔni 14:21

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

Yɔni 14:24

N gbo min ye, wo ti nna kumɛ bira. Wo ara kumɛ min namɔɛn kɛ la, nta kuma ma wo la. N Fa Alla min ya n sɔ, wota kumɛ le.

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

Yɔni 20:29

Yisa ya a fɔ a ye ko, “I wara n yen min kɛ, wo le ara a ma, i wara la n na. Minnu ma n yen kɔnɔ anu lara n na, mɔgɔ-sewanɛ le wonu na de!”

Yɔni 8:42

Yisa ya a fɔ anu ye ko, “Ni wo fa le Alla la serr, wo si n keni nun bawo n bɔra Alla warɛ le. N bi yan kaka. N ma na n nyɛrɛta sɛnbɛ la kɔnɔ ale le ya n sɔ.

Kɛwɔlɛnu 16:34

A tara Pɔli anubɛ Sailasi la ala bɔn la ka dɔn-fan di anu ma. Ale anubɛ ala bonna-mɔgɛ bɛɛ sewara bawo anu bara dɛnkɛninya Alla ma.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

2 Kɔrɛnti 1:22

A ara ma ma atɛ la ka ata tamasere sigi ma kuma, ata Ni-Sɛnimɛ, kɔni. A ya wo ladon ma yisi rɔ alako min bɛɛ ye a bolo ma ye, ale Allata Ni-Sɛnimɛ le wo kun-fɔlɛ la.

2 Kɔrɛnti 12:4

A ya koe donu namɔɛn nyɔ, hadama-dan ti ke minnu fɔla, ado a ti ke minnu nakaranna.

2 Kɔrɛnti 4:18

Fan minnu si yen, ma sa ma yɛ sɔla wonu na, fɔ mɔgɛ ti ke minnu yenna. Ma ye min yenna, wo si wati-kundu-ni-dɔrɔn bɔ kɔnɔ min ti ke yenna, wo si to a la tɛban!

2 Kɔrɛnti 5:7

Ma ye ko-ladanna mala dɛnkɛninyɛ le fɛ. Ma sa ko-ladanna iko ma ye a yenna nya min.

2 Kɔrɛnti 9:15

Ma ni baraka bira Alla ye ala kɔ-fanla ko la, mɔgɛ ti ke min sanna.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

Ɛfɛsa 6:24

Alamɛ Allata hinɛ tora wo dama fɛ minnu bi ma Mari Yisa, Allata-Mɔgɔ-Yabɔnɛ kenina tɛban!

Filipai 1:25

ado n lanɛ wo la serr, woletɔ n ya a lɔn ko min fisa, n ni to n niyi la. N si to wo dama fɛ alako wola yarɔma-ta-koe anubɛ sewɛ dɛnkɛninyɛ rɔ ma ni to kofula.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!

Hiburunu 11:1

Minnu dɛnkɛninyanɛ Alla ma, anu lanɛ a la ko anu yigi sanɛ fan min kuma, Alla le si wo di anu ma. Anu ma min yen bɛ, anu lanɛ wo la ko Alla le si wo di anu ma feu!

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.

1 Pita 1:6

Hali wo yisi tɔrɔnɛ kaka kɔrɔbɔli-sufa-siyaman tɔ kɔnɔ a fɛrɛ sa, ado a bɛnnɛ wo ni sewa tɔrɔyɛ wola ko la.

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!